Г.Ёндон сайд уул уурхайн салбарыг авч явж чадах уу? | News.MN

Г.Ёндон сайд уул уурхайн салбарыг авч явж чадах уу?

Г.Ёндон сайд уул уурхайн салбарыг авч явж чадах уу?

Г.Ёндон сайд уул уурхайн салбарыг авч явж чадах уу?

"NEWS" агентлаг долоо хоног бүрийн Пүрэв гаригт “Яам, тамгын газраар сонин юу байна” буланг хүргэдэг билээ. Энэ удаад Уул уурхай, хүнд үйлдвэрийн яамыг онцолж байна.


Дэлхий нийтээр Covid-19 халдвар тархсан, эдийн засгийн амаргүй энэ үед  Монгол Улсын хувьд хүндрэлийг даван туулахад гол зүтгүүр мотор нь яах аргагүй уул уурхайн салбар билээ. Яг ийм цаг үед уул уурхайн бүтээгдэхүүний экспорт, хөрөнгө оруулалтыг зохицуулж буй Уул уурхай хүнд үйлдвэрийн яам юу хийж байна вэ.  Тус яамны хийх ёстой хамгийн чухал ажил нь хилээр аль болох олон машин гаргаж нүүрсний экспортыг нэмэгдүүлэх явдал юм.

ХАМГИЙН ИХ ХЭЛ АМ ДАГУУЛСАН САЙДТАЙ ЯАМ 

Салбарын хүн гэх тодотголтой Уул уурхай, хүнд үйлдвэрийн сайд Г.Ёндон лицензийн тоог цөөрүүлнэ гэхээс илүүтэй хариуцлагатай, ил тод уурхайг хөгжүүлэхээ мэдэгдсэн. Түүний хувьд “Монголросцветмет” нэгдлийн Үйлдвэр эрхэлсэн дэд захирлаар ажиллаж байхдаа хоёр хүүхдийнхээ сургалтын төлбөр болох 10.7 сая төгрөгийг байгууллагаар төлүүлсэн баримт нь дэлгэгдэж олон нийтийн дургүйцлийг төрүүлээд буй. Жилийн 204 сая төгрөгийн орлоготой тэрбээр төсвийн мөнгийг хувьдаа ашигласан нь огцрох бүрэн үндэслэл болно хэмээн үзэж, УИХ дахь АН-ын бүлгээс Ерөнхий сайдад шаардлага хүргүүлсэн.

Дээрх үйл явдлын дараа сайд Г.Ёндон хувиасаа 10.7 сая төгрөг гаргаж, "Монголросцветмет” нэгдэл рүү шилжүүлсэн ч хариуцлага дуусахгүйг  иргэд  шахан шаардаж, салбараа авч явж чадах эсэхэд нь  эргэлзэх болсон.

Тэрбээр Уул уурхай, хүнд үйлдвэрийн сайдаар ажиллаад өдгөө дөрвөн сар болж байна. Засгийн газар ирэх дөрвөн жилд уул уурхайн салбарыг хөгжүүлэхэд тэр дундаа дэд бүтцийг шийдвэрлэхэд онцгой анхаарал хандуулж буй.  Тухайлбал, Тавантолгой-Зүүнбаян, Тавантолгой-Гашуунсухайт чиглэлийн төмөр замын төслүүдийг эрчимжүүлэх шийдвэр гарч, санхүүжилтэд “Эрдэнэс Тавантолгой” ХК голлон оролцсоноор төмөр замын бүтээн байгуулалтын ажил ид өрнөж байгаа. Мөн салбарын яамнаас Оюутолгой, Цагаансуварга гэх мэт томоохон ордуудын бүтээн байгуулалтын ажлыг дуусгах, үйлдвэрлэлээ эхлэх, эрчимжүүлэх, төслийн эдийн засаг, нийгэмд үзүүлэх нөлөөллийг нэмэгдүүлэх чиглэлээр бодлогын хувьд дэмжин ажиллах зорилтыг тавьж буй. Мөн Орхон аймагт “Эрдэнэт үйлдвэр” ТӨҮГ-ыг түшиглэн Үйлдвэрлэл, технологийн парк байгуулах, гүн боловсруулалт хийж, нэмүү өртөг шингэсэн бүтээгдэхүүн үйлдвэрлэхэд бүх талаар дэмжиж ажиллах гэдгээ салбарын сайд нь илэрхийлсэн.

