Гурван улсын Эдийн засгийн коридорыг хөгжүүлэх төсөл амь орлоо | News.MN

Гурван улсын Эдийн засгийн коридорыг хөгжүүлэх төсөл амь орлоо

РЕДАКЦИЙН ЗУРВАС

Гурван улсын Эдийн засгийн коридорыг хөгжүүлэх төсөл амь орлоо

Гурван улсын Эдийн засгийн коридорыг хөгжүүлэх төсөл амь орлоо

Дөрвөн жил хагасын өмнө Монгол, Орос, Хятадын төрийн тэргүүн нарын гурав дахь уулзалтын үеэр баталсан гурван улсын Эдийн засгийн коридорыг хөгжүүлэх ажил одоо л хэрэгжих шат руугаа орж байна.

Өнгөрсөн долоо хоногийн Пүрэв гаригт буюу 2020 оны арваннэгдүгээр сарын 5-ны өдөр Монгол, Орос, Хятадын Эдийн засгийн коридор байгуулах хөтөлбөрийн хэрэгжилтийг урагшлуулах Хамтарсан ажлын хэсгийн дарга нарын (дэд сайдын түвшний) анхдугаар уулзалт цахимаар зохион байгууллаа.

Монголын талын төлөөлөгчдийг Гадаад харилцааны дэд сайд Б.Мөнхжин, ОХУ-ын талыг Эдийн засгийн хөгжлийн орлогч сайд П.В.Засельский, БНХАУ-ын талыг Хөгжил, шинэчлэлийн хорооны орлогч дарга Нин Жиже нар тус тус ахалсан байна.

Монгол Улсын дөрөв дэх Ерөнхийлөгч Ц.Элбэгдоржийн санаачилгаар Монгол, Орос, Хятад гурван улсын төрийн тэргүүн нарын уулзалтыг 2014, 2015, 2016 онд ШХАБ-ын төрийн тэргүүн нарын дээд хэмжээний уулзалтын үеэр зохион байгуулсан. Хөрш гурван улсын төрийн тэргүүн нарын уулзалтын хамгийн гол үр дүнгийн нэг нь Гурван улсын Эдийн засгийн коридорыг хөгжүүлэх хөтөлбөрийг 2016 онд Ташкент хотноо баталсан явдал юм. Маш их хүчин чармайлт, зүтгэл, харилцан зөвшилцлийн дүнд нийтдээ 32 төсөл, хөтөлбөрийг хэрэгжүүлэхээр талууд харилцан тохиролцсон боловч өнөөг хүртэл бодитой ажил болсон үгүй байсан билээ.

Өнгөрсөн долоо хоногт болсон Ажлын хэсгийн дарга нарын уулзалтаар талууд тэргүүлэх ач холбогдол бүхий төслүүдийг урагшлуулах, түүний дотор Монгол, Орос, Хятадын Эдийн засгийн коридорын Төмөр замын төв коридорыг шинэчлэн хөгжүүлэх техник, эдийн засгийн үндэслэлийн ажлыг эхлүүлэх тухай Хамтарсан мэдэгдэл, Төмөр замын төв коридорыг шинэчлэн хөгжүүлэх техник, эдийн засгийн үндэслэлийн Ажлын төлөвлөгөөний төслийг эцэслэн тохиролцож, гурван улсын Төрийн тэргүүн нарын ээлжит уулзалтын үеэр гарын үсэг зурахаар тохиролцлоо.

2016 онд баталсан 32 төсөл хөтөлбөр нь дэд бүтэц, зам тээвэр, эрчим хүч, аж үйлдвэр, хил гааль, шинжлэх ухаан технологи, хөдөө аж ахуй зэрэг есөн салбарыг хамарч байгаа юм. Энэхүү 32 төслийг хэрэгжүүлсэнээр Монгол улс бүс нутгийн эдийн засгийн интеграцид өөрийн гэсэн байр суурийг эзлэх боломжтой болох учиртай. 32 төслийг харилцан тохиролцон батлах процесс багагүй цаг хугацаа, харилцан зөвшилцөл шаардсаныг тухайн үед Гадаад харилцааны сайдаар ажиллаж байсан Л.Пүрэвсүрэн Ташкент хотноо сэтгүүлчдэд мэдэгдэж байсан. Ялангуяа БНХАУ-ын зүгээс маш олон (190 гаруй) төсөл хөтөлбөрийг санал болгож байсан бөгөөд эдгээрээс Монголын талд ашигтай гэж үзсэн 32-ыг сонгох зам тийм ч амар байгаагүй юм.

