Томилгоо: Аймаг, дүүргийг удирдах Засаг дарга нар | News.MN

Томилгоо: Аймаг, дүүргийг удирдах Засаг дарга нар

Томилгоо: Аймаг, дүүргийг удирдах Засаг дарга нар

Томилгоо: Аймаг, дүүргийг удирдах Засаг дарга нар

Орон нутгийн сонгуулийн үр дүнд шинээр бүрдсэн Иргэдийн Хурлын Төлөөлөгчдийн хуралдаан зарлагдсанаар  аймаг, дүүргийг удирдах Засаг дарга нарын нэрс тодорч эхэллээ. Одоогоор нийслэлийн таван дүүргийн Засаг даргын нэрс тодорхой болсон бол аймгуудад мөн эхнээсээ Засаг дарга тодорч, ажлаа хүлээн аваад байна. 


ТАВАН ДҮҮРГИЙН ЗАСАГ ДАРГА ТОДОРЧЭЭ

Хотын даргаар томилогдсон Д.Сумъяабазартай гар нийлж ажиллах дүүргийн Засаг дарга нар хэн байх вэ гэдэг асуудал Баасан гаригт тодорхой болно. Гэхдээ дүүргүүдийн Засаг даргаар томилогдох зарим хүмүүсийн нэр тодорхой болсон. Тухайлбал, Сонгинохайрхан дүүргийн Засаг даргаар Нийслэлийн МАН-ын дэд дарга Н.Алтаншагайг томилохоор болжээ.

МАХН-ын нэг төлөөлөгчийг өөрсдийн талд урвуулж чадсан Баянгол дүүргийн МАН-ынхан Засаг даргаар Ө.Сумъяабаатарыг томилох бол Хан-Уул дүүргийн Засаг даргаар өнгөрсөн дөрвөн жил тус дүүргийг удирдсан Ж.Алдаржавхлан, Багахангай дүүргийн Засаг даргаар С.Эрдэнэбаяр нарыг улираан томилохоор болсон байна.

Чингэлтэй дүүргийн Засаг даргаар тус  дүүргийн намын дарга, УИХ-ын гишүүн Т.Аюурсайхан өөрийн хүнээ тавина хэмээн “бужигнуулж” байгаа сурагтай. Учир нь тэрбээр өмнө нь Чингэлтэй дүүргийн намын хорооны дарга УИХ-ын гишүүн асан Д.Ганболдыг Засаг даргаас унагаж,  өөрийн хүн болох Н.Батсүмбэрэлийг тавьсан гэдэг. Чингэлтэй дүүрэгт МАН ялалт байгуулсан учраас тухайн дүүргийн намын хорооны дарга өөрийн хүнээ Засаг даргаар томилох боломжтой ч хотын даргатайгаа гар нийлж ажиллах хүн байх нь чухал. Тиймээс тус дүүргийн Засаг даргад Н.Батсүмбэрэл, ИТХ-ын дарга Л.Ариунтуяа, Тамгын газрын дарга Б.Цэрэн нарын нэрс яригдаж байна.

Ардчилсан нам ялалт байгуулсан Сүхбаатар дүүргийн Засаг даргад Х.Болормааг улираан томилохоор ярьж байна. Тэрбээр өнгөрсөн дөрвөн жилийн хугацаанд тус дүүргийн Засаг даргаар ажиллаж, орон нутгийн сонгуульд Ардчилсан нам Сүхбаатар дүүрэг үнэмлэхүй ялалт байгуулсан юм.

МАН ЯЛСАН АЙМГУУДАД ЗАРИМ ЗАСАГ ДАРГА НАРЫГ УЛИРААНА

Орон нутгийн сонгуулиар МАН 12 аймагт, Ардчилсан нам 8 аймагт тус бүр ялалт байгуулснаар Засаглах боломжтой болсон.  Гэхдээ одоогоор зарим аймгийн хувьд Засаг даргаа томилох асуудал эцэслээгүй байгаа бөгөөд тодорхой болсон зарим нэрсийг танилцуулъя.

