Өнгөрсөн өвлийн зудын хохирлыг арилгахад зориулж Далай ламын сангаас нэг зуун мянган америк долларыг Монгол улсад хандивлажээ. Хахир хатуу өвлийн улмаас Монголд мал сүрэг ихээр хорогдож олон айл өрх амьжиргаанаасаа салсанд Далай лам сэтгэл ихэд зовниж дээрх хандивыг өгч,  зудад нэрвэгдсэн хамаг амьтны зовлонг нимгэлэхийн төлөө залбирал уншлагаа зориулж байгаагаа тэрээр дурдсан талаар Гадаад харилцааны яамны хэвлэлийн албанаас мэдээллээ.