Найруулагч М.Батболд “Альфа” театраа байгуулж, Германы суут зохиолч И.В.Гётегийн “Фауст” жүжгийг пост драм хэлбэрээр үзэгчдийн хүртээл болгоод буй. Хоёр бүлэг, 12 үзэгдэлт жүжгийг “Корпорэйт” зочид буудлын тоглолтын танхимд энэ сарын 6, 7, 8-нд тоглосон. Алдарт жүжгийг үзэгчдийн хүсэлтээр энэ сарын 10-нд ганцхан удаа дахин тоглохоор болжээ.
Үзэгчдээс өндөр үнэлгээ авсан “Фауст” жүжгийн гол дүрд Ардын жүжигчин Г.Мягмарнаран, Гавьяат жүжигчин Б.Жаргалсайхан, Улсын драмын театрын жүжигчин С.Болд-Эрдэнэ нар тоглосон. Харин “Фауст” жүжгийн чөтгөр буюу Мефистофелийн дүрд жүжигчин Т.Бархүү тоглож байна. Дэлхийн олон орны театрт “Фауст” жүжгийг тоглоход эл дүрийг тухайн орны хошин урлагийн мастерууд “амилуулж” байсан түүхтэй. Мөн энэ жүжигт залуу уран бүтээлч М.Лхагва, Б.Одгэрэл, Ц.Цэлмүүн, Б.Хатанбаатар нар тогложээ.
Ардын жүжигчин Г.Мягмарнарангийн хүү найруулагч М.Батболд “Фауст” жүжгийг 2018 онд Монголын үзэгчдэд анхлан хүргэсэн бөгөөд жүжгийг зохиолч, орчуулагч Н.Пүрэвдагва орчуулсан билээ.
Өнгөрсөн 2018 онд “Фауст” жүжгийн гол дүрд жүжигчин С.Болд-Эрдэнэ, Гавьяат жүжигчин Л.Баттулга нар болон Ардын жүжигчин Г.Мягмарнаран, Гавьяат жүжигчин Б.Жаргалсайхан түүний хань Г.Урнаа, жүжигчин Н.Оюунчимэг нар тоглож байв.
А.СҮРЭН
Зочин 2020-11-09 202.126.89.88
Гайтай Урлагийнхан Концeрт Тоглолт гээд үхчих гээд…..
Зочин 2020-11-09 64.119.22.242
Нэрийн хор, нүүрийн хир
Театрал 2020-11-09 64.119.22.242
Дахиж тоглоx хэрэг байгаамуу. Нэг их зарлаад сүйд болоод байсан. Үзэхэд сэтгэлд хүрээгүй. Тэр мундаг жүжгийг гурилдчихсан л санагдсан Театрын урлагийн ноён оргил бүтээлд джлдуйдаж мөнгө олох гээд ядчихсан байхчүүлээ. Гетег ингэж тавиад нэрийн хор.
1 2020-11-09 66.181.161.40
танд зориулж тоглоогүй юм чинь уураа бараад яахавдээ
Зочин 2020-11-09 66.181.177.128
Фаустыг уншихад илүү ойлгогдоно
Зочин 2020-11-09 59.153.113.201
Шааагаад бай л даа хэн ч дахин үзнэ гээгүй. Шинэ жилгүй болохоор л худлаа шаамалтаж нохой ч тоож гарчиглахгүй юмнуудаа гаргах гээд үзчих юмаа