Эдийн засгийн коридорыг хөгжүүлэх 32 төслийн хамгийн их жин дарж байгаа нь тээврийн дэд бүтцийн төслүүд бөгөөд нийтдээ 13 хөтөлбөр багтсан. Өнгөрсөн долоо хоногт гурван тал төмөр замын төслүүдийг юун түрүүн урагшлуулахаар санал нэгдсэн байна.

“Эдийн засгийн коридор” байгуулах хөтөлбөрийн баримт бичигт дурдсанаар хамтын ажиллагааны чиглэлүүд нь нэгд, Тээврийн дэд бүтцийн харилцан уялдаа бүхий хөгжлийг дэмжих, хоёрт, Хилийн боомтуудыг хөгжүүлэх, гаалийн болон хорио цээрийн хяналтыг боловсронгуй болгох, гуравт, Аж үйлдвэр болон хөрөнгө оруулалтын салбарт хамтын ажиллагааг бэхжүүлэх, дөрөвт, Худалдаа, эдийн засгийн хамтын ажиллагааг гүнзгийрүүлэх, тавд, хүмүүнлэгийн солилцоо, хамтын ажиллагааг өргөжүүлэх, зургаад, Хүрээлэн буй орчныг хамгалах, экологийн салбар дахь хамтын ажиллагааг бэхжүүлэх, долоод, Бүс нутаг, хил орчмын хамтын ажиллагааг хөгжүүлэхэд оршино. Хөтөлбөрийн хэрэгжилтийг Монголын талаас Гадаад хэргийн яам, БНХАУ-ын талаас хөгжил, шинэтгэлийн хороо, ОХУ-ын талаас Эдийн засгийн хөгжлийн яам хариуцах юм.

“Эдийн засгийн коридор” байгуулах хөтөлбөрийн хүрээнд хэрэгжүүлэхээр тохиролцсонтөсөл, хөтөлбөрийг эргэн сануулахад,

Тээврийн дэд бүтцийн чиглэлээр:

1.Төмөр замын Төв коридор (Улаан Үд-Наушки-Сүхбаатар-Улаанбаатар-Замын Үүд-Эрээн-Улаанцав-Жанчхүү-Бээжин-Тяньжин)-ыг иж бүрэн шинэчлэн хөгжүүлэх, хос зам барих, цахилгаанжуулах эдийн засгийн үндэслэлийг судлах,

2.Төмөр замын Хойд коридор (Курангино-Кызыл-Цагаантолгой-Арц суурь-Овоот-Эрдэнэт-Салхит-Замын Үүд-Эрээн-Улаанцав-Жанчхүү-Бээжин-Тяньжин)-ын төслийг судалж, эдийн засгийн үндэслэлтэй тохиолдолд хэрэгжүүлж эхлэх,

3.Төмөр замын Баруун коридор (Курангино-Кызыл-Цагаантолгой-Арц суурь-Ховд-Такашикэн-Хами муж- Цонжийн хотон үндэстний өөртөө засах тойрог-Өрөмч)-ын төслийг судалж, эдийн засгийн үндэслэлтэй тохиолдолд хэрэгжүүлж эхлэх,

4.Төмөр замын Зүүн коридор (Борзя-Соловьевск-Эрээнцав-Чойбалсан-Хөөт-Бичигт-Шилийн гол (Зүүн хатавч)-Улаанхад-Чаоян-Жиньжоу/Паньзинь)-ын төслийг судалж, эдийн засгийн үндэслэлтэй тохиолдолд хэрэгжүүлж эхлэх,

