ОХУ-ын Төв банкны Захирлуудын зөвлөл аравдугаар сарын 23-ны өдөр хуралдаж, бодлогын хүүг одоо байгаа 4,25% дээр хэвээр үлдээх шийдвэр гаргалаа.

Одоо байгаа эдийн засгийн үндсэн үзүүлэлтүүдийг шинжилж, дүгнэсний үндсэн дээр бодлогын хүүг ойрын үед дахин бууруулах алхам хийж магадгүйг Захирлуудын зөвлөл онцолсон байна.

Төв Банк энэ есдүгээр сард одоо байгаа 4,25%-ийг хэвээр үлдээсэн юм. Харин цар тахал эхэлсэн гуравдугаар сард 6% болгон бууруулсан.

Коронавирусийн цар тахлын улмаас эдийн засаг хумигдаж, хил удаан хугацаанд хаалттай байгаа, мөн Оросын экспортын гол бүтээгдэхүүн нефтийн үнэ унаж байгаа зэргээс шалтгаалан ОХУ-ын ДНБ-ий хэмжээ энэ жил буурах магадлалтай бөгөөд энэ нь 2015 оноос хойших анхны бууралт болох юм.