3,377.44
Удахгүй УИХ-ын чуулганы нэгдсэн хуралдаанаар Үндэсний статистикийн хорооны даргыг томилох тухай УИХ-ын тогтоолын төслийг хэлэлцэхээр төлөвлөжээ. Тодруулбал, тус хорооны даргад УИХ-ын гишүүн асан Ц.Цогзолмаагийн нэр яригдаж байна.
Өмнөх Засгийн газарт Үндэсний статистикийн хорооны даргаар ажиллаж байсан А.Ариунзаяа Хөдөлмөр нийгмийн хамгааллын сайд болсон тул ийн орлох хүнийг нь томилох учиртай.
Одоогоор Ц.Цогзолмаагаас өөр нэр яригдаагүй байгаа бөгөөд МАН-ын удирдлагууд дэмжиж байгаа аж. Түүний хувьд багш, түүхч мэргэжилтэй, шаггүй улстөрч гэдгээ өнгөрсөн хугацаанд харуулсан.
Намтар:
ТӨГССӨН СУРГУУЛЬ, МЭРГЭЖИЛ
1992 онд ЗХУ-ын Эрхүү хотын Улсын багшийн их сургууль, багш, түүхч
2004 онд Удирдлагын академи, төрийн удирдлага
2009 онд Тагнуулын академи, эрх зүйч
АЖИЛЛАСАН БАЙДАЛ:
1992-1993 онд МУИС-ийн Ховд дахь салбарт багш
1993-1994 онд Ховд аймгийн ЗДТГ-т мэргэжилтэн
1994-1995 онд Ховд аймгийн ИТХ-д мэргэжилтэн
1995-1996 онд Ховд аймгийн Хүүхдийн төвд мэргэжилтэн
1996-1997 онд Ховд аймгийн Эмэгтэйчүүдийн зөвлөлийн дарга
1994-1998 онд Монголын Скаутын холбооны Хөтөлбөрийн дарга
1998-1999 онд Олон улсын хүүхдийн Найрамдал төвд бүлгийн ахлах удирдагч
1999-2000 онд Нийслэлийн Ардчилсан социалист залуучуудын холбооны дарга
2000-2004 онд Нийслэлийн Хүүхэд залуучуудын хөгжлийн газрын дарга
2004-2006 онд Сүхбаатар дүүргийн Засаг дарга
2006-2008 онд Жендерийн тэгш байдлын үндэсний хорооны ажлын албаны дарга
2008-2012 онд Нийслэлийн Засаг даргын Нийгмийн хөгжлийн асуудал эрхэлсэн орлогч дарга
2013 оноос Нийгмийн ардчилал Монголын эмэгтэйчүүдийн холбооны ерөнхийлөгч
2016 оноос Монгол Улсын Их Хурлын гишүүн
2017-2019 онд Монгол Улсын Засгийн газрын гишүүн, Боловсрол, соёл, шинжлэх ухаан, спортын сайд
Холбоотой мэдээ