Энэхүү Үйлдвэрлэл, технологийн паркийн үйл ажиллагааг эхлүүлснээр зэсийн баяжмалыг боловсруулах, исэлдсэн хүдрийг нуруулдан уусгах технологиор баяжуулах үйлдвэр байгуулж нэмүү өртөг шингэсэн эцсийн бүтээгдэхүүн үйлдвэрлэнэ.

Уул уурхайн салбарын ирэх дөрвөн жилийн бодлогыг “олборлолтын үе шатнаас боловсруулалтын үе шатанд шилжсэн жилүүд байх болно” гэж тодорхойлжээ.

Саяхан уул уурхайн салбарынхны хөрөнгө оруулагчдын олон улсын “Дисковер Монголиа”чуулга уулзалтыг тус яам зохион байгуулж, салбарынхаа нөхцөл байдлыг үнэлж, дүгнэсэн. Уг чуулганы үеэр Уул уурхай хүнд үйлдвэрийн сайд Г.Ёндон “Манай салбар гадаадын хөрөнгө оруулалтаас ихээхэн хамаардаг. Монгол Улс, монголчуудад итгэх хөрөнгө оруулагчдын итгэлийг бэхжүүлж, харилцан үр ашигтай, хамтын үйл ажиллагааг улам бүр гүнзгийрүүлэн хөгжүүлэхийг зорино. Цаашид Засгийн газар, яамны зүгээс ашигт малтмалын боловсруулалтын түвшинг нэмэгдүүлж, нэмүү өртөг шингэсэн бүтээгдэхүүн үйлдвэрлэх чиглэлийг баримтлан ажиллана” гэж хэлсэн.

Түүнчлэн ирэх дөрвөн жилд стратегийн томоохон орд, газруудыг эдийн засгийн эргэлтэд оруулахаар Засгийн газраас төлөвлөсөн. Эдгээр төслүүдийг хэрэгжүүлэхэд гадаадын хөрөнгө оруулалт маш чухал.

Яамны зүгээс геологи, уул уурхай, газрын тос, хүнд үйлдвэр гэсэн дөрвөн том салбарт хөрөнгө оруулалтыг татах, эрх зүйн таатай орчныг бүрдүүлж, харилцан үр ашигтай төсөл, хөтөлбөрийг гадаад, дотоодын аж ахуйн нэгж байгууллагуудтай хамтран хэрэгжүүлж улмаар уул уурхайн шинэ үйлдвэрүүдийг ашиглалтад оруулахыг зорьж байгаа.

Салхитын мөнгөний ордыг богино хугацаанд эдийн засгийн эргэлтэд оруулж, хүчин чадлыг нь нэмэгдүүлэх хүрээнд ирэх онд 900 мянган тонн хүдэр боловсруулах үйлдвэр ашиглалтад оруулна.  Мөн экспортын гарцыг нэмэгдүүлэх хүрээнд Салхитын мөнгөний ордын баяжмалыг БНХАУ, Европын улс руу экспортлох туршилтын ачилт хийж эхэлжээ.