5.”Түмэн голын тээврийн коридор” (“Далайн эрэг-2) (Чойбалсан-Сүмбэр-Рашаан-Улаанхот-Чанчунь-Яньзи-Хуньцүнь-Зарубино)-ыг төслийг судалж, эдийн засгийн үндэслэлтэй тохиолдолд хэрэгжүүлж эхлэх,

6.Төмөр замын тээврийн “Далайн эрэг-1” коридор (Чойбалсан-Сүмбэр-Рашаан-Манжуур-Цицихар-харбин-Муданьзян-Суйфэньхө- Владивосток-Находка)-ыг төслийг судалж, эдийн засгийн үндэслэлтэй тохиолдолд хэрэгжүүлж эхлэх,

7.Москва-Бээжин чиглэлийн өндөр хурдны төмөр замын шугамыг Монгол улсын нутаг дэвсгэрээр дамжуулан барих хэтийн боломжийг судлах,

8.Гурван талын ложистикийн компани байгуулах асуудлаар хамтарсан яриа хэлэлцээ өрнүүлэх,

9.Азийн автозамын сүлжээний АН-3 (Улаан Үд-Хиагт/Алтанбулаг-Дархан-Улаанбаатар-Сайншанд-Замын Үүд/Эрээн-Бээжингийн гаднах тойрог-Тяньжин) чиглэлийг дамжин өнгөрөх тээвэрлэлтэд идэвхтэй ашиглах, тус чиглэлд хурдны автозам барих эдийн засгийн үндэслэлийг судлах,

10.Азийн автозамын сүлжээний АН-3 (Новосибирьск-Барнаул-Горно Алтайск-Ташанта/Улаан байшинт-Ховд-Ярантай/Такашикэн-Өрөмч-Каши-Хонкираф) чиглэлийг бүтээн байгуулж дамжин өнгөрөх тээвэрлэлтэд идэвхтэй ашиглах,

11.Автозамын Зүүн коридор (Борзя-Соловьевск-Эрээнцав-Чойбалсан-Баруун Урт-Бичигт-Зүүн хатавч-Си-Уджимчин-Ци-Улаанхад/Шилийн гол-Чаоянь/Чэндэ-Жиньжоу/Паньзинь/Тяньжин чиглэлд)-ын төслийг судалж, эдийн засгийн үндэслэлтэй тохиолдолд хэрэгжүүлж эхлэх,

12.Азийн авто замын сүлжээгээр олон улсын авто тээвэр гүйцэтгэх тухай Монгол улс, ОХУ, БНХАУ-ын Засгийн газар хоорондын хэлэлцээрийг байгуулж, хэрэгжүүлэхэд дэмжлэг үзүүлэх /АНДЭЗНК/,

13.Харилцаа холбооны дэд бүтцийг байгуулах ажлыг илүү идэвхжүүлж, Улаан Үд-Хиагт/Алтанбулаг-Дархан-Улаанбаатар-Сайншанд-Замын Үүд/Эрээн-Улаанцав-Бээжин-Тяньжин чиглэлийн дамжин өнгөрөх тээврийн коридоруудын технологийн үйл ажиллагааг удирдах, аюулгүй байдлыг хангах талбарыг байгуулах,

Аж үйлдвэрийн салбарын чиглэлээр:

14.Монгол, Орос, Хятадын Эдийн засгийн коридорын тэргүүний жишиг бүсийг байгуулах ажлыг эрчимжүүлж, гурван улсын хоорондын үйлдвэрлэлийн хамтын ажиллагааны кластерийг байгуулах боломжийг судлах,

15.Хейлунжин муж (БНХАУ), ОХУ-ын холбогдох субъект, Өвөр Монголын Өөртөө засах орон (БНХАУ), Монгол улсын хооронд эдийн засгийн хамтын ажиллагааны жишиг бүс байгуулах үндэслэлийг судлах,

Хилийн боомтыг шинэчлэх чиглэлээр:

16.ОХУ-ын төмөр замын Забайкальск, авто замын Пограничный, Краскино, Монд хилийн боомтыг сэргээн засварлах, БНХАУ-ын Манжуур, Суйфэньхэ, Хунчунь, Эрээний хилийн боомтыг шинэчлэх, Монгол улсын төмөр зам, авто замын боомтуудыг шинэчлэх, бүтээн байгуулах,

Эрчим хүчний чиглэлээр:

17.Монгол, Оросын цахилгаан эрчим хүчний сүлжээг шинэчлэхэд Хятадын аж ахуйн нэгжүүд оролцох боломжийг судлах,

Худалдаа, гааль, мэргэжлийн хяналт шалгалт, хорио цээрийн чиглэлээр:

18.2015 оны долдугаар сарын 9-ний өдөр байгуулсан Монгол, Орос, Хятадын хилийн боомтын хөгжлийн салбарт хамтран ажиллах тухай Ерөнхий хэлэлцээр болон Монгол улс, ОХУ, БНХАУ-ын гаалийн албад хооронд Гурван улсын хоорондын худалдааны хөгжлийг дэмжих таатай нөхцөл бүрдүүлэх талаар хамтран ажиллах тухай Санамж бичгийг хэрэгжүүлэх,

19.Зарим нэр төрлийн бараанд хийсэн гаалийн хяналтын үр дүнг харилцан хүлээн зөвшөөрөх тухай Монгол улсын Гааль, татварын ерөнхий газар, ОХУ-ын Холбооны Гаалийн алба, БНХАУ-ын Гаалийн ерөнхий газар хоорондын хэлэлцээр байгуулахыг дэмжиж, хэрэгжүүлэх,

20.”Бүс, зам” санаачилгын хүрээнд Хүнсний бүтээгдэхүүний аюулгүй байдлын салбар дахь хамтын ажиллагааны тухай Монгол, Орос, Хятадын 2015 оны арваннэгдүгээр сарын 3-ны өдрийн Хамтарсан мэдэгдлийг хэрэгжүүлж, хүнсний бүтээгдэхүүний хил дамнасан худалдааны хяналтын хамтын ажиллагааг бэхжүүлэн, худалдааны нөхцөлийг сайжруулахад дэмжлэг үзүүлэх,

21.Монгол улс, ОХУ-ын эрх бүхий байгууллагууд болон БНХАУ-ын Чанарын хяналт, шалгалт, хорио цээрийн ерөнхий газрын хоорондын хамтын ажиллагааны Ерөнхий хэлэлцээрүүдэд гарын үсэг зурахад дэмжлэг үзүүлэх, үүнд: хилээр нэвтрэх /орж, гарах/ амьтан, ургамал, тэдгээрийн гаралтай бүтээгдэхүүний хорио цээрийн салбар дахь хамтын ажиллагааг бэхжүүлэх, хил дамнасан мал, ургамлын гоц халдварт өвчин, хортой биологийн тархалтаас урьдчилан сэргийлэх, мал, ургамлын гаралтай бүтээгдэхүүний худалдааны аюулгүй байдлыг хангах,

Хүрээлэн буй орчныг хамгаалах болон экологийн чиглэлээр:

22.Байгалийн тусгай хамгаалалттай газар нутгийн чиглэлээр гурван талын харилцан ашигтай хамтын ажиллагааг хангах практик хамтын ажиллагааг эрчимжүүлэх, холбогдох харилцаа холбоог бэхжүүлэх, зөвлөлдөх уулзалтуудыг зохион байгуулах, Монгол, Орос, Хятадын хамтарсан “Дагуурын дархан цаазат газар”-ын үйл ажиллагааны хүрээнд харилцан ашигтай хамтын ажиллагааг идэвхжүүлэх,

23.Монгол, Орос, Хятадын хил дамнасан экологийн коридоруудыг байгуулах, зэрлэг ургамал болон амьтны аймаг, ус, намгархаг газартай холбогдох эрдэм шинжилгээний хайгуул, хяналт шинжилгээ хийж, зэрлэг ан амьтан, ургамал, нүүдлийн шувуудыг хамгаалах салбар дахь хамтын ажиллагааг бэхжүүлэх,

