АТГ: УИХ-ын нэр бүхий гишүүдийг яллагдагчаар татаж шалгаагүй | News.MN

АТГ: УИХ-ын нэр бүхий гишүүдийг яллагдагчаар татаж шалгаагүй

АТГ: УИХ-ын нэр бүхий гишүүдийг яллагдагчаар татаж шалгаагүй

УИХ-ын нэр бүхий найман гишүүнийг АТГ шалгаж байгаа тул бүрэн эрхийг нь түдгэлзүүлэх болсон тухай хэвлэлүүд мэдээлж байна. Энэ талаар Авлигатай тэмцэх газрын Урьдчилан сэргийлэх, соён гэгээрүүлэх хэлтсийн Олон нийттэй харилцах ажилтан Т.Мөнхтунгалагаас тодруулав.

-Өнөөдөр зарим хэвлэл мэдээллийн хэрэгслээр УИХ-ын нэр бүхий гишүүдийг АТГ шалгаж байгаа тухай мэдээлэл гарлаа. Энэ мэдээлэл үнэн эсэхийг албаны эх сурвалжаас тодруулмаар байна. Та хариулт өгнө үү?

-Энэ бол худал ташаа мэдээлэл. АТГ-ын Мөрдөн шалгах хэлтэс өнгөрсөн долоо хоногт гэмт хэргийн шинжтэй 80 гомдол, мэдээллийг шалгаж, 13 гомдолд хэрэг бүртгэлтийн хэрэг нээсэн. Өнгөрсөн долоо хоногт эрүүгийн 492 хэрэгт мөрдөн байцаалтын ажиллагаа явуулснаас найман хэргийг шүүхэд шилжүүлэх, 15 хэргийг хаах саналтай прокурорт шилжүүлж, нэг хэргийг нэгтгэн шалгасан. Яг өнөөдрийн байдлаар АТГ-ын Мөрдөн шалгах хэлтэст эрүүгийн 468 хэрэг шалгагдаж байгаа. 404 нь хэрэг бүртгэлтийн, 64 нь мөрдөн байцаалтын хэрэг. Эдгээр хэргийн алинд ч УИХ-ын гишүүнийг яллагдагчаар татан шалгаагүй. Худал ташаа мэдээлэл түгээж, улс төрийн өнгө аясаар олон нийтэд буруу ойлголт төрүүлэхгүй байхыг хүсч байна.

-УИХ-ын гишүүн Сү.Батболдын хэргийг АТГ шалгаад шүүхэд шилжүүлсэн тухай мэдээлж байна? 

-УИХ-ын гишүүн Сүхбаатарын Батболдыг АТГ-аас шалгаагүй. Тиймээс энэ нь худал мэдээлэл байна.

-УИХ-ын гишүүн Д.Ганбат хэвлэлд өгсөн ярилцлагадаа УИХ-ын нэр бүхий гишүүдийг эгүүлэн татаж, АТГ шалгаж байгаа гэсэн утгатай зүйл хэлсэн. Энэ үнэн үү?

-Одоогоор АТГ-аас шалгаад, бүрэн эрхийг нь түдгэлзүүлэх санал гаргасан УИХ-ын гишүүн байхгүй.

Энэ мэдээнд өгөх таны сэтгэгдэл?
1
ХахаХаха
1
ХарамсалтайХарамсалтай
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн Одсэр 2020-10-27 185.93.180.100

ХҮЧТЭЙ ӨРСӨЛДӨГЧ ГЭЖ ХАРЖ БАЙГАА ХҮНЭЭ ХАРЛУУЛАХ ОРОЛДЛОГО НЬ МАНАЙ УЛС ТӨРИЙН БИЧИГДЭЭГҮЙ ХУУЛЬ ЮМДАА. БОДЛОГО ЯРЬЖ МЭТГЭЛЦЭЭНД УХААНАА УРАЛДУУЛМААР ЮМ.

Avatar

Дашка 2020-10-27 185.108.106.68

Хэн хэнийг яаж ч үндэслэлгүй гүтгэж харлуулж байсан цаг хугацаа бүх үнэнийг харуулна. Ичдэггүй нөхдүүд хуучирсан тактик нь энэ удаад явсангүй.

Avatar

Амгаланбаатар 2020-10-27 45.12.221.168

Хараад байхнээ хэвлэл мэдээллээр дуртайгаа гүтгэн доромжилж, харлуулах ажил ямар ч цензүргүй, эрээ цээргүй явах юм. С.Батболд дарга өндөр боловсролтой, мэдлэгтэй хүн дээрээс гэрээ засчихаад төрөө засаж яваа улс төрийн асар туршлагатай. Энэ хүн өөрөө олон амжилттай бизнес хийж ирсэн болхоор бусад шиг тендер, ЖДҮ-д нэр холбогдоод байдаггүй тийм л ёс суртахуунтай хүн шиг санагддаг.

Avatar

Л.Лхагва 2020-10-27 202.9.47.7

БУРУУ СОНСЧИХООД ТАШАА МЭДЭЭЛЭЭД БАЙГАА ЮМ БИШ. САНААТАЙГААР ТАШАА МЭДЭЭЛДЭГ ЮМ.ЭНЭ БОЛ БОХИР УЛС ТӨР.

Avatar

МЯГМАР 2020-10-27 103.10.23.20

Ингээп л АТГ, томчуудын эрэхшээлд орж байгууллага хамт олныхоо нэр нүүрийг баллаж, олон түмний итгэлийг алдаж байгаа юм даа.
Томчуул та нарын эхэлсэн ажлаар сүржгэнэн олон улсын байгууллагыг аргалж байгаад саарал жагсаалтнаас гарав уу үгүй юу С.Батболд мэтийн коммунистуудаа хамгаалж байгаа нь тэр.

NewsMN Гар утасны хувилбар Татах
NEWS.mn

Мэдээллийн эх сурвалж