Санхүүжилтгүй тул ихэнх банк 6%-ийн зээл олгож эхлээгүй байна | News.MN

Санхүүжилтгүй тул ихэнх банк 6%-ийн зээл олгож эхлээгүй байна

Санхүүжилтгүй тул ихэнх банк 6%-ийн зээл олгож эхлээгүй байна

Санхүүжилтгүй тул ихэнх банк 6%-ийн зээл олгож эхлээгүй байна

УИХ-ын чуулганы өнгөрсөн Баасан гариг /2020.10.16/-ийн хуралдаанд Барилга хот байгуулалтын сайд Б.Мөнхбаатар “Аравдугаар сарын 16-наас арилжааны банкуудаар дамжуулан ипотекийн зургаан хувийн зээл олгож эхэлсэн" хэмээн мэдэгдсэн. Өмнө нь 1.5 сая төгрөгийн цалинтай хүнд ипотекийн найман хувийн зээлд хамрагдах эрх үүсдэг байсан бол хүүг хоёр хувиар бууруулснаар өрхийн орлого нь нэг сая төгрөг байхад зээл авах нөхцөл бүрдсэн нь зорилтот бүлгийнхнийг ипотекийн зээлд хамруулах боломж руу ойртож байгаа гэж тодотгосон. 

Мөн өчигдрийн байдлаар 38 хүнд 2.5 тэрбум төгрөгийн зээлийг зургаан хувийн хүүтэй олгосныг онцолсон юм. Ипотекийн зургаан хувийн зээлийг банкууд олгож байгаа эсэхийг тодруулахаар банкуудын эдийн засагчидтай холбогдоход "Санхүүжилтгүй тул ипотекийн зургаан хувийн зээл олгоогүй байна" гэлээ. Мэдээллийг хүргэе. 

ХУДАЛДАА ХӨГЖЛИЙН БАНК:

-Санхүүжилт орж ирээгүй байгаа учраас зээл олгогдож эхлээгүй. Өнөөдрийн байдлаар иргэдийн материалыг хүлээн авч байна. Ипотекийн зургаан хувийн зээлийг  олгож эхэлсэн нөхцөлд өмнө нь материалаа бүрдүүлж өгсөн, судалгаа  нь хийгдсэн иргэдэд олгоно.

ГОЛОМТ БАНК:

-Өнөөдрийн байдлаар санхүүжилт орж ирээгүй байна. Тиймээс иргэдийн материалыг хүлээн авахгүй байгаа. Санхүүжилт арваннэгдүгээр сарын эхээр орж ирэх байх. Ипотекийн зургаан хувийн зээл олгох журам бол батлагдсан. Тухайлбал, зээлдэгч нь хөнгөлттэй хүүтэй орон сууцны ипотекийн зээлийн хөтөлбөр болон түрээслээд өмчлөх орон сууцны хөтөлбөрт хамрагдаагүй байх, хугацаа хэтэрсэн зээлгүй байх, тухайн байгууллагадаа нэг жил ажилласан байх шаардлагатай. Мөн байр авах 30 хувийн урьдчилгаагаа хэрхэн бүрдүүлсэн нь маш тодорхой байх ёстой. Зээлдэгчийн орлого нь хүрэхгүй байгаа тохиолдолд хамтран зээлдэгч эсхүл батлан даагч авч болно. Хэрэв зээлдэгчийн  цалин хангалттай өндөр, ипотекийн зургаан хувийн зээлийн шаардлагыг биелүүлэхээр бол хамтран зээлдэгч шаардахгүй.

ХАС БАНК:

-Эхний ээлжинд манай банкаар дамжуулан цалингаа авдаг харилцагч байгууллагуудын иргэдэд ипотекийн зээл өгч эхэлсэн. Хэрэв шинээр манай харилцагч болж байгаа тохиолдолд ипотекийн зургаан хувийн зээл олгохгүй. Эхний ээлжид харилцагч байгууллагуудын хүмүүстээ зургаан хувийн зээл олгох бодлого баримталж байна.