24.Хүрээлэн буй орчныг хамгаалах болон экологийн салбарт хамтарсан удирдлагын болон мэдээлэл солилцох тогтолцоог бий болгох боломжийг судлах, түүнчлэн байгаль орчныг хамгаалах сэдвээр семинар зохион байгуулах,

Шинжлэх ухаан, техникийн хамтын ажиллагааны чиглэлээр:

25.Гурван улсын шинжлэх ухаан, техникийн парк, инновацийн талбар хоорондын, мөн түүнчлэн эрдэм шинжилгээний болон боловсролын байгууллагуудын хооронд тээвэр, хүрээлэн буй орчныг хамгаалах болон байгалийн нөөцийн зүй зохистой ашиглалт, амьдрахуйн шинжлэх ухаан, мэдээлэл, харилцаа холбооны технологи, нано систем ба материал, эрчим хүч, эрчим хүчийг хэмнэх ба хог хаягдлыг бууруулах, хөдөө аж ахуйн шинжлэх ухаан, аж үйлдвэрийн шинэ технологи, байгалийн болон технологийн гаралтай гамшгийн зэрэг салбарт хамтын ажиллагааг бэхжүүлэх,

26.Талуудын шинжлэх ухаан, технологийн хөгжлийн тухай мэдээллийн солилцоог урагшлуулж, эрдэм шинжилгээний ажилтнуудыг солилцох, дадлагажуулахад дэмжлэг үзүүлэх,

27.Сурагчдын харилцан солилцоо болон оюутнуудыг гадаадад харилцан суралцуулах хүрээг өргөжүүлэх, боловсролын байгууллагуудын нөөц бололцоонд тулгуурлан залуучуудын боловсролын солилцоог урагшлуулах,

Хүмүүнлэгийн хамтын ажиллагааны чиглэлээр:

28.Хил дамнасан бүс нутаг хоорондын аялал жуулчлалын чиглэлүүдийг хөгжүүлэх, тухайлбал, Монголын Хөвсгөл нуур, ОХУ-ын Байгаль нуур, БНХАУ-ын Хөлөнбуйр нуурыг оруулсан “Их нууруудын гурвалжин”, мөн түүнчлэн Монгол-Орос-Хятадын аялал жуулчлалын тойргийг бий болгох,

29.Монгол-Орос-Хятадын аялал жуулчлалын “Цайны их зам” брэндийг бий болгох,

30.Гурван улсын киноны арилжаа солилцоог урагшлуулах, хамтарсан кино үйлдвэрлэлийг хөгжүүлэх,

Хөдөө аж ахуйн чиглэлээр:

31.Хамтран ажиллах эрмэлзлэлийн тухай Монгол улсын Мал эмнэлэг, үржлийн газар, ОХУ-ын Мал эмнэлэг, ургамал, хорио цээрийн хяналтын Холбооны алба болон БНХАУ-ын Мал эмнэлгийн алба хоорондын 2015 оны есдүгээр сарын 12-ны өдрийн Протоколыг хэрэгжүүлэх,

Анагаах ухааны чиглэлээр:

32.Анагаах ухаан болон эрүүл мэндийг хамгаалах олон улсын семинар хамтран зохион байгуулах, хүн амын эрүүл мэндийг хамгаалах салбарт хамтын ажиллагааг хэрэгжүүлэх.

 

Энэ мэдээнд өгөх таны сэтгэгдэл?
17
ЗөвЗөв
12
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

32 сэтгэгдэл

News.mn сайтад сэтгэгдэл оруулахад анхаарах зүйлс

Avatar

eh oronch 2020-11-09 192.82.67.69

Heregjuulbel saihan l tusluud bn.Uursduu yam hiihgui uruuliig bolohoor eldveer doromjlood suudag ,horlon suidleh nuraah tal deer bolohoor hoshuu urguud suugaad baidag mongoliig hugjuulehgui bh gesen gadnii gar hul bolood baigaa hulgaichuud,malnuud chimeegui suuj baival zugeer shuu iimerhuu teneguudees bolood uls oron uragshlahgui bn

