Японы эрдэмтэд Covid-19 өвчин үүсгэгч SARS-CoV2 вирустэй төстэй шинэ вирусийг агуйн сарьсан багваахайнаас илрүүлжээ.

Токиогийн их сургуулийн судлаачид Японы зэрлэг байгальд долоон жилийн өмнө хийсэн судалгааныхаа үеэр дээж болгон авсан сарьсан багваахайн ялгадсыг судалж үзээд, Covid-19 өвчин үүсгэгчтэй маш олон ижил шинж чанартай, бүртгэгдэж байгаагүй шинэ вирус олж илрүүлсэн байна.

Шинэ вирус нь SARS-CoV2 вирустэй генетикийн хувьд 81.5 хувь таарч байгаа бөгөөд эрдэмтдийн хэлж буйгаар энэ нь өдгөө цар тахал болоод буй дээрх вирустэй их төстэй, анх удаа бүртгэгдэж байгаа юм.

Covid-19, SARS, MERS болон зарим энгийн ханиад томууны вирусүүд амьтнаас хүнд халддаг нь нэг том шалтгаан юм. Гэхдээ Японы эрдэмтдийн нээсэн шинэ коронавирус одоохондоо хүнд халдах чадваргүй бөгөөд цаашид нарийн судалгаа хийх шаардлагатай гэнэ.

“Маш олон төрлийн коронавирус байдгаас цөөн хэд нь л хүнд халдаж, өвчин үүсгэх чадвартай байдаг. Гэхдээ энэ нь бидэнд халдах эрсдэлтэй өөр коронавирус байхгүй гэсэн үг биш. Тиймээс бид үргэлжлүүлэн судалж, олж мэдсэнээ цаг тухайд нь хуваалцаж байх болно” хэмээн профессор Шин Мураками ярьжээ.

Эх сурвалж: RT.COM