Т.Мөнхсайхан: Эмч, мэргэжилтнүүдэд чиглэсэн зөв бодлого хэрэгжүүлнэ | News.MN

Т.Мөнхсайхан: Эмч, мэргэжилтнүүдэд чиглэсэн зөв бодлого хэрэгжүүлнэ

Т.Мөнхсайхан: Эмч, мэргэжилтнүүдэд чиглэсэн зөв бодлого хэрэгжүүлнэ

Эрүүл мэндийн сайд Т.Мөнхсайхан наймдугаар сарын 26-наас эхлэн лавлагаа шатлалын эмнэлгүүдийн хөгжлийн хөтөлбөр, тулгамдаж буй асуудлуудыг хэлэлцэх хамтарсан цуврал уулзалтууд зохион байгуулж байгаа билээ. Өнөөдөр буюу аравдугаар сарын 27-ны уулзалтаар Эрүүл мэндийн хөгжлийн төвийн захирал, Анагаах ухааны доктор Б.Нарантуяа 2021-2024 онд авч хэрэгжүүлэх хөгжлийн хөтөлбөрөө танилцууллаа.

Arslan.mn
Хамтарсан уулзалтаар Эрүүл мэндийн сайд Т.Мөнхсайхан хэлэхдээ “Өнөөдөр байгууллагынхаа хөгжлийн хөтөлбөрийг танилцуулсан Эрүүл мэндийн хөгжлийн төвийн хамт олондоо баярлалаа. Манай салбарт тулгамдсан асуудал их байгаа талаар бид өглөө болгон энэхүү хамтарсан уулзалтаараа ярьж байна.

Эрүүл мэндийн хөгжлийн төвийн үйл ажиллагааг сайжруулах, зарим асуудлууд дээр анхаарч ажиллах шаардлагатай байна.

Эрүүл мэндийн салбарын хүний нөөцийн бодлого хэрхэн явах, эмч, мэргэжилтний дутагдлыг шийдвэрлэх нь чухал. Манай улсад Анагаах ухааны боловсрол олгодог 10 их, дээд сургууль 2200 орчим эмч бэлтгэн гаргаж байна. Үүний 800 орчим сувилагч мэргэжлээр төгсөж байна. Өнөөдөр сувилагчийн орон тоо бүх салбарт дутагдалтай байна. Гэтэл лицензтэй 18504 эмч нар байгаагаас 11788 нь хувийн болон улсын эрүүл мэндийн байгууллагад ажиллаж, 6716 нь эмч мэргэжлээрээ ажиллахгүй буюу илүүдэлтэй байна гэсэн судалгаа гарсан. Эдгээр үзүүлэлтээс харахад хүний нөөцийн бодлого асуудалтай байгааг харуулж байна. Тиймээс нэгдсэн төлөвлөлт хийх шаардлагатай. Түүнчлэн төгсөлтийн дараах шалгалт, магадлан итгэмжлэл, лицензийн шалгалтууд дандаа асуудал дагуулж байна. Одоо бид өөрчлөх цаг нь болсон. Цаасан дээр том том бодлого ярилгүй асуудлыг шийдэх ёстой. ЭМЯ-наас ч гэсэн бодлогоор дэмждэг, асуудлыг нь шийдвэрлэдэг байх тал дээр анхаарч ажиллаж байна. Мөн бид резидент эмч нарын асуудлыг шийдвэрлэх хэрэгтэй. Салбарын буруугаас болж резидентүүд хохирдог байж болохгүй. Энэ хүрээнд нэгдсэн нэг хөтөлбөр хэрэгжүүлнэ.

Цаашдаа бид эрүүл мэндийн салбарынхаа эмч мэргэжилтнүүд рүүгээ чиглэсэн богино хугацааны зөв бодлого хэрэгжүүлээд явна.

Үүнд Эрүүл мэндийн хөгжлийн төвийн үүрэг, оролцоо чухал” хэмээн онцоллоо.

Arslan.mn

Эрүүл мэндийн хөгжлийн төвийн захирал Б.Нарантуяа хөгжлийн хөтөлбөрөө танилцуулахдаа “Эх баригч, бага эмч нараас хөтөлбөрийн зөрүүг гаргаж, сувилагч мэргэжлээр диплом олгох үйл ажиллагаа зохион байгуулахаар Сувилахуйн сургуультай ярилцаж байна.

Ирэх дөрвөн жилд эрэлтэд нийцсэн хүний нөөцийн хөгжлийн нэгдсэн бодлоготой болно гэж харж байгаа. Хэрэгцээнээс давсан олон эмч бэлтгэдэг байдлаас шаардлагатай мэргэжлээр түлхүү сургадаг, чанартай мэргэжилтэн бэлтгэдэг тогтолцоо руу орно гэж төлөвлөж байна.

Бид одоо хэрэгжиж буй “1:2” хөтөлбөрөөр жилд 120, Бага эмч, Эх баригч нараас Хөтөлбөрийн зөрүү гаргах сургалтаар 100 орчим нийт 220 сувилагчийг төгсөлтийн дараах сургалтаар бэлтгэн гаргана. 2020 онд Анагаах ухааны боловсрол олгох их, дээд, сургууль, коллеж төгссөн 3000 төгсөгчийн зөвшөөрлийн шалгалтыг мэдээллийн дэвшилтэт технологид тулгуурлан UBT CLOUD вэб суурьтай шалгалтын системийг ашиглаж орон зай, байршил үл хамааран онлайн хэлбэрээр улсын хэмжээнд зохион байгуулсан.
Эмнэлгийн мэргэжилтний чадавхийг нэмэгдүүлж, хариуцлагыг өндөржүүлэх үүднээс шалгалтын давтамжийг үе шаттайгаар бууруулж цаашдаа жилд нэг удаа зохион байгуулдаг болох зорилт тавьж байна.

