Дөрөвдүгээр сараас орон нутагт том онгоц ниснэ | News.MN - Мэдээллийн эх сурвалж

Дөрөвдүгээр сараас орон нутагт том онгоц ниснэ

Хуучирсан мэдээ: 2016.02.24-нд нийтлэгдсэн

Дөрөвдүгээр сараас орон нутагт том онгоц ниснэ

Алс хязгаар нутагт, ялангуяа баруун аймгуудад амьдран суугаа иргэддээ чиглэсэн үе шаттай бодлогуудыг Засгийн газраас хэрэгжүүлж байгаа. Тухайлбал, хязгаар нутагт шатахууны үнийг төвийн бүсийнхтэй ойролцоо түвшинд хүргэх ажлыг зохион байгуулснаар баруун аймгуудад шатахууны үнийг 150-350 төгрөгөөр буулган Улаанбаатар хотынхтой ойролцоо үнэтэй болгосон.

Аймгийн төвүүдийг Улаанбаатар хоттой хатуу хучилттай автозамаар холбох ажил амжилттай яваа ч баруун аймгуудад очих, тэндээс Улаанбаатарт ирэхэд хол зам туулж, цаг хугацаа алддаг. Баруун аймгууд руу жижиг онгоц л нислэг хийдэг, нислэгийн хугацаа 3 цаг гаруй үргэлжилдэг. Цаг зав, хөрөнгө зарж газраар явж буй иргэддээ агаарын тээврээр зорчих боломж олгох шаардлагатай байна гэж Ерөнхий сайд Ч.Сайханбилэг өнөөдөр болсон “Шийдлийн цаг”-ийн эхэнд хэллээ. Тус уулзалтад Иргэний нисэхийн ерөнхий газрын дарга Г.Нямдаваа, МИАТ компанийн гүйцэтгэх захирал Т.Тамир нар оролцсон юм.

Орон нутгийн нислэгийн жижиг онгоцуудыг том онгоцтой хослон хэрэглэвэл солибол нислэгийн хугацааг багасгах боломж байгаа. Ховдод хатуу хучилттай буултын талбайтай учраас том онгоцуудаа тэнд буулгаж, тэндээс Баян-Өлгий, Увс, Говь-Алтай аймгуудад богино рейс хийх төдийгүй тасалбарын үнийг бууруулах бололцоотой гэсэн судалгаа байна гэдгийг Ерөнхий сайд хэлээд хоёр даргыг энэ чиглэлээр санаачилгатай ажиллаж, Засгийн газарт танилцуулах үүрэг өглөө.

Энэ нь аялал жуулчлал хөгжихөд тустай. Тухайлбал, Хонконг-Улаанбаатар-Ховд, Берлин-Улаанбаатар-Баян-Өлгий гэсэн нэг чиглэлтэй, нэг агаарын компанийн тасалбартай болсон тохиолдолд гадаадын аялагч, жуулчид, уулчдад маш их ач холбогдолтой. Мөн ОХУ, БНХАУ-ын хөрш залгаа хотуудыг Улаанбаатартай холбох, транзит нислэгүүд зохион байгуулахад санаачилгатай ажиллах шаардлага байна. Ингэхдээ МИАТ компани дангаараа биш хувийн компаниудыг оролцуулан, харилцан ашигтай ажиллах зарчмаар төр хувийн хэвшлийн түншлэлийг агаарын тээврийн салбарт хийх бүрэн боломж байна гэж Ерөнхий сайд хэллээ.