ХЭРВЭЭ БИД ТӨМӨР ЗАМТАЙ БАЙСАН БОЛ…

2019 онд уул уурхайн бүтээгдэхүүний ДНБ-нд эзлэх хувь нь 25 хувь, аж үйлдвэрийн бүтээгдэхүүн 72 хувь, экспортын бүтээгдэхүүн 90-ийг бүрдүүлсэн. 2019 онд нийт 36.4 сая тонн нүүрс экспортолсон. Харин энэ онд 42 сая тонн нүүрс борлуулж, 1.4 их наяд төгрөгийн орлого олохоор тооцоолсон. Гэвч Монгол Улс Covid-19- тархалтаас урьдчилан сэргийлэх зорилгоор 2020 оны хоёрдугаар сарын 01-ний өдрөөс эхлэн хилийн боомтуудыг түр хаах шийдвэрийг гаргасан. Энэ нь уул уурхайн салбарт ялангуяа уул уурхайн бүтээгдэхүүний экспортод сөргөөр нөлөөлсөн. Өнөөдрийн байдлаар тоо баримтуудыг харахад нөхцөл байдал хүнд байна. Гашуунсухайтын боомтоор өдөрт 500 орчим нүүрс ачсан машин өмнөд хөрш рүү гарч байгаа.  Өмнөх үеэсээ хоёр дахин бага тоо. Ирэх оны төсөвт мөн л 42 сая тонн нүүрс экспортолно гэж өндөр төсөөлсөн. Гэвч өдөрт 2000 орчим машин гарч байж нүүрсний экспорт төлөвлөсөн хэмжээндээ хүрнэ.

Мөн компаниуд нь хүчин чадлаа бүрэн дүүрэн ашиглаж, гааль нь хөнгөн шуурхай ажиллаж байж 42 сая тонн нүүрс экспортолно. Хэрвээ бид төмөр замтай байсан бол Covid-19 цар тахлын үеийг үүнээс илүү амжилттай давах байв.

Уул уурхайн салбарын харилцааг 30-аад хууль зохицуулж байгаагаас хамгийн гол баримт бичиг нь Ашигт малтмалын тухай хууль. Тиймээс Ашигт малтмалын тухай, Газрын тосны тухай болон бусад холбогдох хуульд нэмэлт, өөрчлөлт оруулж, Газрын хэвлийн тухай хуулийн шинэчилсэн найруулга, Эрдэс баялгийн салбарын ил тод байдлын тухай хууль, Хүнд үйлдвэрийг дэмжих тухай хууль, Үндэсний баялгийн сангийн тухай хуулийн төслийг тус тус шинээр боловсруулж батлуулахаар салбар яам нь ажиллаж байна.

Ашигт малтмалын тухай хууль нь тусгай зөвшөөрөлтэй холбоотой харилцааг зохицуулахад хэт төвлөрөөд түүнийг даган үүсэх хөрөнгө оруулалт, бүтээн байгуулалт, олборлолт, баяжуулалт, бүтээгдэхүүн үйлдвэрлэлуурхайн удирдлага зохион байгуулалт ,нөхөн сэргээлт, хаалттай холбоотой харилцааг зохицуулж чадаагүй нь эргээд олон нийтийн дунд уул уурхайн салбарт итгэх итгэлийг үгүй хийсэн гэж шүүмжлэл дагуулдаг.

АЛТНЫ НИЙЛҮҮЛЭЛТ НЭМЭГДЭВ

Монголбанк 2020 оны аравдугаар сард 2.1 тн үнэт металл худалдан авч, оны эхнээс өссөн дүнгээр нийт 19.2 тн үнэт металл худалдан аваад байна. Энэ нь өмнөх оны мөн үетэй харьцуулбал 6.3 тн-р өссөн үзүүлэлт юм.  Монголбанкны нийт худалдан авсан 19.2 тн үнэт металлын 17.5 тн нь алт, 1.7 тн нь цагаан мөнгө.

Алтны нийлүүлэлт өмнөх оны мөн үетэй харьцуулахад хэд дахин нэмэгдсэн шалтгаан нь Төв банкны валютын нөөцийг нэмэгдүүлж, төгрөгийн ханшийг тогтворжуулах зорилгоор алт олборлогч аж ахуйн нэгжүүдэд хөнгөлөлттэй зээл олгож байгаа явдал юм.