Эмнэлгийн мэргэжилтэн орон зай, байршлаас үл хамааран шалгалтыг онлайнаар өгдөг болно.

Өнөөдөр төгсөлтийн дараах ҮНДСЭН мэргэшлийн сургалтыг 22 СЭБ 30 мэргэшлийн чиглэлээр 754 хүний их эмч, төрөлжсөн мэргэшлийн чиглэлээр 16 СЭБ,  61 мэргэшлийн чиглэлээр, Сувилагч, тусгай мэргэжилтний сургалтыг 14 СЭБ, 29 мэргэшлийн чиглэлээр бэлтгэж байна. Бид цаашид сургалт эрхлэх байгууллагын тоог нэмэгдүүлэх, үүнд БОЭТ, Дүүргийн нэгдсэн эмнэлэг болон бусад шаардлага хангасан эмнэлгүүд байна гэж харж байна. Жил бүр эмнэлзүйн сургагч багш болон сувилахуйн сургагч багшийг тус бүр 144-ийг улсын төсвийн санхүүжилтээр бэлтгэнэ. Одоогийн байдлаар ЭМХТ-д Эм, эмнэлгийн тоног төхөөрөмжийн асуудал хариуцсан алба ажиллаж байгаа боловч эмийн асуудал хариуцсан агентлаг байгуулахаар хууль эрхзүйн орчин бүрдээд байна” гэлээ.

Эх сурвалж: ЭМЯ

Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-27 66.181.161.113

Nussaihaniig ogtsuulaa! Yamr ch dadlaga turshlaga chadvar alga!

Avatar

иргэн 2020-10-27 202.21.103.226

сайдаа, Эмч эмнэлгийн ажилчдын харьцаа хандлагад анхаарал хандуулахгүй бол их хэцүү байдаг юм байна. Чингэлтэй дүүргийн эмнэлэг. Харуулаасаа авхуулаад сувилагч, эмч яасан муухай ааштай. Ихэнхидээ өндөр настай болон гэр хорооллын иргэд тэр эмнэлгээр эмчлүүлж байна. Харьцаа хандлага, судсанд хийх тариаг булчинд хийх жишээний. Ийм сувилагч гэж байх уу?

Avatar

Иргэн 2020-10-27 66.181.181.193

Эмсайд ажилаа хүнд тайлбар хийхдээ чанга ярьж ойлгуулаад.зарим ярьж бгаа юм нь дуулахгүй байна.зоригтой оновчтой үгээ хэлж сураач?хэнд тэрбум өгөөд сайд болсон бэ?харсан үзсэн юм уу?залуу хүн цаашаа эрүүл мэндийн салбараа сайн болго байх гэж харж бна.одоо хүүхдийн өвчлөл их байх юм.энэний суурийг нь одооч.өвчлөл маш их болсон бна.үнэ төлбөргүй урьдчилан сэргийлэх үзлэг хийгээч.зарим эмнэлэг 140.0төг сэргийлэх хийж бна.арайч.дэ.даатгал төлөөд байхад ингэж шударга болимоор юм.тарийн тусгай 140.0 т

Avatar

Иргэн 2020-10-27 66.181.181.193

Чанаргүй эмч бэлтгэхдээ болиочээ.оношоо зөв тавьж чадахгүй.өвчтөнгийнхөө хэлж ярьж байгаа зовиурыг сайн сонсохгүй чадвар муутай эмчийг олноор бэлдэж байраар чанартай яс сургадаг сургуулийг үлдээж хэрэгтэй бна.энэ одоо үндэсний дээд сургуульд эмч бэлдээд байхдаа яахав дэ.их засаг этүгэн болимоор юм.ашиусдаа сайн багш эмчээ бэлдэнээ.хуучин сайн эмч бэлдээд болоод байдаг бсан.чанартай сургалт сайтай нь эмч бэлдэх хэрэгтэй бна.80аад оны эмч нар сайн бсан.одоо тэтгэвэр хувийн хэвшилд ажиллаж бна.

Avatar

ЭМС гэх Нусан журыг огцруул!!! 2020-10-27 64.119.18.179

Яамдын сайдаар тухайн салбартаа дор хаяж 20 жил ажилласан хүн томилмоор байна. Дээрээс нь боловсрол, туршлага, шударга зан чанарыг харгалзах хэрэгтэй. Эрүүл мэндийн сайдаар хүчит шонхор захын эзэн гэх жоохон хүүхэд нэг тэрбум өгч сайд болсон. Тэр мөнгөө хэд нугалах ажлыг л хийнэ. Өөр юу ч хийхгүй. Бүхэл бүтэн улсад эрүүл мэндийн салбарыг аваад явчих мэдлэг боловсролтой, туршлагатай, ноён нуруутай хүн алга гэж үү? Монголын хамгийн дампуу салбарууд бол эрүүл мэнд, боловсрол, хууль шүүхийн салбар!!

Avatar

Zochin 2020-10-27 139.5.216.120

Munhsaihan saidad ulam undur amjilt hysie! Chadnaa! Uragshaa!

Avatar

иргэн 2020-10-27 192.82.76.47

амжилт

NewsMN Гар утасны хувилбар Татах
NEWS.mn

Мэдээллийн эх сурвалж