Насанд хүрээгүй дүү нарынхаа албан ёсны асран хамгаалагч бол цэргийн албанаас чөлөөлөгдөх үндэслэл болно гэсэн нэмэлтийг холбогдох хуульд нэмснийг ОХУ-ын Төрийн Дума хоёр дахь хэлэлцүүлгээр баталсан байна.

Хуульд оруулсан нэмэлтээр 16 хүртэлх насны хүүхдээ ганцаараа өсгөдөг, гэр бүлийн өвчтэй гишүүнээ асран халамжилдаг /эцэг эх, эхнэр, ах эгч, дүү, өвөө, эмээ/, нэг эцэг эхийн насанд хүрээгүй дүүгээ асардаг бол цэргийн албанаас түр чөлөөлөгдөж болох ажээ.

Өмнө байсан хуулиар ганцаараа хүүхдүүдээ өсгөдөг, бага насны 2-3 хүүхэдтэй, гурав хүртэл насны хөгжлийн бэрхшээлтэй хүүхэдтэй, эхнэр нь жирэмсний 26 долоо хоногоос дээш байгаа бол цэргийн албанаас түр чөлөөлж байжээ.

эх сурвалж: риа новости