Зурагт ном бүтээгч DC компанийн бүтээлүүд дээр удаан хугацааны турш нэр холбогдсоор ирсэн Харли Квинн, Пойсон Айви дүрүүд албан ёсоор гэрлэжээ. DC компанийн бүтээлийг шимтэн уншдаг шүтэн бишрэгчид тус хоёр дүрийг учиртай гэдгийг эртнээс гадарлаж байсан ч ердөө таамаглах л боломжтой байсан юм. Харин энэ жил шинээр гарч буй цуврал “Injustice: Year Zero” зурагт номын эхэнд хоёр дүр албан ёсоор хувь заяагаа холбож байгаа бөгөөд үнэнч шүтэн бишрэгчид нь өөрсдөө тэдний хуримын гэрч болох боломжтой болжээ.

DC компанийн зурагт номын ертөнцөд орчин үеийн үйл явдал дээр Харли Квинн Жокерийн дарамт, хүчирхийллээс залхахын хэрээр өөрийнхөө замыг хөөж, удалгүй Пойсон Айвитай учир ургуулсан нь тухайн үедээ бүтээлчид төдийгүй уншигчдын зүгээс багагүй эсэргүүцэл, шүүмжлэл сонсч байсан билээ.

Эх сурвалж: SCREENRANT.COM