Энэ мэдээнд өгөх таны сэтгэгдэл?
4
ЗөвЗөв
2
ХахаХаха
2
БурууБуруу
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

32 сэтгэгдэл

News.mn сайтад сэтгэгдэл оруулахад анхаарах зүйлс

Avatar

геологич 2020-11-05 139.5.216.16

Сайд дарга нарыг бид өөрсдөө ингэж пялдагдаж байдаг юм бна ш дээ

Avatar

геологич 2020-11-05 139.5.216.16

нүүрс алт гаргаж авах, металлын үнэ өндөр байх нь Сайдаас хамаардаг юм уу. эрдэс баялагийн тэзү гийн хурал хэзээ болсон энэ хүнийг сайд болсноос хойш болохгүй байсаар 12 сарын сүүлээр болсон. Одоо хүртэл тцшаал нь гарахгүй л байна. Одоо энэ нөхрөөс өөр хүн болвол ахиад л дарга цэргийн солилцоо болох гэдгээс болгоомжилж л буцаад болоосой гэж хүсэх юм даа. Сайдууд зүгээр ажилаа л аятайхан хийчвэл бусдыг нь компаниуд аваад л яна ш дээ. Үнийг дэлхийн, хятадын зах зээл шийдэх байх.

Avatar

Батбаяр.Т 2020-11-05 202.9.40.98

Ёндон олон жил эрдэс баялгын салбарт уурхайн инженерээс..салбарын сайд хүртэл дэвшин ажиллаж буй эрдэмтэй эрдэмтэн доктор залуу юм. Монгол улсын минь Эрдэс баялгын салбар ийм мэргэжлийн уурхайчин, чин шударгуу хүн удирдаж буйд энэ салбарт ухамсарт амидралаа зориулан ажиллаж буй ахмад уурхайчин би баярлаж байна..Амжилт хүсэе

Avatar

зочин 2020-11-05 66.181.188.33

мэргэжлийн хүн өөр юм аа бүр нэг урамтай Уул уурхайн үйлдвэрлэл хүнд хэцүү Мах хэрчих талх зүсэх сугалаа гаргахтай адилгүй шүү дээ. Дор нэг хүн бичсэн байна Ажлыг нь хийлгэээч гэж Нээрээ ажлыг нь хийлгээч улс орноо жаахан ч гэсэн бодоод

Avatar

зочин 2020-11-05 66.181.188.33

энэ Ёндонг яагаад ингээд байдаг юм бол Ухаад л оролдоод өө сэв олох гээд ядаад

Avatar

Зочин 2020-11-05 150.129.140.252

наад хүнээ ажлыг нь тайван хийлгэ . наадах чинь бөх биш . мэргэжлийн хүн . монросцветмет ххк хэнийг шагнах үгүйгээ өөрсдөө мэдээд шийдсэн байгаа. муу ажиллаж байсан бол шагнахгүй байх байсан. өмнөх олон арван жил гадаад дотоодын шуналтнуудын хөлд талхлагдаж хөл толгой нь мэдэгдэхээ байсан уул уурхайн салбарыг мэргэжлийн хүн ирээд өөд нь татах гэхээр элдэв гох дэгээ тавиад унагаах гээд байдаг та нар ёстой дайснууд байна . зүсээ хувиргаж шударга царайлсан дайснууд .

Avatar

Зочин 2020-11-05 139.5.219.26

аль.ч салбарт алцаганаж явдаг тэр авгайг саяхны хэлсэн үгнийх нь төлөө огцруул .ноомойгий нь битгий ноолоод бай. мэргэжлийн хүн.

Avatar

Зочин 2020-11-05 103.212.118.228

Шунал ихдвэл шулам л болно, шулам болсон бол сайд байгаад ч монголд ардад хэрэггүй

Avatar

ПААВАНГЫН ДАМДИН 2020-11-05 192.82.76.187

Одоогийн сайд нар тэр үеийн сайд нарын зорилго ӨӨРӨӨ

Avatar

нйигмийг эрүүлжүлэгч 2020-11-05 202.21.117.98

манай монголчууд аливаа асуудалд хэт туйлшрах юмаа. энэ хүний ажлыг дүгнэх хугацаа арай болоогүй бна. Салбарынхан нь эерэг хүлээж авч дүгнэлт өгч бна. Төрд ажиллаж байгаа хүмүүсээ улс төржүүлж, хэт үгүйсгэснээр төрийн албаны залгамж, тогтвортой байдал, нэр хүнд гэдэг зүйл байхгүй болж бна. Бид бодох ухаарах хэргэтэй байхаа.

