Монголын ирээдүй болсон оюутнуудын спортын их наадам нээлтээ хийлээ | News.MN

Монголын ирээдүй болсон оюутнуудын спортын их наадам нээлтээ хийлээ

Монголын ирээдүй болсон оюутнуудын спортын их наадам нээлтээ хийлээ

Монголын оюутны спортын V их наадмын нээлт өнөөдөр Спортын төв ордонд явагдлаа. Дөрвөн жилд нэг удаа зохион байгуулагддаг оюутны их наадамд энэ удаа 27 их дээд сургуулиудын 1,500 гаруй оюутан тамирчид, багш, дасгалжуулагчид оролцох гэж байна. Наадмын нээлтийн арга хэмжээнд МҮОХ-ны Ерөнхийлөгч, олимпийн аварга Н.Түвшинбаяр, МҮОХ-ны тэргүүн дэд ерөнхийлөгч Б.Баттүшиг, Монголын оюутны спортын холбооны ерөнхийлөгч Д.Баясгалан, МҮОХ-ны дэд ерөнхийлөгч Ч.Наранбаатар, Монголын оюутны спортын холбооны ерөнхий нарийн бичгийн дарга Д.Жаргалсайхан тэргүүтэй албаны хүмүүс оролцов. Мөн тэмцээний нээлтийн үеэр МУГТ Д.Жаргалсайхан өөрийн зохиосон "ОЮУТНЫ СПОРТ-УНИВЕРСИАД" хэмээх дуугаа дуулсан юм.

Монголын оюутны спортын холбооны ерөнхий нарийн бичгийн дарга, доктор Д.Жаргалсайхан: Энэ удаагийн оюутны V их наадам анх 13 спортын төрлөөр явагдахаар төлөвлөгдсөн. Санхүү мөнгө болон шинэ коронавирусийн улмаас 10 төрөл болж багассан. Ер нь найман төрлөөр зохион байгуулах төлөвлөгөөтэй байсан боловч оюутны байгууллагууд, их дээд сургуулиуд, спортын холбоодуудаас санал ирснийг харгалзан үзээд хоёр төрлийг нэмж оруулсан. Өнгөрөгч хавар орон нутгийг таван бүст хуваагаад бүсийн тэмцээнүүд явагдах байсан боловч цар тахлын улмаас боломжгүй болсон. Мөн сагсан бөмбөг, воллейболын төрлүүд дээр багуудын тоог хязгаарлаж байгаа. Сагсан бөмбөгийн төрөлд оролцох олон их дээд сургуулиуд байсан. Бид нар сүүлийн гурван жилийнх нь гаргасан амжилт, рейтингийг нь тогтоож, эрэгтэй 16, эмэгтэй 14 багийг оролцуулахаар шийдвэрлэсэн. Воллейболын төрөл дээр эрэгтэй 14 баг, эмэгтэй 12 багуудыг судалгааны үндсэн дээр оролцуулж байна. Санал гомдлууд их ирсэн ч бид гаргасан дүрэм, журмынхаа хүрээнд л ажиллаж байна. Сагсан бөмбөгийн төрлөөр их наадам маань маргаашнаас эхлэнэ.

Монголын оюутны спортын V их наадамд оролцож буй их дээд сургуулиуд:

1. Аварга дээд сургууль
2. Анагаахын шинжлэх ухааны үндэсний их сургууль
3. Глобал удирдагч их сургууль
4. Говь-Алтайн АШУҮИС
5. Дотоод хэргийн их сургууль
6. Их засаг олон улсын их сургууль
7. Идэр их сургууль
8. Монгол Улсын боловсролын их сургууль
9. Монгол Улсын их сургууль
10. Монголын үндэсний их сургууль
11. Мон-Алтиус дээд сургууль
12. Отгонтэнгэр их сургууль
13. Олон улсын Улаанбаатарын их сургууль
14. Рояаль олон улсын их сургууль
15. Санхүү эдийн засгийн их сургууль
16. Сити их сургууль
17. Төмөр замын дээд сургууль
18. Тэнгэр дээд сургууль
19. Үндэсний батлан хамгаалахын их сургууль
20. Үндэсний биеийн тамирын дээд сургууль
21.Хүмүүнлэгийн ухааны их сургууль
22. Худалдаа үйлдвэрлэлийн их сургууль
23. Хөдөө аж ахуйн их сургууль
24. Хөдөлмөр нийгмийн харилцааны дээд сургууль
25. Шинжлэх ухаан технологийн их сургууль
26. Эм Ай Ю дээд сургууль
27. Этүгэн их сургууль

МУИС Шонхорууд сагсан бөмбөгийн эрэгтэй багийн ахлах дасгалжуулагч Л.Эрдэнэпүрэв: Монголын оюутны спортын V их наадмын маань нээлт өнөөдөр тун сайхан болж байна. Маргаашнаас сагсан бөмбөгийн спортоор эхлээд, ирэх сарын 6-нд воллейболын спортоор хаалтаа хийнэ. Монгол Улсын их сургууль бүрэн бүрэлдэхүүнээрээ бүхий л спортын төрөлд оролцохоор бэлтгэл сургуулилтаа хангаад байж байна. Оюутны лигийн шигшээ тоглолт маань явагдаад найман хоног өнгөрч байна. Манай сагсан бөмбөгийн багийн хувьд тэр формоо хадгалаад, бэлтгэл сургуулилтаа хийгээд тун сайн байгаа. Оюутны лигийн аварга болсон юм чинь их наадмын аварга болно гэж үзнэ. Нийт их наадамд оролцож буй Монголын их дээд сургуулиудын баг тамирчдадаа спортын өндөр амжилт хүсье.

МУИС-ийн III түвшний оюутан, Шатрын их мастер, С.Билгүүн: Энэ удаагийн их наадам маань цар тахлын үед зохион байгуулагдаж буй гэдэг утгаараа илүү онцлогтой байна. Ямар ч байсан хоёр дахь оюутны их наадамдаа оролцох гэж байна. Мөн оюутан, тамирчдадаа төлөөлж тангараг өргөсөндөө баяртай байна. Энэ жил илүү зохион байгуулалттай, илүү өрсөлдөөнтэй болох шинжтэй харагдаж байна. Оюутан насны сайхан дурсамжаа бүтээж, сургуулийнхаа нэрийг өндөрт гаргаж, авьяас чадвараа бүрэн дүүрэн харуулаарай.

Монгол оюутны спортын V их наадам маргааш/2020.11.03/ Спортын төв ордон болон МУБИС-ийн спорт зааланд сагсан бөмбөгийн төрлөөр эхэлнэ.

Энэ мэдээнд өгөх таны сэтгэгдэл?
1
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-11-02 202.9.46.138

Энэ өл халзан тэгээд аль сургуулийн оюутан юм?

Avatar

чемодан жагай 2020-11-02 66.181.161.122

жаргалсайхан олон жил хулгайлаад багшиин дээдиин хажууд цамхаг барьсан одоо буц даа хватит

NewsMN Гар утасны хувилбар Татах
NEWS.mn

Мэдээллийн эх сурвалж