Avatar

Зочин 2020-11-09 66.181.161.79

Ene 30 tusliig ni anhaaralt sain unshaarai buh chigleld hujaat hariltsan hamtarna gj bna mongol ulsiin erdene bolson mal sureg maani hurtel ayult bdald orloo

Avatar

Зочин 2020-11-09 66.181.161.79

Elbegdorj l***r mongoliig hujaagiin neg muj bolgoh bodlogoo heregjuulsen bnashd buh talaar ni hundlun guld tumur zam taviulj hujaag ui tumeer ni oruulj ireh nuhtsuliig ni burduulchlee ulmaar hujaa nar zahaas ni avaad ezleh blgui elbegdorj n**** uhliin muugaar uheh yaltshuu ger bul ni ch bas

Avatar

Зочин 2020-11-09 203.91.115.49

энэдорж өөрийгөө магтуулах хувийн сайт нь тоодгорыг шувтан хошгируулна

Avatar

Зочин 2020-11-09 203.91.115.48

З2 төсөл нь ч юу юм бэ ганц хоёр чансаатайтай төслийг л хэрэгжүүлчих хэрэгтэй.

Avatar

Irgen 2020-11-09 103.212.118.13

Ene xamtin ajillagaa ugaasaa 2007 onoos umnu yavj baisan. gurvan talin ajlin xesgin uulzaltuud ni bainga gurvan ulsdaa eeljlen yavagdaj baisan.

Avatar

Зочин 2020-11-09 66.181.168.199

Модноос гарсан Ц.Элбэгдоржийн хошигроо л байна даа хөөрхий зайлуул

Avatar

ENE UGAASAA ELBEGDORJ HULGAICHIIN SITE SHDE! 2020-11-09 202.131.248.198

ENE UGAASAA ELBEGDORJ HULGAICHIIN SITE SHDE!

Avatar

Зочин 2020-11-09 202.131.248.198

ENE UGAASAA ELBEGDORJ l*****n SITE SHDE!

Avatar

Иргэн 2020-11-09 64.119.27.247

Нөгөө хамгийн чухал Орос Монгол Хятад хийн дамжуулах хоолой худлаа болж байгаа юмуу.нэгч үг үсэг алга.

Avatar

Баасансүрэн 2020-11-09 202.126.88.216

ОЮУ ТОЛГОЙГ ЭРГЭЛТЭНД ОРУУЛЧИХЛАА ОДОО МОНГОЛ ХӨГЖЛӨӨ Л ГЭЭД БАЙСАН ХААНА БАЙНА.. ХЭН ХОЖИВ…
ЭДИЙН ЗАСГИЙН ЭНЭ ХАШИЛТАНД ОРОХ НЬ ӨӨРИЙН ЭРХ БАЙХГҮЙ ДӨРЛҮҮЛССЭНТЭЙ АДИЛ БОЛНО. СОЦ ҮЕД ЭДИЙН ЗАСГИЙН ХАРИЛЦАН ТУСЛАХ ЗӨВЛӨЛИЙН ГИШҮҮН ОРОН ГЭДГЭЭСЭЭ БОЛООД ӨӨР БУСАД ОРОНТОЙ ХАРИЛЦАХ ЭРХ МЭДЭЛГҮЙ БАЙДАГ БАЙЛАА.

Avatar

Зочин 2020-11-09 203.217.139.241

Dund ni zogsoj bgaa tarbaga icheendee orchoogyi yumuu. Ene balaig buudaach buutai hun alga uu

Avatar

Зочин 2020-11-09 64.119.18.115

Сайхан төсөл хөрөнгө оруулалтаар шийдээд хятад компаниудыг ихээр оруулах санаа агуулсан байсан шүү

Avatar

Зочин 2020-11-09 202.131.241.34

Элбэгдорж бол Монголыг Манжийн төр шиг сулруулсан өөдгүй н**ш

Avatar

иргэн 2020-11-09 202.70.46.20

яасан ч Элбэгдоржийн мэхэнд унаж дуусдаггүй ард түмэн юм б дээ? Элбэгдорж чухал хүн байжээ гсэн смс-ийг хүмүүсийн тархинд дахин суулгах ажил үе шаттай явагдаж байна. МАНАН үнэхээр л хүчтэй байнаа.
Элбэгдоржид дахиж хошгироод унаваа таминээ.