Avatar

Zochin 2020-11-05 64.119.19.135

Ene heden ajilgui tomilgoogui sharalhaj hotsorson nohduud gui mon ene huniig yanz yanzaar oroldoj hiigeegui hergiig ni hiisen bolgoh gej ogloonoos udshiin burii hurtel ih uzej taarch bainaa hahaha buhel buten bagiig zuvhun harluulah kampanit ajil hiilgeheer ajilluulj ch bh shg. Tanai site-nd hediig ogsiin?

Avatar

Зочин 2020-11-05 183.177.101.122

Одоогоор энэ хүний ажлыг үнэлэх, дүгнэх арай болоогой байна. Харлуулах гэсэн үйлдэл гаргаж байгаа баримт бусад хувалзнуудын хажууд юу ч биш л дээ. Мэргэжилийн хүн арай өөр хандах байх

Avatar

Зочин 2020-11-05 124.158.96.201

sain ajiltan baij bolnoo mundag ch baij bolno amin huwia negd tawidag bol zailsan ni deerdee

Avatar

Zocnin 2020-11-05 68.145.61.75

Yondon said harin cn uhaj uhaj iim l yum ilruulsen yum bol harin cn ner tsewer hun bna Huuhdiin surgaltiin tolbor bol byuantai kompanii l hiideg huuhdiin tolooh yils Yondon mergejliin hun ulsm sain sjillshiig husen erooy

Avatar

Зочин 2020-11-05 203.91.115.52

Мэрэгжлийн хүнээ ажиллуулах нь зөв. Хулгар сумьяаг бодвол ажлаа мэднэ. Ёндон нь хамаагүй дээр

Avatar

Одоогийн сайд нар тэр үеийн сайд нарын зорилго ӨӨРӨӨ 2020-11-05 192.82.76.187

ПААВАНГЫН ДАМДИН: Одоогийн сайд нар, тэр үеийн сайд нарын зорилго ӨӨРӨӨ

Бид салбараа яаж хөгжүүлэх үү гээд улс орныхоо эрх ашгийг нэг тавьж нойр хоолгүй ажилладаг байлаа.

Эхнэр хүүхдээ илүү зардал гаргана гээд Сайд байхдаа төрсөн нутаг Увс аймгаа ч үзүүлж чадаагүй юм билээ П.Дамдин гуай.

Одоо бол Монголын Төр, МАН сөнөсөн ш дээ сөнөсөн.

Avatar

зочин 2020-11-05 64.119.23.130

Сайд болохоос бүр өмнө, компанид ажиллаж байхдаа зохох дээд байгууллагаас батласан журам гэрээний дагуу үйлдвэрлэлийг амжилттай,үр ашигтай ажиллуулсны дагуу олгогдсон урамшлыг л хүүхдийнхээ төлбөрт шилжүүлсэн юм билээ шүү дээ. Энэ журам бүр АН-ынхны төр барьж байх үед л мөрдөгдөж, тэд ч энэ уралшлыг олон жил авч л байсан. Гэтэл тэр үед огт дугарагүй нөхөд Ёндонг сайд болмогц , идэж уулаа гэж гүтгэж шаагаад олон түмний толгойг эргүүлээд сонин шүү. Манайд үнэн юм гэж байна уу.

Avatar

Irgen 2020-11-05 64.119.19.135

Tomilgoogui oorsdiinh ni erh ashig ruu ni haldsan ulsuud albaar iim yum zohion baiguulj baigaa ni hend ch oilgomjtoi shde. Ene setguulch nart ahiuhan mungu atguulchihval yaj l bol yaj bichij baina daa. Mungunii tuloo yu ch saraachihad belen baina

Avatar

иргэн 2020-11-05 66.181.168.8

Амин хувиа нэгд тавьсан ашиг сонирхолын зөрчилтэй нөхөр байгаа нь илхэн байна.

