БНСУ-ын цэргүүд тус улсын хилийн хамгийн чанга хараа хяналттай, хүнд зэвсэглэлтэй хэсгүүдийн нэгээр нэвтэрсэн умардын дүрвэгчийг олж барьжээ.

Цэргийн удирдлагууд болон засгийн газрын ажилтнууд дээрх дүрвэгчийг хамгийн их зэвсэглэлтэй, битүү мина суулгасан хэсгээр баригдалгүй хэрхэн хил зөрчиж чадсаныг шалгаж байгаа аж.

Өнөөдөр (2020.11.4) өглөө Өмнөд Солонгосын арми тагнуулын мэдээгээр үл мэдэгдэх этгээд зүүн хилийн ойролцоо байгаа талаар мэдээлэл авч, эрэн хайх ажиллагаа эхлүүлсэн талаар мэдээлжээ. Түүнээс хойш удалгүй сэжигтэй хүнийг барьсан хэмээн дахин мэдээлсэн байна.

Өнгөрсөн 20 жилийн дотор нийт 30 мянга гаруй умард солонгос иргэн ихэвчлэн Хятадаар дамжин Өмнөд Солонгос руу дүрвэжээ. Учир нь хоёр Солонгосын хил дээрх харуул манаа илүү чанга байдаг аж.

Эх сурвалж: ASSOCIATED PRESS