-Засгийн газраас өгсөн чиглэлийн дагуу МИАТ компани “АэроМонголиа” компанитай хамтраад орон нутагт нислэг хийх, тасалбарын үнийг хямдруулах, үйлчилгээг сайжруулахаар судалгаа хийж, тодорхой тохиролцоонд хүрээд байна. Баруун аймгуудад энэ оны 4 дүгээр сарын 15-ны дотор нислэг хийж эхлэхээр төлөвлөж байна. “АэроМонголиа” компани жижиг онгоцуудаа Ховдод байршуулна. Улаанбаатараас том онгоцоор Ховдод очсон зорчигчид жижиг онгоцоор Баян-Өлгий, Завхан хүрнэ. Говь-Алтай, Завханыг тусад нь зохион байгуулж болно. Хамтарч ажиллаж, шинэ үйлчилгээ нэвтрүүлснээр тийзний үнэ өнөөдрийн мөрдөж байгаагаас 40 хувиар буурах боломжтой гэж тооцоолсон. Мөн ОХУ, БНХАУ-ын хил орчмын бүс, хотуудаас зорчигч татах, Улаанбаатараар дамжуулаад дотоодын нислэгт холбох боломжийг судалж байна гэж МИАТ компанийн захирал Т.Тамир хэллээ.

Зохион байгуулалт, эдийн засгийн тооцооллуудаа зөв хийж, том, жижиг онгоцны хослол, төр хувийн хэвшлийн түншлэлээр ажиллах нь хэрэглэгчдийн эрх ашигт төдийгүй Засгийн газрын зорилтод нийцнэ. Мөн компаниуд харилцан ашигтай ажиллаж, хэрэглэгчдийн цаг завыг ч хэмнэнэ. Дотооддоо том онгоц нисгэх нь нисэх хүчин, агаарын тээврийн салбарт шинэ хуудас нээхүйц үйл явдал болно.

Иргэний нисэхийн ерөнхий газар, МИАТ болон хувийн компаниуд хамтран дээрх шинэ зарчмын дагуу ажиллаж, дотоодын нислэгийг энэ оны дөрөвдүгээр 15-наас хэрэгжүүлж эхлэх, шаардлагатай асуудал гарвал Засгийн газрын хуралдаанд танилцуулан шийдвэрлүүлэхийг Ерөнхий сайд Ч.Сайханбилэг үүрэг болголоо.

ЭХ СУРВАЛЖ: ЗАСГИЙН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-02-24 59.153.115.223

ЗӨВ ШҮҮ

Зочин 2016-02-24 150.129.140.34

ХӨВСГӨЛ РҮҮ 10 САРААС ДАРАА ОНЫ 6 САР ХҮРТЭЛ НИСЛЭГ ХИЙХГҮЙ БАЙГААГААС ӨВЧТЭЙ ЗОВЛОНТОЙ, ХӨГШИН ХӨВӨӨ, БАГА БАЛЧИР ХҮҮХЭД БАГАЧУУД ГЭЭД ОЛОН ХҮН ХОХИРЧ БАЙГААГ АНХААРАЛДАА АВААЧЭЭ. ЭДГЭЭР ХҮМҮҮС АВТОБУСААР ОЛОН ЦАГ УРТ ЗАМ ТУУЛАХ НЭН ХҮНДРЭЛТЭЙ БАЙНА. ТЭГЭЭД Ч 45 ХҮН ТЭЭВЭРЛЭДЭГ ХУУЧИН АВТОБУСНУУД ТОХЬ ТУХ МУУТАЙ, АЧАА БАРААГАА БАГТААХГҮЙ СУУДЛЫН ХООРОНД ЧИХЧИХЭЭД СУУХАД Ч ТӨВӨГТЭЙ, ГАРЧ ОРОХ БОЛОМЖГҮЙ ХЭЦҮҮХЭН АМЬТАД МАХ ШИГ АЧИГДААД, ӨВЛИЙН ЗУЗААН ХУВЦАСТАЙ ХҮМҮҮС СУУДЛЫН ДОРООС ТӨӨНӨХ ПААРАНД ШАРАГДААД АМЬ НААНА ТАМ ЦААНА ЯВЖ БАЙДАГ ЮМ ШҮҮ ДЭЭ. ЕР НЬ ХУУЧИН АВТОБУСУУДЫГ СОЛИХ ХЭРЭГТЭЙ.

