Цаг уур орчны шинжилгээний газраас гаргасан урьдчилсан мэдээгээр аравдугаар сарын 28-наас нутгийн баруун хэсгээс, аравдугаар сарын 29-нд ихэнх нутгаар дулаарах нь ээ. Гэхдээ түүнээс өмнө хүйтрэх төлөв гарсныг мөн сануулж байна.

Тодруулбал, аравдугаар сарын 26-нд төвийн аймгуудын нутгийн зүүн хэсэг, зүүн аймгуудын нутгийн зарим газраар, 27-нд зүүн аймгуудын нутгийн зүүн хэсгээр, 29-нд баруун аймгуудын нутгийн хойд хэсгээр цас орж, цасан шуурга шуурна. Салхи 26, 27-нд говь, тал, хээрийн нутгаар, 29-нд Алтайн салбар уулсаар түр зуур секундэд 16-18 метр хүрч, шороон шуурга шуурна. Хүйтэрч Алтай, Хангай, Хөвсгөл, Хэнтэйн уулархаг нутаг, Завхан голын эх, Хүрэнбэлчир орчим, Идэр, Тэс, Туул, Тэрэлж, Хэрлэн, Онон, Улз, Халх голын хөндийгөөр шөнөдөө 14-19 градус, өдөртөө 1-6 градус, говийн бүс нутгийн өмнөд хэсгээр шөнөдөө 3-8 градус хүйтэн, өдөртөө 3-8 градус дулаан, бусад нутгаар шөнөдөө 8-13 градус хүйтэн, өдөртөө 1 градус хүйтнээс, 4 градус дулаан байна. Аравдугаар сарын 28-наас нутгийн баруун хэсгээр, 29-нд ихэнх нутгаар дулаарна.