Туркийн баруун нутгийн Измир мужид болсон газар хөдлөлтийн улмаас амиа алдсан хүний тоо 98-д хүрчээ. Энэ талаар Мягмар гариг (2020.11.03)-т Туркийн Онцгой байдлын газраас мэдээлэв. Өмнө нь газар хөдлөлтийн улмаас 95 хүн амиа алдсан талаар мэдээлсэн билээ.

Тус газрын мэдэгдэлд "Газар хөдлөлтийн улмаас 98 хүний амь хохироод байна. Нийт 994 хүн бэртэж гэмтэн эмчлүүлж байснаас 847 нь эмнэлгээс гараад байна" гэж дурджээ. Өдгөө 147 хүн эмнэлгийн хяналтад буй бөгөөд эрэн хайх, аврах ажиллагаа үргэлжилсээр байна.

Эх сурвалж: TASS
Б.ЖАРГАЛ