Загварын ордны шинэ сахиуснууд тайзнаас онлайн дэлгүүрт
@evachen212
Милан хотноо явагдсан Fendi ордны үзүүлбэрийн эхний эгнээний суудалд онцгой үслэг Fendirumi хосууд сууцгаасан байлаа. Хоёр метрийн сэгсгэр хосыг бүтээсэн түүх Токиогоос эхлэлтэй. Fendi брэндийн Токиод хамгийн том поп-ап-стор нээгдэхтэй холбогдуулан тэднийг бүтээсэн байна. Амьтны дүрс бүхий кигурами гэх унтлагын хувцаснаас сэдэвлэн хосыг бүтээжээ.
Ягаан охин Piro-chan нь улбар шар том нүдтэй, түүний найз Bug-kun нь гэдсэн дээрээ Fendi логоны зурагтай. Энэ хосууд Загварын ордны сахиус болсон бөгөөд тэд Японоос иржээ.
Сильвия Вентурини-Фенди ба Карл Лагерфельд
Цүнхний булган зүүлт Fendirumi-ийн дүрс бүхий бэлэг дурсгал 80 ширхгээр хийгдсэн байгаа. Брэндийн сайтын худалдаагаар амжвал тэднийг худалдан авч болох гэнэ. Piro-chan-ы нүдийг болор талстаар, Bug-kun-ны үсийг үнэгний арьсаар бүтээжээ.
Ирэх зургадугаар сард хосууд Fendi нэрийн дэлгүүрүүдэд гарч ирнэ. “Руми” бүрийн үнэ нь 1000 евро байх гэнэ.
Bug-kun ба Кендалл Женнер
Бэлтгэсэн Ш.МЯГМАР