АНУ-ын үндэсний аюулгүй байдлын албаны “шүгэл үлээгч” Эдвард Сноуден ОХУ-д орогнон, тус улсад оршин суух эрх олж авсан билээ. Хэдийгээр Эдвард Сноуден Оросын иргэншил авах бодолгүй байгаа ч удахгүй төрөх хүү нь ОХУ-ын иргэн болох гэнэ. Түүний өмгөөлөгч Анатолий Кушеренагийн мэдээлснээр экс тагнуулчийн эхнэр Линдсей Миллс энэ оны сүүлээр амаржина. Хүүхдэд төрсөн газрынхаа иргэншлийг авдаг аж.

АНУ-ын акробатчин, блоггер Линдсей Милл нь 2014 онд найз залуу Эдвард Сноудены араас ОХУ-д иржээ. Тэд 2017 онд гэрлэсэн байна.

Эдвард Сноуден нь АНУ-ын электрон тагнуулын үйл ажиллагаа, гадаадын удирдагчдыг тандаж чагнах зэрэгтэй холбоотой нууц мэдээллийг задруулсан юм. Улмаар тэрбээр АНУ-д хуулийн хоёр зүйлчлэлээр 20 жил хүртэл шоронд хорих ял авах эрсдэлтэй нүүр тулжээ. Эдвард Сноуден АНУ-ын хууль хяналтынхнаас зугтаж, олон орноос орогнол хүссэн ч 2014 онд ОХУ нь түр хугацаагаар оршин суух зөвшөөрөл олгожээ.

Эх сурвалж: Tass