Avatar

Зочин 2020-11-09 66.181.168.199

Модноос гарсан Ц.Элбэгдоржийн зураг байдаг нь ямар учиртай юм бж? Одоогийн ерөнхийлөгч Х.Баттулгын Чиндао хотноо хоёр хөршийн удирдагчтай авахуулсан сайхан зураг уг нь байгаа юм сан

Avatar

Зочин 2020-11-09 66.181.168.199

Модноос гарсан Ц.Элбэгдоржийн зургийг тавьдаг нь ямар учиртай юм бэ?Одоогийн ерөнхийлөгч Х.Баттулгын Чиндао хотноо хоёр хөршийн удирдагчтай хамт авахуулсан зураг уг нь байгаа юмсан.

Avatar

Зочин 2020-11-09 202.21.108.187

ХАХА

Avatar

bat 2020-11-09 192.82.65.182

zuun koridor mash chuhal shuu,orosin als dornodoor bish manai nutgaar yavbal mash hemnelttei.er ni buh l tosloo zeel avaad,halamjuudaa humiad zutguuleed baih heregtei.

Avatar

Зочин 2020-11-09 202.21.108.187

ОДНИ БАСНИ

Avatar

Зочин 2020-11-09 124.158.107.35

судлах гдг 1000 үгний таглаа

Avatar

Зочин 2020-11-09 73.252.244.167

USA-aag dagaad Canada hugjsun. China-g dagaad manaihan hugjih l heregtei ashiglah l heregtei.. Hujaa ntr geed baih yum baihgui. Ter hujaa nar chin delhiin 2dahi tom ediin zasag bolood USA-tai ursulduud baij bna.

Avatar

Зочин 2020-11-09 73.252.244.167

Orosiig dagaad ediin zasag hugjino gej hudlaa shuu

Avatar

Зочин 2020-11-09 202.21.108.187

ОРОС ХЯТАД ХОЕР ХУДЛАА ШААЖ БАЙГАА ЮМ

Avatar

Зочин 2020-11-09 202.21.108.187

ГАЗ ДАМЖУУЛААД ХӨГЖИЖ БАЙГАА ЮМ Л БАЙНА ХАХА

Avatar

Зочин 2020-11-09 139.5.216.209

Чамд дамжуулах юм юу бн.

Avatar

ТЭР ҮЕД ДЭМИЙ ЮМ ХИЙСНЭЭ МЭДЭХ БИЗ 2020-11-09 202.21.108.187

УГААСАА НЕФТЬ ГАЗЫН БАЙГАЛИЙН НӨӨЦ ДУУСАН

3 2
Avatar

Зочин 2020-11-09 202.21.108.187

ХЯТАДУУД ЧИНЬ БАС БАЙГАЛИЙН НӨӨЦ ХЯЗГААРТАЙ ГЭДГИЙГ МЭДДЭГ ЮМ БОЛВУУ

Avatar

Зочин 2020-11-09 202.21.108.187

ЕР НЬ ДЭЛХИЙН НӨӨЦ ХЯЗГААРТАЙ ЭДИЙН ЗАСГИЙН ОНОЛЫН ХИЧЭЭЛ ДЭЭРЭЭ ЗААЖ ЭХЭЛДЭГ

Avatar

Зочин 2020-11-09 59.153.115.142

Төмөр замын хамгаалалтын зурвасыг бага тогтоодог нь орчин үёд нийцэхүү

0 0
Avatar

зочин 2020-11-09 64.119.26.237

Америк Канад манай нутаг гэж ярихгүй,Хятад болохоор Монгол манай нутаг бид эзэлнээ гэж зарлаад байгаад учир бна шүү

Avatar

Зочин 2020-11-09 59.153.115.142

Вакум хоолойн тээвэр ороод 35 төсөл болно

NewsMN Гар утасны хувилбар Татах
NEWS.mn

Мэдээллийн эх сурвалж