Green Games наадамд 2000 сайн дурын ажилтан ажиллана

Олон улсын залуучуудын ногоон наадмыг өндөр зохион байгуулалттай, оролцогч бүрийн сэтгэлд хүрсэн байдлаар зохион байгуулахад мэргэжлийн боловсон хүчнээс гадна сайн дурын ажилтнуудын мэдлэг, туршлага, оролцоо ихээхэн чухал хувь нэмэр оруулах юм. Ирэх онд Монгол Улсад зохион байгуулагдах манай наадамд 2000 сайн дурын ажилтанг ажиллуулахаар зорьж байна. Сайн дурын ажилтнууд маань наадмын зохион байгуулалтын ажлын нэг чухал хэсэг бөгөөд ихээхэн үнэ цэнэтэй хүний нөөцийг бүрдүүлэгчид юм.

Наадмын гүйцэтгэх хороо Улаанбаатар спорт менежмент ХК болон Сайн дурынхны хөгжлийн төв НҮТББ хамтран ажиллах санамж бичиг үзэглэлээ.

Ингэснээр сайн дурын ажилтнуудыг олон улсын тэмцээн уралдааны түвшинд эртнээс бэлдэж, наадмыг зохион байгуулалтын өндөр түвшинд зохион байгуулахад чухал үүрэгтэй юм.