Avatar

Zochin 2020-11-05 202.126.89.68

Ogtsoroh nzuitei ingej baij shurdarga baidal bii bolno

Avatar

Тулга. 2020-11-05 202.126.90.153

Удирдах ухааныг нь тэнгэр мэдэг. Хари ичих булчирхайгүйг нь түмэн мэдсэн.

Avatar

Szocnin 2020-11-05 68.145.61.75

Ardcnilaliaar baahan lizenz awsan nohduud booj uheh gej eldew oo haij bna Harin cn ner tsewer mergejliin hun bna Mergejliin hun ajlaa sain hiine

Avatar

irgen 2020-11-05 43.228.129.150

ҮҮНИЙГ БИЧСЭН ЯМАРЧ БОЛОВСРОЛГҮЙ ШАЛ АВГАЙ БАЙНА

Avatar

Басаа 2020-11-05 66.181.188.148

За энэ засагт жинхэн мэргэжлийн сайд шүү уурхайн бүх шатаар явсан багшилсан,эрдэм шинжилгээний хүрээлэн гээд бүхийл болзол хангасан хүн харин нэг зүйл дутаж магадгүй хор найруулж чадахгүй дээ

Avatar

Зочин 2020-11-05 192.82.70.113

Уул нь бол "Уул уурхайн үйлдвэрлэл" бол бүхэл бүтэн Шинжлэх ухаан байдаг юм Даан ч сүүлийн 30-аад хэн дуртай нь газрын хэвлий рүү варварууд шиг уулаглан дайрч Ашигт малтмалын хэдэн ордуудаа сэглэж дууссан "Эрдэнэт" л хөрс хуулалт , олборлолтын зохистой харьцааг барьж ажиллаж байгаа цорын ганц уурхай Яг ном дүрмийнх нь дагуу авч үзвэл "Таван толгой" , "Заамар" … бүгд сэглэгдэж дууссан Энэ бүх алдаа нь Уул уурхайн Яамны сайдаар хэлмэрч , ноолуурын технологч , зэрэг улс төрчид аж

Avatar

Иргэн 2020-11-05 192.82.75.36

4-хөн сараар ажлын үр дүнг үнэлэхгүйэ! Ёндон сайд яван чангарна, хараарай!

Avatar

Kuka 2020-11-05 202.126.90.153

Uhsen

Avatar

Зочин 2020-11-05 124.158.96.201

idej uuh tal ni ulam nuutslag bolj changarna gesen uguu teee

Avatar

Zochin 2020-11-05 202.9.46.167

Sain baitsgaana uu. Endon saidiigaa avch ulduh hudulguun yvj baih shig baina. Saidaa avch uldene l biz dee. Gehdee hen yu hiisen ni boditoi baisan ni zuv. Deer bichsen uguulel deer garaad geology, uul uurhai, Ded butetsiin salbart avch hergjuulsen tomoohon arga hemjeenuud bugd Sumya saidiin ued avch heregjuulsen shuu. Altnii sanhuujilt hen shiidsiin Sumya said shiidsen. Ternii huchind bid 2020 ons tuuhendee anh udaa 23.5 tn alt olborloj. Gadaad valytiin nuutsuu nemegduulj chadsan.

Avatar

Уурхайчин 2020-11-05 139.5.218.206

Хулгар, ЭЗ мэддэггүй хүмүүсээр удирдуулж замаа заалгавал ийм юм болдог болой…. 10 жилээ байгл даа, 3 жилийн өмнө ТЗ тавьчихсан бол өдийд сайхан байх байжээ….
ЭНэ товарищ шаардлага хангахгүй талдаа нөхөр байна.

Avatar

Зочин 2020-11-05 64.119.17.117

уул уурхайн ямарч мэдлэг боловсролгүй байж ийм юм бичиж болох у?

Avatar

Уурхайчин 2020-11-05 103.57.95.124

Ёндон сайд мэргэжлийн хүн тул зөв ажиллаж байгаа

NewsMN Гар утасны хувилбар Татах
NEWS.mn

Мэдээллийн эх сурвалж