Энэтхэгийн арми хятад цэрэг олзолсон гэнэ | News.MN

Энэтхэгийн арми хятад цэрэг олзолсон гэнэ

Энэтхэгийн арми хятад цэрэг олзолсон гэнэ

Энэтхэгийн арми хятад цэрэг олзолсон гэнэ

Энэтхэгийн арми өчигдөр/2020.10.19/ хилийн маргаантай Ладах мужийн нутгаас нэгэн хятад цэрэг олзолсон талаараа мэдээлжээ. Сүүлийн үед хоёр улс аль аль нь өөрсдийн гэж маргадаг тус нутагт хэд хэдэн удаа мөргөлдөж, хоёр талын арми бэлэн байдалтай байгаа билээ.

Олзлогдсон цэрэг нь БНХАУ-ын Ардын чөлөөлөх армийн түрүүч Ван Я Лун гэх бөгөөд Энэтхэгийн эзэмшлийн Демчок гэх газарт зөвшөөрөлгүй нэвтрээд баригдсан, удахгүй суллана хэмээн Энэтхэгийн арми мэдээлсэн байна.

Энэтхэгийн мэдэгдсэнээр олзлогдсон хятад цэрэг одоохондоо албан ёсоор хоёр улсын эзэмшлийг зааглаж буй бүсийг нэвтрэн “тэнэж” явсан гэнэ. Мөн тогтсон протоколын дагуу түүнээс албан ёсоор байцаалт авч дууссаны дараа Хятадад буцаан хүлээлгэж өгөх аж. Харин БНХАУ-ын зүгээс болсон явдлын талаар мэдээлэл өгөөгүй байна.

Азийн хоёр том орны заагт байдаг тус өндөрлөг нутгийн зэвсэггүй бүсэд тавдугаар сард хоёр улсын цэргүүд гардан тулаанд орж, цохиур, мод, чулуу, нударгаар байлдаж эхэлснээс хойш хэд хэдэн төстэй мөргөлдөөн гарч, зургадугаар сарын 15-нд Энэтхэгийн талаас 20 цэрэг, албан бус мэдээллээр Хятадын тал 40 орчим цэргээ алдсан билээ. Олон хүний амь үрэгдсэн тус мөргөлдөөний дараа БНХАУ Энэтхэгийн дөрвөн офицер тэргүүтэй 10 цэргийг баривчилж, гурван өдрийн дараа нутаг буцаасан юм.

Энэтхэгийн армийн мэдээлснээр Хятадын тал алга болсон цэрэг нь хаанаас олдсон зэрэг зүйлсийг лавласан гэнэ. Түүнээс гадна Энэтхэгийн тал эрс тэс уур амьсгалтай, өндөрлөг газраас болж бие нь муудсан хятад түрүүчид шаардлагатай байсан хүчилтөрөгч, хүнс, дулаан хувцас зэрэг анхан шатны тусламж үзүүлсэн аж.

Хоёр тал болзошгүй мөргөлдөөн бэлдэн хэдэн арван мянган цэрэг, их буу, танк, сөнөөгч онгоцуудаа өвөл -50 орчим хэм хүртэл хүйтэрдэг тус газарт бэлэн байлгаж буй юм.

Эх сурвалж: ASSOCIATED PRESS

Энэ мэдээнд өгөх таны сэтгэгдэл?
17
ЗөвЗөв
8
ХахаХаха
5
ГайхмаарГайхмаар
5
ХарамсалтайХарамсалтай
4
ХөөрхөнХөөрхөн
2
ТэнэглэлТэнэглэл
1
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

dain 2020-10-20 202.9.46.183

hyatadig delhii niiteree darj avah tsag bolson dain hiivel ochnoo

Avatar

Jrgen 2020-10-20 202.126.89.187

Manaid zoolon hvchnii bodlogo yvuulaad bga ym bna daa erliizjvvleh, dasgah uusgah ternees manai gazar geed orood irne urdaas ovor mongoloos hel soeld ni haldaad ehelsen dee

Avatar

Зочин 2020-10-20 150.129.142.241

Хэн хүчтэй том балиустай нь л газар нутгийг өөрийн болгодог нь манай дэлхийн аксиом! Урд ийм л байсан хойшид ч ийм л байна!

Avatar

Зочин 2020-10-20 183.177.98.42

Тийм учраас л Хойд Солонос цөмийн зэвсэгтэй болсон

Avatar

Зочин 2020-10-20 192.82.78.153

Түрүүч байгалын сайханд аялаж явсан уу, эсвэл анги байрлал аа орхиод оргож явсан уу… бүр эсвэл бие засах гэж гараад их манан буданд /манан будан ихтэй газар юм билээ/ төөрч орхисон байх.

Avatar

Зочин 2020-10-20 66.181.180.176

ЭНЭ НУТАГТ ХЯТАДУУД БАЙГААГҮЙ. ТӨВДҮҮД ЭНЭТХЭГЧҮҮД Л БАЙСАН. ТӨВДИЙН ГАЗАР НУТГЫГ ХЯТАДУУД БУЛААЖ АВСАН. МАНАЙ ГАЗАР ГЭХ ЭРХ ЭНЭТХЭГЧҮҮДЭД ИЛҮҮ БАЙХ НЬ ЗӨВ ЮМ.

Avatar

хэхэ 2020-10-20 203.217.139.243

Хятадын нутаг биш гэдэг нь тодорхой байгаа биз

Avatar

/*-*/ 2020-10-20 49.0.212.165

Зүйтэй

NewsMN Гар утасны хувилбар Татах
NEWS.mn

Мэдээллийн эх сурвалж