Хүн төрөлхтний буруутай үйл ажиллагаанаас болж экосистем тэнцвэрт байдлаа алдахын хэрээр амьтдын биед байдаг 540-850 мянган судлагдаагүй вирус хүнд халдварлаж, өвчин үүсгэх аюултай хэмээн эрдэмтэд анхааруулж байна.

Биологийн олон янз байдал ба экосистемийн үйлчилгээний талаархи засгийн газар хоорондын шинжлэх ухааны бодлогын платформын биологич, халдварт өвчин судлаач, экологич нарын 22 хүнтэй баг амьтдыг болон тэдний биед тээгдэж байдаг вирусүүдийг судалж, ирээдүйд хүн төрөлхтөнд халдварлаж, өвчин, тахал үүсгэх аюултай 540-850 мянган вирус бийг илрүүлжээ.

Судалгааны багийн ахлагч Петер Дасзак дээрх судалгаагаа “Covid-19″ цар тахлын болон өөр орчин үеийн өвчнүүдийн цаана үл мэдэгдэх нууц гэж байхгүй. Хүн төрөлхтний буруу үйл ажиллагаа уур амьсгалын өөрчлөлтийг хурдасгаж, байгалийн тогтолцоог алдагдуулснаас болж илүү олон вирус хүнд халдах аюултай болж байна.

Хүний газар эзэмшин ашиглах, хөдөө аж ахуйн буруу хөгжил, байгальд ээлгүй зах зээл, бараа бүтээгдэхүүний үйлдвэрлэл зэрэг нь байгалийг сүйтгэж, хүн төрөлхтөн болон зэрлэг байгаль амьтад хоорондын хил хязгаарыг арилгаж байна. Энэ л өвчин, тахал үүсэх гол шалтгаан болж байна” хэмээн тайлбарлажээ.

Энэ асуудлаас зайлсхийхийн тулд засгийн газар жил бүр 31-45 тэрбум паундыг байгалийг нөхөн сэргээх ажилд зарцуулах хэрэгтэй хэмээн эрдэмтэд тооцоолсон байна. Энэ тоо магадгүй их сонсогдож байгаа ч энэ онд цар тахлын эсрэг зарцуулагдсан 6-12 их наяд паундын хажууд өчүүхэн юм.

Эх сурвалж: UNILAD