Өмнөд Солонгост очихдоо заавал валют солих шаардлагагүй болох нь. Учир нь тус улсын сүлжээ дэлгүүрүүд ирэх оноос гадаад мөнгөн дэвсгэртээр үйлчлэх боломжтой болох аж. БНСУ-ын Эдийн засаг, сангийн сайдын мэдээлснээр сүлжээ дэлгүүрт гадаад мөнгөн тэмдэгтийг гар утасны аппликейшн ашиглан солих боломжтой болох гэнэ.

Сүлжээ дэлгүүрээр үйлчлүүлэгчид гадаад валютыг бэлэн мөнгөний АТМ ашиглан солих боломжтой болох аж. Энэ нь валютын зах зээлийн дүрэм журмыг зөөлрүүлэх хүчин чармайлтын хүрээнд хийгдэж буй ажил юм байна.

Энэ үйлчилгээ ирэх 2021 оны гуравдугаар сараас үйлчилгээнд нэвтрэх гэнэ.

Эх сурвалж: Yonhap