Атганд үлдсэн эрдэнэ юу вэ? | News.MN - Мэдээллийн эх сурвалж

Атганд үлдсэн эрдэнэ юу вэ?

Хуучирсан мэдээ: 2016.02.29-нд нийтлэгдсэн

“Хувьсал” продакшны дөрөв дэх дэлгэцийн уран бүтээл болох “Атганд үлдсэн эрдэнэ” кино нээлтээ хийхэд бэлэн болжээ. Киноны уран бүтээлчид өнөөдөр шинэхэн уран бүтээлийнхээ талаар сэтгүүлчдэд мэдээлэл өглөө. Кино зохиолыг МУГЖ У. Уранчимэг бичиж, найруулсан бөгөөд гол дүрийг СТА А.Ганчимэг, Б.Шинэбаяр, МУАЖ П.Цэрэндагва, СТА Д.Ганцэцэг, МУГЖ Н.Нэргүйбаатар нар бүтээжээ. Кино ирэх сарын 05-ны өдөр “Хүннү молл” кино театрт 16:00 цагт нээлтээ хийх бөгөөд нээлтийн билетийг маргаашаас тус кино театрын билетийн кассаар худалдах юм байна.

Киноны  уран бүтээлчид АНУ-ын Холливуудын “E” фильмтэй хамтран бүтээж, дуу шуум, эвлүүлэг гээд бүгдийг Холливудын  стандартаар хийсэн гэдгийг онцоллоо. Түүнчлэн киног бүтээхэд бүтэн нэг жилийн  зарцуулсан бөгөөд эвлүүлэг, дуу шуумын ажлыг дөрвөн сарын хугацаанд АНУ-д хийжээ. Орчин үеийн бүх дэвшилтэт техникийг ашиглан бүтээсэн уг уран бүтээл нь олон улсын кино театруудаар гарах стандартуудыг хангасан тул киног дэлхийн зах зээлд гаргахаар ярилцаж байгаа аж. Мөн уг кинонд ажилласан гадны уран бүтээлчид Монголын уран бүтээлчдийн ур чадвар, бүтээлч сэтгэлгээг сайшаасан бөгөөд гадаад зах зээлд гарах бүрэн боломжтой хэмээн хэвлэлийн бага хурлын үеэр онцоллоо.

Энэ үеэр МУГЖ У.Уранчимэг ”Зохиолын санаа бусад уран бүтээлчдийн нэгэн адил бодож явдаг шаналал дээр бий болсон. Кинонд түүхэн уламжлал, өв соёлыг харуулна гэхээсээ илүүтэй орчин цагт бид уламжлалаа хэрхэн хадгалж үлдсэн юм бэ гэдгийг харуулахыг зорьсон” гэв. Харин кинонд гол дүр бүтээсэн  жүжигчдийн нэг  болох МУАЖ П.Цэрэндагва ”Үг гэх мэсэнд өртсөн хүн ямар болж болохыг энэ киноноос харж болно. Ирээд үз. Миний хувьд энэ уран бүтээлийн баг, хамт олонтой хамтарч ажилласандаа баяртай байгаа” хэмээв.

Ж.Отгон

ЭХ СУРВАЛЖ: www.mminfo.mn/

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

zochin 2016-02-29 202.229.167.80

harin zarim humuus hachin yum bichih yumaa. sanaand bagtamgui. yaj ingej helj boldgiin be. Tserendagva guai gaihaltai jujigchin sh de. Hatanbaatar Magsarjav kinond gehed l 2 duriig zereg gaihaltai buteesen. Manlaibaatar Damdinsuren, Avar 2n dur. udii nasandaa uran buteelee hiigeed muruuruu yavj baigaa ahmad humuusiig yaj ingej helj boldgiin.

Зочин 2016-02-29 202.21.100.210

Очоод үзчихвэл одоогийн зарим кино бичлэгүүд шиг цагийн гарз болохгүй байгаа.

Зочин 2016-02-29 202.9.41.192

202 21 106 -г бичсэн хунд: Ахмадаа ***** гомдоо!!! цагтаа сайн сайхан олон уран бутээл гаргасан хумуус шуу... Хун монх залуу байдаггуй юм . ***** атаарх!!!

Болиорой 2016-02-29 202.9.40.89

Цэрэндагва,Мэндбаяр гуай хоёрыг хэлээд байна уу. Эсрэг байр суурьтай байна. Гайхалтай сайхан жүжигчид. Олон сайхан сэтгэлд хоногшсон дүр байнаа. Сүндэрьяа ...гээл явж өгнөө зөндөө дөндөө. Харин одооны жүжигчид бүр залуучууд нь авьяасгүй болцон юм байна лээ. Алтан үе дуусаад, мөнгө, хүрэл гээд бүр гууль мууль руугаа орсон шиг байгаан. Ямар ч авьяасгүй модон. Сэтгэлд үлдэх юм юу ч байхгүй.

unen 2016-02-29 202.21.106.150

ардын жүжигчин нэртэй нэ гэр бүлийн энэ өвгөн эмгэн хоёр юм болгон дээр л харагдах юм, гавихгүй байж. авгайд нь ганц бадамлянхуй хатны дүрээс өөр юу байна. нөхөрт нь авах юм байхгүй ш дээ. дүр хувиргалт, нүүр хувиргалт байдаггүй янхийчаад бүгд л адилхан. ой гутах юм. бусад жүжигчид хаана байнаа?

Зочин 2016-02-29 124.158.78.108

ЧИ харин юу мэддэггүй мал байна даа. Кинонуудыг нь үзчихээд, театрт очиж нэг ч болтугай жүжиг үзсэн бол ингэж хоосон толгойгоо гайхуулахгүй байсын.