Улаанбаатар кино наадмыг ах, дүү хоёр тэргүүлэв | News.MN

Улаанбаатар кино наадмыг ах, дүү хоёр тэргүүлэв

Улаанбаатар кино наадмыг ах, дүү хоёр тэргүүлэв

Улаанбаатар кино наадмыг ах, дүү хоёр тэргүүлэв

Улаанбаатар олон улсын XII кино наадам аравдугаар сарын 19-нд “Тэнгис” кино театрын дэлгэцнээ “Хэвтрийн хүн” киногоор нээлтээ хийсэн. Наадмын хөтөлбөрийн дагуу өчигдөр /2020.10.21/ Монгол кино уран бүтээлчдийн “Хангарьд” шагналын эздийг тодрууллаа. Монгол киноны уралдаант хэсэгт “Хөхөө” уран сайхны киноны найруулагч Ж.Жамьянсүрэн “Шилдэг найруулагч”-ийн шагналыг хүртжээ. Харин түүний ах Ж.Сэнгэдорж найруулагчийн найруулсан “Гэргий” кино “Шилдэг зохиол”-оор шалгарсан бол Б.Отгонзоригийн “Эмэгтэй” уран сайхны кино “Шилдэг продюсер”-ийн шагналын эзэн болсон байна.

Энэ жилийн наадамд “Хангарьд” шагналын төлөө дөрвөн номинацид өрсөлдсөн гэдгийг зохион байгуулагчдын зүгээс мэдээлсэн. Монгол киноны уралдаант хэсэгт Ж.Сэнгэдоржийн “Гэргий”, Г.Даваазулын “Хэлгүй жим”, О.Бат-Өлзийгийн “Буруу өрөг”, Б.Эрдэнэцэцэгийн “Ээж хадны домог”, Т.Анарын “Сүүн замын сахиул” бүтээлүүд өрсөлдсөнөөс найруулагч Ж.Сэнгэдоржийн “Гэргий”, найруулагч Ж.Жамьянсүрэнгийн “Хөхөө”, найруулагч Б.Отгонзоригийн “Эмэгтэй” уран сайхны кино шалгарчээ.

Сонирхуулж хэлэхэд, "Хөхөө" уран сайхны киноны гол дүрд, "Woman" киноны туслах дүрд тоглосон Гавьяат жүжигчин Т.Борхүү тогложээ. Мөн шилдэг бүтээлээр шалгарсан "Хөхөө", "Гэргий" киноны гол дүрд жүжигчин Ц.Цэрэнболд тоглосон байна.

Дэлхийн нэр хүндтэй наадмуудад шалгарсан кино бүтээлийг Монголын үзэгчдэд хүргэх зорилготой 12 дахь удаагийн “Улаанбаатар” олон улсын кино наадам-2020 оны аравдугаар сарын 19- 25-ны өдрүүдэд Улаанбаатар хотноо зохион байгуулж буй. Энэ жилийн кино наадамд 2019-2020 онд бүтээгдсэн Монгол, Франц, Герман, Иран, Швейцар, Итали, Австрали, Хятад, Тайвань, Япон, Бразил улсын 19 бүрэн хэмжээний уран сайхны киног толилуулахаас гадна кино уран бүтээлчдийн чадавхийг дээшлүүлэх зорилготой “Ирж яваа цаг” кино форум, “Авдраа уудал” найруулагчийн ур чадварын сургалтыг зохион байгуулна.

А.СҮРЭН

 

 

Энэ мэдээнд өгөх таны сэтгэгдэл?
9
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ХЭХЭ 2020-10-22 192.82.71.121

хогийн кино хийдэг новшнууд үзчих юм нэгч байхгүй шүү

Avatar

Нэр 2020-10-22 202.55.188.81

*Жамъянсүрэг АХ нь шүүдээ. http://Www.News.mn нь ингэхээр бусад нь яалтай ч билээдээ.

Avatar

Сүрэн минь дээ 2020-10-22 202.126.89.189

Гэргий киноны гол дүрд эмэгтэй хүн тоглодоггүй юм уу Сүрээн кк

Avatar

Кк 2020-10-22 202.126.89.189

Гэргий киноны гол дүрд яаж ч бодсон эмэгтэй хүн баймаар юмаа кк. Юу бичиж бгаагаа мэдэж бн уу Сүрээн

Avatar

Зочин 2020-10-22 122.201.24.84

гол дүрүүдын нэг нь байх л даа

Avatar

dislike anduuraad darchihlaa 2020-10-22 202.126.89.62

dislike anduuraad darchihlaa

NewsMN Гар утасны хувилбар Татах
NEWS.mn

Мэдээллийн эх сурвалж