ОХУ-ын Гадаад хэргийн сайд Сергей Лавров коронавирусийн халдвар авсан байж магадгүй хэмээн үзэж, өөрийгөө тусгаарлажээ. Эх сурвалжийн мэдээлснээр Сергей Лавровтой харилцаж, уулзсан хүн коронавирусийн халдвараар оношлогдсон аж. Одоогоор Сергей Лавровт халдварын шинж тэмдэг илрээгүй, биеийн байдал нь хэвийн байгаа аж. Эрүүл мэндийн мэргэжилтнүүдийн мэдээлснээр зарим хүмүүс халдвартай хүнтэй харилцсан ч өвчлөхгүй байгаа аж.

Гэхдээ түүний айлчлал болон уулзалтууд хойшилсон байна. Тэрбээр өнөөдөр Сараево ба Белград хотуудад айлчлах төлөвлөгөөтэй байжээ. Сергей Лавров аравдугаар сарын 26-нд Грек улсын айлчлалаас эргэн ирсэн аж.

Эх сурвалж: Tass