АРХАНГАЙ АЙМАГ: Тус аймгийн Засаг даргаар Ардчилсан намын бүлгийн ажлын албаны дарга Д.Золжаргалыг томилохоор болсон гэх мэдээлэл бий. Тэрбээр Архангай аймгийн Ардчилсан намын даргаар ажилладаг бөгөөд намдаа ялалт авчирсан гэж үнэлэгдэн,  Засаг дарга болох магадлал хамгийн өндөр байна.

БАЯН-ӨЛГИЙ АЙМАГ: Тус аймагт МАН ялалт байгуулсан учраас одоогийн Засаг дарга А.Гылымханыг улираана гэсэн мэдээлэл байна.

БАЯНХОНГОР АЙМАГ: Тус аймгийн Засаг даргаар Д.Мөнхсайханыг улираан томилсон.

БУЛГАН АЙМАГ: Ардчилсан нам ялалт байгуулсан. Тус аймгийн Засаг даргад 2020 оны УИХ-ын сонгуульд өвдөг шороодсон ч орон нутгийн сонгуульд өрсөлдөн ялсан Б.Ариун-Эрдэнийг томилохоор болжээ.

ГОВЬ-АЛТАЙ АЙМАГ: Ардчилсан нам ялалт байгуулсан бөгөөд аймгийн Засаг даргад О.Амгаланбаатарын нэр яригдаж байна.

ГОВЬСҮМБЭР АЙМАГ: МАН олонх болсон, Засаг даргад аймгийн ИТХ-ын тэргүүлэгч Ш.Билэггүмбэрэл, Г.Батзам нарын нэрс яригдаж байна.

ДАРХАН-УУЛ АЙМАГ: Засаг даргаараа Б.Азжаргалыг томилсон. Тэрбээр өмнө нь Дархан сумын Засаг даргаар 8 жил ажилласны зэрэгцээ аймгийнхаа ИТХ-ын даргаар ажиллаж байжээ.

ДОРНОГОВЬ АЙМАГ: МАН ялалт байгуулсан бөгөөд О.Батжаргалыг Засаг даргаар томилохоор болжээ.

ДОРНОД АЙМАГ: Тус аймгийн Засаг даргаар ажиллаж байсан М.Бадамсүрэнг улираан томилно.

ДУНДГОВЬ АЙМАГ: Ардчилсан нам олон болсон бөгөөд Ц.Мөнхбатыг Засаг даргаар томилохоор болжээ.

ЗАВХАН АЙМАГ: МАН олонх болсон бөгөөд аймгийн намын хорооны дарга Д.Түвшинжаргалыг Засаг даргаар томилохоор болжээ.

ОРХОН АЙМАГ: МАН олонх болсон учраас аймгийн Засаг даргын орлогч байсан С.Батжаргалыг томилохоор болжээ.

ӨВӨРХАНГАЙ АЙМАГ: МАН ялалт байгуулсан бөгөөд аймгийн Засаг даргаар А.Ишдорж  гэх хүний нэр яригдаж байгаа гэнэ. Тэрбээр өнгөрсөн дөрвөн жилийн хугацаанд аймгийн ИТХ-ын даргаар ажиллаж байжээ.

ӨМНӨГОВЬ АЙМАГ: Ардчилсан нам ялалт байгуулсан бөгөөд аймгийн Засаг даргаар Р.Сэддоржийг томилохоор болжээ. Тэрбээр “Тавантолгой” ХК-д гүйцэтгэх захирлаар ажиллаж байсан юм.

СҮХБААТАР АЙМАГ: Ардчилсан нам олонх болсон бөгөөд М.Идэрбатыг аймгийн Засаг даргаар томилохоор болжээ.

СЭЛЭНГЭ АЙМАГ: Засаг даргаар Ш.Оргилыг улираахаар болсон. Түүний хувьд өнгөрсөн дөрвөн жилийн хугацаанд аймгийн Засаг даргаар ажиллаж, намаа ялуулсан юм.

ТӨВ АЙМАГ: МАН ялалт байгуулсан бөгөөд одоогоор аймгийн Засаг даргаа тодорхой болгоогүй байна. Гэхдээ тус аймгийн Засаг даргад эдийн засгийн ухааны доктор Д.Амгалан, аймгийн ИТХ-ын тэргүүлэгчдийн нарийн бичгийн дарга асан А.Идэрпүрэв нарын нэрс яригдаж байна.

