Илүү тасалбар аваад, хоёр сая доллар хожжээ | News.MN

Илүү тасалбар аваад, хоёр сая доллар хожжээ

Илүү тасалбар аваад, хоёр сая доллар хожжээ

Илүү тасалбар аваад, хоёр сая доллар хожжээ

АНУ-ын Мичиган мужийн нэгэн иргэн санаандгүй байдлаар хоёр сугалааны тасалбар авч, нэг сая ам.долларын хонжвороос хоёрыг хожжээ. Өдгөө 56 настай Мичиган мужийн Дирборн Хайтс хотын иргэн Самир Мазахем нь "Mega Millions" сугалааны эхний тасалбараа онлайнаар худалдаж авсан байна. Тэрбээр дугаарыг нь гэр бүлийнхээ гишүүдийн төрсөн он, сараар буюу 01-05-09-10-23 гэж бөглөөд бүртгүүлжээ. Харин хоёр дахь тасалбараа санаандгүй байдлаар буюу өмнөх тасалбарынхаа дугааруудыг харж, хадгалах гэж байгаад худалдаад авсан байна.

Самир Мазахем хэвлэлд өгсөн ярилцлагадаа “Нэг мэдсэн би хоёр ижил дугаартай хоёр тасалбар худалдаад авсан байсан. Бага зэрэг сэтгэл гонсойсон ч энэ тухай нэг их юм бодоогүй ээ” хэмээн ярьжээ.

Удалгүй сугалааны тохирол явагдсаны дараа "Mega Millions" сугалааны аппликейшн рүү нэвтэрч, нэг сая ам.долларын хоёр шагнал буюу хоёр сая ам.доллар хожсоноо мэдсэн аж. Энэ тухай тэрбээр ярихдаа “Үнэндээ ийм зүйл болсонд итгэж чадаагүй. Гаргасан алдаа минь надад хоёр сая ам.доллар авчирсан гэдэгт итгэх бэрх байсан” гэжээ.

Тэрбээр шагналынхаа мөнгөөр шинэ байшин худалдаж аваад, үлдсэнийг нь хадгаламжид хийх аж.

"Mega Millions" сугалаа нь АНУ-ын 45 мужид борлуулагддаг бөгөөд долоо хоног бүрийн Мягмар, Баасан гаригт тохирлоо явуулдаг байна.

Энэ мэдээнд өгөх таны сэтгэгдэл?
10
ХарамсалтайХарамсалтай
2
ХөөрхөнХөөрхөн
1
ЗөвЗөв
0
ХахаХаха
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-27 192.82.77.37

"хоёр ижил дугаартай хоёр тасалбар худалдаад авсан" биш 2 тасалбарыг ижилхэн бөглөсөн гэсэн үг ээ. Ховорхон гаргадаг алдаа.

Avatar

с 2020-10-27 64.119.19.98

улс орнууд бүгд л үндэсний сугалаатай. Манайд хамгийн боломжит, хүн болгон хамрагдах чадах суурьтай и-баримт байгаа юм. Уг хөгжүүлээд явбал. Гол нь манайхны атаархуу зан аймаар байх юмаа. Хэн нэг нь 500 сая хожлоо гээд боож үхэхийн наагуур атаархаад, шагналын санг нь бууруулсаар байгаад юу ч биш болгож орхисон. Би л хожоогүй бол бусад нь хожиж болохгүй гээд шээс нь гоожоод атаархдаг бидний араншин. Тамын тогооны үлгэр ч үнэн шүү.

Avatar

Зочин 2020-10-27 124.158.96.197

Бурхан хишгээ хайрлажээ. Хурай, хурай, хурай.

NewsMN Гар утасны хувилбар Татах
NEWS.mn

Мэдээллийн эх сурвалж