Хакерууд хулгайлсан мөнгөө сайн үйлст хандивлажээ | News.MN

Хакерууд хулгайлсан мөнгөө сайн үйлст хандивлажээ

Хакерууд хулгайлсан мөнгөө сайн үйлст хандивлажээ

Хакерууд хулгайлсан мөнгөө сайн үйлст хандивлажээ

Хэсэг бүлэг хакерууд нийлэн томоохон компаниудаас мөнгө хулгайлж, сайн үйлст хандивлажээ. Өөрсдийгөө “The Darkside” гэж нэрлэсэн бүлэг хакерчид “Дэлхийг илүү сайхан газар болгохын тулд” гэсэн уриан дор darkweb дээр 20 мянган ам.долларыг сайн үйлсийн аянд хандивласан банкны хуулгаа ил болгосон аж. Тэд олон улсын хүүхдийн байгууллага болон усны нөөцийг нэмэгдүүлэх төсөлд биткойн ашиглаж хандив өргөжээ.

Хакерууд зөвхөн ашигтай ажилладаг томоохон компаниудыг л онилж, мөнгө олдог аж.

Тэдний бичиж үлдээснээр “Ашигтай ажиллаж байгаа томоохон компаниудаас бага зэрэг мөнгө авч сайн үйлст хандивлаж байгаа нь зөв үйлдэл гэж бид бодож байна. Та нарын юу гэж бодох нь хамаагүй ээ. Бид хэн нэгний амьдралыг өөрчилж байгаадаа баяртай байна. Өнөөдөр бид анхны хандиваа илгээлээ” хэмээжээ.

Харамсалтай нь, тэдний сайн санааны үндсэн дээр хандивласан мөнгийг олон улсын хүүхдийн байгууллага хүлээн авахгүй гэдгээ мэдэгджээ. Тус байгууллагын зүгээс “Хэрэв энэ мөнгө хакеруудтай холбоотой бол бидэнд энэ мөнгийг хүлээн авах, эсвэл зарцуулах бодол алга” гэсэн аж.

"The Darkside" бүлэг хакеруудын хувьд анх удаа мөнгө хулгайлж, үүнийгээ сайн үйлст хандивласан хакеруудын бүлгэм болсон аж.

BBC News телевизэд нэгэн кибер аюулгүй байдлын мэргэжилтэн ярихдаа “Гэмт хэрэгтнүүд сайн үйлст хандив өргөснөөр юуг өөрчилнө гэж бодож байгаа юм бол? Тэдний буруу үйлдлийг зөвтгөнө гэж бодсон юм болов уу, эсвэл Робин Гуд шиг баатар болохыг хүссэн юм уу? Юутай ч тэд үнэхээр ер бусын үйлдэл хийлээ. Би лав өмнө нь хакерууд сайн үйлст хандив өргөсөн гэж дуулаагүй” хэмээжээ. Мөн тэрбээр хууль хяналтын байгууллагууд криптовалютын гүйлгээг мөрдөж, дахин их хэмжээний мөнгийг энэ замаар зүгээр эргэлдүүлэхгүй байх тал дээр анхаараасай гэжээ. Энэ бол мөнгө угаах маш том санхүүгийн гэмт хэрэг гэдгийг тэрбээр онцолсон аж.

Ямартай ч одоог хүртэл The Darkside бүлэг хакеруудын хийсэн үйлдэл олон нийтийг хоёр талцуулаад байна. Мөн тус бүлгэмийн ашигласан The Giving Page хэмээх хандив цуглуулдаг сайтыг биткойны хэрэглээг нэмэгдүүлж байна гэж олон нийт дургүйцжээ.

Энэ мэдээнд өгөх таны сэтгэгдэл?
10
ЗөвЗөв
3
ГайхмаарГайхмаар
3
ТэнэглэлТэнэглэл
1
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-21 202.21.107.123

Нүглээ цайруулах оролдлого юм уу даа. Ёс зүй хөгжсөн Япон зэрэг оронд якудза нарынхаа хандивыг эсэргүүцдэг. Монголд бол хулгайч нартаа хайртай л байдаг даа.

Avatar

Зочин 2020-10-21 103.212.116.68

Сайн үйлсийг сайн арга замаар хийвэл л жинхэнэ сайн үйлс болно… Муу арга замаар "сайн үйл" хийдэг хүмүүс чинь л одоо цагын төр засгийн болон бусад эрх мэдэл дээр залрагсад шүү дээ. Амьхандаа, муу хэн нэгнийг унагаж өөрөө "сайн" учраас оронд нь сууж бодож төлөвлөж явдаг "сайн" зүйлээ л гүйцэлдүүлэх зорилготойгоор сонгуулийн санал болон бусад зүйлсийг хулгайлж, шударга ёсыг самардаг юм. Тэгээд тэд "сайн"-аа хэрэгжүүлж манийгаа жаргааж байна уу? Сайн сайхан мандан бадарч байна уу?

Avatar

Зочин 2020-10-21 66.181.161.124

хүүхдийн байгууллага маш зөв шийджээ. хүлээн авах нь асар их доромжлол. хулгай хийснийгээ юу гэж бодоо вэ сэхцэн юмнууд.

Avatar

иргэн 2020-10-21 202.179.26.35

Үүнийг Дэмжигч нар нь Ядуу, доогуур амьдралтай хэсгийнхэн Эсэргүүцэгчид нь Баячуул болон Олигархууд байгаа шүү дээ,

Avatar

Тоорой банди 2020-10-21 192.42.116.19

Одоо цагийн шилийн эрс байна даа.

Avatar

Зочин 2020-10-21 192.82.77.194

Тэнэглэл, үүнийг дэмжвэл бүүр их тэнэглэл

Avatar

Зочин 2020-10-21 66.181.166.134

cool ymbe

NewsMN Гар утасны хувилбар Татах
NEWS.mn

Мэдээллийн эх сурвалж