УВС АЙМАГ: АН ялалт байгуулсан, одоогоор Засаг даргаар хэнийг томилох нь эцэслэгдээгүй байна.

ХОВД АЙМАГ:  МАН ялалт байгуулсан учраас аймгийн Засаг даргаар ажиллаж байсан Б.Дүгэржавыг улираан томилохоор болжээ.

ХӨВСГӨЛ АЙМАГ: Тус аймагт Ардчилсан нам ялалт байгуулсан бөгөөд Ш.Идэрбаясгаланг Засаг даргаар томилохоор ярилцаж байгаа гэнэ.

ХЭНТИЙ АЙМАГ: Тус аймгийн Засаг даргаар Ц.Идэрбатыг томилсон. Түүний хувьд Хэрлэн сумын Засаг даргаар ажиллаж байжээ.

Ш.ЧИМЭГ

Энэ мэдээнд өгөх таны сэтгэгдэл?
8
ЗөвЗөв
4
БурууБуруу
2
ГайхмаарГайхмаар
1
ХахаХаха
1
ХөөрхөнХөөрхөн
1
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-28 66.181.161.88

Dundgovi Od Erdene Naranhuu 2in toglolt bolood duuslaa daa

Avatar

Хорвоо чи хүний зовлонд цадах болоогүй юу гэдэг шиг Аюурсайхаан, Чи улсын мөнгөнд цадах болоогүй юу? 2020-10-28 202.126.88.173

будаач будаач гэхээр сахлаа будав гэгчээр шударга үнэнч гэсэн имижийг өөртөө олж авсан хогийн хулгайч Т.Аюурсайхан чи яахлаараа нутгийн өөрөө удирдах ёсыг завхруулж Чингэлтэй дүүргийн засаг даргыг сонгох томилох ажилд оролцож байдаг юм бэ? Чиний хийсэн гай ихдэж байсан уу гэхээс багадаагүй. 2015 онд ШӨХТГ-ын даргаар ажиллаж байхдаа Да Хүрээ захыг нүүлгэх ажлыг саатуулсанЧиний хийсэн балгаар одоо Шархад тамын газар болсон.

Avatar

Нутаг 2020-10-28 192.82.70.230

Гишүүд гэж нэг хөөний хутгуурууд байнаа, орон нутгийн сонгуульд МАН цөөнх болсон аймгууд ёрийн муухай гишүүдээс болсон доо. Дахиж дэвшүүлэх хэрэггүй

Avatar

Найз 2020-10-28 64.119.19.26

Баахан олон Идэрүүд баых чинь. Андуураад бичив үү. Үнэхээр олон Идэрүүд ёндоотой байна уу?

Avatar

Зочин 2020-10-28 103.212.117.248

Даваасүрэн Чойжилсүрэн 2 Хөвсгөл Увсад өөрсдийн хүмүүсээ бие даалгаад МАН-ыг ялагдуулсан учир төв аппарат хариуцлага тооцно. Чо ноёнтон ч яахав мөнгөө өгчихнө. Даваасүрэн цаазын тавцанд шаачлаа

Avatar

zochin 2020-10-28 103.229.177.66

Aldarjavkhlan gedeg hun duuregt yu ch hiigeegui, eco duureg gedeg heden sambar l bairshuulsan. Eco duureg bish jinhene tugjrel, mashinii hort utaa, hogoor duursen duureg bolson doo.Hiisen buten baiguulaltuud n' dandaa ulsaas, hotoos, esvel business erkhlegchid. Uuruu sanaachilj hiisen zuil bgaa yu?

