Өмнөд Солонгост томуугийн вакцин хийлгэсэн 13 хүн нас баржээ | News.MN

Өмнөд Солонгост томуугийн вакцин хийлгэсэн 13 хүн нас баржээ

Өмнөд Солонгост томуугийн вакцин хийлгэсэн 13 хүн нас баржээ

Өмнөд Солонгост томуугийн вакцин хийлгэсэн 13 хүн нас баржээ

Өмнөд Солонгос даяар улирлын ханиад томууны эсрэг вакцинжуулалтын аян үргэлжилж байна. Гэвч томуугийн эсрэг вакцин хийлгэсэн олон хүн нас барсан нь Өмнөд Солонгосын нийгмийг түгшээжээ. Томуугийн вакцин хийлгэсний дараа нас барсан хүний тоо өнөөдрийн байдлаар 13-т хүрчээ. Үүнээс өмнө тус улсад 2005 онд вакцинтай холбоотой хамгийн өндөр нас баралт бүртгэгдэж байжээ. Тухайн жил зургаан хүн вакцин хийлгэсний дараа нас барж байсан аж.

Тус улсын Халдварт өвчнөөс урьдчилан сэргийлэх төвөөс эдгээр 13 хүний нас баралтын шалтгааныг тодруулахаар нарийвчлан шалгаж эхэлжээ. Гэхдээ урьдчилсан шатны дүгнэлтээр дээрх хүмүүсийн нас баралт томуугийн вакцинтай шууд холбоогүй гэж гарсан учир вакцинжуулалтыг зогсоохгүй үргэлжлүүлэхээр болжээ.

Нас барагсдын насны хувьд 17-78 насныхан байгаа бөгөөд хоёр нь “anaphylaxis shock” буюу дархлаа тогтсоны дараах харшлын гаралтай хариу урвалаас болж нас барсан байж болзошгүй байна. Мөн дээрх 13 хүний зарим нь архаг хууч өвчтэй байсан гэнэ.

Өмнөд Солонгосын засгийн газрын хэрэгжүүлж буй вакцинжуулалтын аянд өчигдрийн байдлаар 8.36 сая хүн хамрагдсан бөгөөд үүнээс 350 оричм хүнд хариу урвал илэрсэн байна. Тус улсын Засгийн газраас нийт 19 сая орчим хүнийг томуугийн вакцинжуулалтад хамруулахаар төлөвлөөд байгаа юм. Нас барсан иргэд “Korea Vaccine”, “Boryung Biopharma”, “LG Chem”, “SK Bioscience” компаниудын үйлдвэрлэсэн вакциныг хийлгэжээ.

Эх сурвалж: Korea Times

 

Энэ мэдээнд өгөх таны сэтгэгдэл?
3
ХарамсалтайХарамсалтай
2
ТэнэглэлТэнэглэл
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-22 66.181.161.115

Угаасаа вакцины хамгаалөх урвал нь эрүүл хүнд л тогтоно. Өндөр настай и өвчин хуучтай хүнд дархалааны урвал тогтохгүй ээ! Гэдэгийг эмч мэрэгжилтнүүд нь мэддэгүй юм байхдаа. Үнэн хэрэгтээ вакцин гэдэг чнь бюзнэсс шүүдээ. Үр дүнтэй байсан бол хорвоогийн ханиад томуу аль хэдийн устчихсан байхгүй юу?

Avatar

Зочин 2020-10-22 192.82.67.137

вакцин нэртэй хор юмдаа

Avatar

Зочин 2020-10-22 202.21.107.88

Янз бүрийн харшил их дэлгэрсэн болохоор анхааралтай байхгүй бол амархан чадархана байна шүү.

Avatar

Аниа 2020-10-22 180.226.209.105

Өнөөдрийн байдлаар 28 хүн нас барж 430 хүн урвал өгсөн б

Avatar

зочин 2020-10-22 103.11.195.2

Аймаар юм.

NewsMN Гар утасны хувилбар Татах
NEWS.mn

Мэдээллийн эх сурвалж