Зочин 2016-02-24 122.201.24.156

Ховдоор дамжаад Өлгий ороход хэдэн цаг зарцуулах вэ? Ховдод хэдэни цаг онгоц хүлээх вэ? Нөгөө ганц онгоц нь Алтай, Улаангом очоод ирсэний дараа Өлгий руу ниснэ гэвэл маргааш нь нисч магад. Тэгэхээр нь????

Зочин 2016-02-24 119.40.98.77

Шал тэнэг санаа дэмжихгүй байна ховдыг томруулж байвал бусад хамаагүй гэж үү Тэнэг сайдаа

Зочин 2016-02-24 103.229.122.84

Сонгууль ойртохоор олон олон уран сайхны тоглолт унэгуй узэх нь

irgen 2016-02-24 202.21.117.210

Harin yavah huneer achaa ***** uuruul gedeg baihaa.

irgen 2016-02-24 202.21.117.210

Ene harin zov sanal baina gej bodoj baina. Bid huuchin ch ter har horin geed hedhen baishintai jijighen gatsaag toirood emh zambraagui heden nuudelchin baisan bol odoo ulaanbaatriig toirch harin aimguud nertee heden gatsaag toiron ergeldej setgelgee maani ch enehen hureeneesee halihaa baila shu de. Getel ene harin bolj baigaan bish u ? Hovd dornod hoyriig ulaanbaatriin dainii bolgoj baij harin baruun aimguudiig tovoos zugatah uzleer bus harinch ded tovlorson toirguud uusgeh zamaar huchee hiviarlah heregtei.

irgen 2016-02-24 202.70.41.18

demjij bna dotoodiin nislegiig saijruulah tsag bolson. deer hunnu airaar nissen unendee tamaa tsaisan

зочин 2016-02-24 202.179.6.34

ЗГ өөр хийх ажилгүй болсон юм уу хайран цаг

kkkk 2016-02-24 202.179.28.173

ogt khiikhgui mundag darga bolokh gej suusnaas khiij aldaj kharaalguulj baij khogjuulne shuu saidaa ardiin namiin ulaan demjigsed mod khelgui bolokh ni damjiggui gej lam khelsendee kkk

Зочин 2016-02-24 150.129.140.136

Зо зо, ачаагаа чирээд л хоёр рейс хиймээргүй л байна шүү ЕС-аа

Иргэн 2016-02-24 27.123.214.118

Үлгэр ярихаа больж бодитой ажил хийгээ ч... Энэ яриа чинь өөрөө галзуу хүний яриа шиг юм болжээ. ГА, Завханд эхлээд зориудаар гацаасан зурвасуудаа барьчих. Ядахдаа тэгээд донгосолд..

зочин 2016-02-24 112.72.12.7

Нийслэл гэлтгүй хэлэхэд УБ-Эрдэнэтийн шууд зам тавиачээ Дарханаар тойрч цаг алдаж хөрөнгө мөнгө хий гарздаж байдгийг өөрчлөх хэрэгтэй шүү дээ Ингэвэл Жуулчид хамгийн их явдаг Хөвсгөл гэхэд л илүү ойр дөт болно биз дээ Илүү ачаалалтай газраа замаа тавих тал дээр анхаарах нь уг нь ухаантай хүний хийх зүйл дээ

зочин 2016-02-24 112.72.12.7

өчнөөн өндөр үнээр авсан том онгоцоо орон нутагт явуулж алийг нь алдуулах хайран болгох хэрэггүй л болов уу даа хөдөөд гүйлтийн зам чанаргүй богино хяналтын тоног төхөөрөмж ажилтнууд нь шаардлага хангахгүй гээд асуудал зөндөө байна оо Бээжинд гэхэд л манай онгоцууд ямар хатуу газарддаг билээ дээ сэтгэл гонсойж иргэдийн татварын мөнгө хайран санагддаг шүү үнэндээ гэхэд