Avatar

зочин 2020-10-28 202.179.15.10

26.5.Аймаг, нийслэл, сум, дүүргийн Засаг даргад нэр дэвшигч нь дараахь шаардлагыг хангасан байна:

26.5.1.дээд боловсролтой;

26.5.2.төрийн албанд 3-аас доошгүй жил ажилласан;

26.5.3.шүүхийн шийдвэрээр тогтоогдсон зээл, батлан даалтын болон бусад гэрээгээр хүлээсэн хугацаа хэтэрсэн өргүй байх;

26.5.4.шүүхийн шийдвэрээр тогтоогдсон татварын өр төлбөргүй байх;

26.5.5.ялгүй байх.

Avatar

Доржоо ах 2020-10-28 103.9.90.100

Би нэг зүйлд гайхаад байна Өвөрхангайд Ишдорж гэдэг хүнийг засаг даргаар томилуулахаар намын удирдах зөвлөл нь шийдсэн юм байх гэтэл аймгийн иргэдийн төлөөлөгчдийн хурлын хэсэг нөхөд нь Сумьяасүрэн гэгчээс мөнгө аваад түүнийг сонгохоор болчихсон гэнэ Ардчилсан намын гишүүд нь өмнө Сумьяасүрэнгээ мөнг идсэн уусан гээд АТГ баахан шалгуулсан одоо дэмжиж байгаа юм байх Энэ чинь одоо юу болоод байна вэ Өвөрхангайчууд МАН-д саналаа өгч сонгогдсон нөхөд нь засаг даргын томилгоон дээрээс мөнгө олоод

Avatar

Зочин 2020-10-28 103.9.90.100

байгаа юм биш үү нэг мөнгөтэй нөхөр нь аймгийн засаг даргын суудлыг худалдаж аваад байгаа ч юм шиг ойлгодоггүй ээ

Avatar

Зочин 2020-10-28 139.5.218.142

Аймгуудаа томруулая. 6 том аймагтай байхад л хангалттай. Сумдаа ч бас цөөрүүлж 330-ыг 80 болгое. Дарга нарын тоо л цөөрнө.

Avatar

Малчин 2020-10-28 192.82.70.230

Мал минь төрийн үйлчилгээг жирийн малчин ард яаж авахын, хүүхэд ийм дээрээ хөөрхөн шүү

Avatar

Хөөё 2020-10-28 150.129.143.220

Манай Хан Уул дүүргийн засаг даргаар арай илүү юм хийхээр хүн тавиарай даа

Avatar

irgen 2020-10-28 202.131.225.150

Gants gagui haragdaj bgaa ni Bayankhongor aimgii zasag darga bn daa. Nuruutai turshlagtai chadvarlag nutag ornoo hogjuuleh setgeltei hun dee

Avatar

Зочин 2020-10-28 202.9.47.17

Хамгийн муу томилгоо Өвөрхангайн Ишдорж юм байна. Өвөрхангайнхан охидуудаа сайн хамгаалах хэрэгтэй шүү, янз бүрийн санаанд оромгүй гэмт хэргүүд гарахвий дээ. Ялангуяа ажлын байрны бэлгийн дарамт гэх мэт асуудлуудыг онцгой анхаарах хэрэгтэй.

Avatar

Хөвсгөлийн иргэн 2020-10-28 66.181.161.33

Хөвсгөл хараахан Засаг даргаа томилоогүй байгаа шүү дээ

Avatar

хүннү 2020-10-28 202.55.188.87

Өндөрхаан хотыг малын сэг зэмнээс нь салгаж чадаагүй хүн аймаг авч явж чадах юм уу? Хойд энгэр нь тэр чигээрээ малын арьс, шир толгоы цувдай дүүрэн нэл өмхий ойр хавиар нь явхын эцэсгүй байсан. Энэ бол хотын дарга маш муугийн шинж..

Avatar

хувилгаан 2020-10-28 103.9.88.162

ДУНДГОВЬД МАН ЯЛААГҮЙ Ш ДЭЭ

Avatar

Зочин 2020-10-28 66.181.161.109

Nutag ornoo hegjuuleh chadvartai humuusee tavij chadahgui baina namiin talcalaar Tamil talaa songojee aimguud hugjihgui aisandaa orloo haraach baina Enhjin humuusiig gargaj ireh estoi !!!!!!!!!!

NewsMN Гар утасны хувилбар Татах
NEWS.mn

Мэдээллийн эх сурвалж