“Шилүүс” Каннын кино наадмын уралдаант хэсэгт шалгарчээ | News.MN

“Шилүүс” Каннын кино наадмын уралдаант хэсэгт шалгарчээ

“Шилүүс” Каннын кино наадмын уралдаант хэсэгт шалгарчээ

“Шилүүс” Каннын кино наадмын уралдаант хэсэгт шалгарчээ

Монголын залуу найруулагч П.Лхагвадуламын найруулсан “Шилүүс” богино хэмжээний кино Каннын кино наадмын уралдаант хэсэгт сонгон шалгарчээ. Каннын олон улсын кино наадам аравдугаар сарын 27-ноос 29-ний өдрүүдэд “Cannes Special” гэдэг бэсрэг хувилбараа зохион байгуулсан. Энэ тусгай наадам залуу уран бүтээлчдийг онцлон, богино хэмжээний киноны уралдаант хэсгээ олон нийтэд үзүүлсэн байна.

Уг богино хэмжээний кино нь өнгөрсөн зургадугаар сард Каннын олон улсын кино наадмын “Богино хэмжээний киноны уралдаант хэсэг”-т шалгарч, шилдэг 11 бүтээлийн нэгээр шалгараад байсан юм. Тодруулбал, 2020 оны Каннын кино наадмын “Богино хэмжээний киноны уралдаант хэсэг”-т дэлхийн 137 орны 3810 кино бүтээл ирснээс шүүгчид 12 орны 11 киног шалгаруулсан байна. Шалгарсан 11 киноны таван кино нь эмэгтэй найруулагчийн бүтээл байжээ.

Тус киноны эвлүүлэгч Мадлен Сийгхартслайтнер Германы “Edimotion” буюу “Кино Эвлүүлэх Урлаг” наадмын шагналд “Шилүүс” богино хэмжээний киногоор нэр дэвшээд буйг киноны уран бүтээлчид дуулгалаа. Киноны гол дүрд “Fill” студийн найруулагч М.Аззаяа, “Х-ТҮЦ” продакшны жүжигчин Г.Дөлгөөн нар тоглосон бол кино продюсерээр Ц.Ариунаа, зураглаачаар Энэтхэг улсын залуу зураглаач Криш Махижа, эвлүүлэгчээр Австрийн уран бүтээлч Мадлен Сийгхартслайтнер ажиллаж, Португалийн Лиссабон хотын “Dmix” студид дууны найруулгыг хийжээ.

Уг кинонд зүрхний өвчтэй охин ээжийнхээ шахалтаар бөөд үзүүлэхээр очно. Дурамжхан очсон охин төсөөлөөгүй мэдрэмж, сэтгэл тайллыг тэндээс олж авч буй талаар өгүүлэх аж.

А.СҮРЭН

Энэ мэдээнд өгөх таны сэтгэгдэл?
5
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-11-04 202.131.234.242

yu bichij bgaagaa neg unshij oilgodog boloosoi.

NewsMN Гар утасны хувилбар Татах
NEWS.mn

Мэдээллийн эх сурвалж