3,376.74
Нийслэлийн Өмчийн харилцааны газраас ээлжит газрын эрхийн дуудлага худалдааг өнөөдөр зохион байгууллаа. Ээлжит дуудлага худалдаанд нийслэлийн 13 байршил дахь газрыг дуудлагаар худалдах байсан ч энэ удаа нэг байршилд л хоёрхон санал ирсэн юм. Ингээд Баянзүрх дүүргийн 10 дугаар хороо, Улиастай уулзвар орчимд байрлах 0,45 га газрын дуудлага худалдаагаар борлуулсан юм. Дуудлага худалдаанд Баянгол дүүргийн иргэн Я.Гэрэл ахын хамт оролцож, үйлдвэрлэл үйлчилгээний зориулалт бүхий энэхүү газрыг 84 сая 906 мянган төгрөгөөс эхлэн дуудаж, 86 сая 406 мянган төгрөгөөр газрыг худалдан авлаа. Иргэн Я.Гэрэл уг газарт тавилгын үйлдвэрлэл явуулах юм байна. Я.Гэрэл үйлдвэрийн барилгаа 2-3 давхар барихаар тооцжээ.
Эдийн засаг хямарч, улс, нийслэлийн төсөв багассан нэ үед хотын төсвийн мөнгөний урсгалыг нэмэгдүүлэх нэг арга хотын өмч, хувьчлалыг нээлттэй дуудлага худалдаанд оруулах. Өнгөрсөн онд 93 тэрбум төгрөгийг хот өөрийн өмчийн барилга, объектуудыг борлуулж, олох төлөвлөгөөтэй байсан. Гэхдээ дээрх тоон төлөвлөгөө оны эцэст биелэгдээгүй. Иймээс 2015 оны өмч хувьчлалын жагсаалтыг 2016 он руу шилжүүлж, энэ жил нийт 46 тэрбум төгрөгийн өртөгтэй нийслэлийн өмчит хуучин барилга байгууламжийг худалдаахаар тооцсон байсан юм. Гэвч нийслэлээс зарласан газрыг худалдан авах саналаа ирүүлсэн аж ахуйн нэгж, иргэн ховорхон байна.
Д.УЛАМБАЯР
Зураглаач Ц.АРИУНБОЛД
ГАЗАР ЭЗЭМШИХ, АШИГЛАХ ЭРХИЙН ДАХИН ДУУДЛАГА ХУДАЛДААНЫ БАЙРШЛУУД
д/д | Газрын байршил | Зориулалт | Хэмжээ /га/ | Дуудлага худалдааны анхны үнэ /төг/ | Барилгын зургууд /төг/ | Барилгын зургууд |
1 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Үйлчилгээтэй орон сууц | 5.25 | 586206848 | ||
2 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Үйлчилгээтэй орон сууц | 3.91 | 436889376 | ||
3 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Үйлчилгээтэй орон сууц | 1.6 | 188489787 | ||
4 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Үйлчилгээтэй орон сууц | 3.0 | 341082440 | ||
5 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Амины сууцны хотхон | 3.6 | 398362696 | ||
6 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Амины сууцны хотхон | 2.23 | 248164901 | ||
7 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Конторын барилга | 1.14 | 137673728 | ||
8 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Орон сууц | 0.7 | 85344129 | ||
9 | Хан-Уул дүүргийг 10-р хороо, Чингис хаан олон улсын нисэх онгоцны буудлын баруун урд талд | Орон сууц | 0.7 | 84928944 | ||
10 | Баянзүрх дүүргийн 10-р хороо, Витсамо үйлдвэрийн хойд талд | Үйлдвэрлэл, үйлчилгээ | 0.45 | 84906289 | ||
11 | Сонгинохайрхан дүүргийн 32-р хороо, Авто худалдааны цогцолборын Бүс 6 барилга 8 | Зочид буудал, худалдаа үйлчилгээ | 1.1 | 129550000 | ||
12 | Сонгинохайрхан дүүргийн 32-р хороо, Авто худалдааны цогцолборын Бүс 6 барилга 7 | Зочид буудал, худалдаа үйлчилгээ | 1.1 | 129550000 | ||
13 | Хан-Уул дүүргийн 14-р хороо, Түргэний гол дагуу | Аж ахуй, фермер | 3.75 | 336189733 |
Дуудлага худалдаанд оролцох этгээдийн бүрдүүлэх материал:
Хүсэлт маягтаар гаргана. /Татаж авах бол энд дарна уу. /
Иргэн бол иргэний үнэмлэхний хуулбар, аж ахуйн нэгж, байгууллага бол аж ахуйн нэгжийн гэрчилгээний хуулбар
Банкны тодорхойлолт /санхүүгийнхээ байдал, төлбөрийн чадварын тухай/
Дуудлага худалдааны анхны үнийн 10%-тай тэнцэх мөнгийг дэнчин болгон тушаасан баримт /Нийслэлийн Төрийн сан банкны 200051049 тоот дансанд тушаана. Хүлээн авагч: Нийслэлийн Өмчийн харилцааны газар, Зориулалт: Дэнчингийн үнэ/