ТӨРИЙН БАНК:

– Ипотекийн зургаан хувийн зээл олгож эхлэх талаар Монголбанкны шийдвэр ирээгүй байна.

МОНГОЛБАНК 50 ТЭРБУМ ТӨГРӨГИЙН САНХҮҮЖИЛТ ГАРГАСАН

Санхүүжилт шилжиж ирээгүйгээс ХАС банкнаас бусад нь зургаан хувийн хүүтэй ипотекийн зээлийг олгож эхлээгүй байгаа гэх мэдээллийг өгсөн тул Монголбанктай холбогдсон юм. Тус банкнаас “Монголбанкнаас холбогдох шийдвэрүүд нь гараад, арилжааны банкуудад хүргүүлчихсэн. Санхүүжилтийн эх үүсвэрийг  нь ч шийдэж өгсөн. Арилжааны банкууд 40 тэрбум, Монголбанк 50 тэрбум төгрөгийн санхүүжилт гаргасан. Одоо Төв банкнаас хамаарах зүйл байхгүй. Монголбанкны Ерөнхийлөгчийн тушаалаар баталсан ипотекийн зээлийн журамд өөрчлөлт орж байгаа. Гэхдээ хоёрхон заалтад өөрчлөлт орсон. Тодруулбал, хуучин журамд ипотекийн зээлийн хүү найман хувь байна гэж заасан байсан. Одоо зургаан  хувь болж өөрчлөгдсөн. Түүнээс гадна, амины орон сууцанд олгодог ипотекийн зээлийг Улаанбаатар хотын иргэдэд өгдөг болж байгаа юм. Өмнө нь зөвхөн аймаг, сумын түвшинд л олгодог байсан. Ийм л үндсэн хоёр өөрчлөлт орж байна. Журмын бусад заалт хэвээрээ байгаа, өөрчлөгдөөгүй” гэсэн хариуг өглөө.

Бодит байдалд төр засгийн шийдвэр хэрэгжих ёстой газраа буюу банкуудад ийм л байдалтай байна. 

Э.БУРАМ

Энэ мэдээнд өгөх таны сэтгэгдэл?
5
ТэнэглэлТэнэглэл
2
ХахаХаха
1
ЗөвЗөв
1
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-20 202.55.188.83

Zugeer songuuliin show l baisan, hooson amlalt

Avatar

Монгол хүү 2020-10-20 202.9.46.165

Өмнө нь 8%-ийн ипотекийн зээл авсан хүмүүсийн зээлийг адилхан 6% болгоочээ. Бор зүрхээрээ төлөөд л явж байна. Төр ингэж ард түмнээ ялгаварлан гадуурхаж болохгүй. Үндсэн хуулиа зөрчиж байна.

Avatar

Тодруулаад өгөөч 2020-10-20 139.5.217.190

Өмнө нь 8% аваад тэрийгээ төлөөд дууссан бол дахиад 6%-д хамрагдаж болох эсэхийг албан ёсоор тодруулж өгөөч. Сайд нь болно гээд хэлсэн, журам нь болохгүй гээд эдийн засагч нар нь өөр өөр мэдээлэлтэй, сайн мэдэхгүй байна.

Avatar

Зочин 2020-10-20 202.9.46.36

төсвийн мөнгөөр тоглосон дарга нараасаа мөнгөө буцааж ав.Хариуфцлага тооц.Барилгаа барьчихаад зарахгүй хэвтээд зээлээ төлдөггүй тэр нөхдөөс мөнгө ав.Хугацаа хэтэрсэн зээл гэж хэзээч байх ёсгүй.

Avatar

z 2020-10-20 202.9.46.250

baahan shawaruuudaaa zarj awhandee teriiin yaj tolnooo

Avatar

Зочин 2020-10-20 49.0.135.130

Байрны үнэ огцом өссөн бна. 100 сая төгрөгөөр ганц өрөө байр авах юм уу үгүй муу болжээ.

Avatar

Зочин 2020-10-20 103.14.37.6

Өмнө 8 хувь авсан хүмүүсийнхээ зээлийг 6 хувь болгох асуудлыг шийдээч ээ ингэж ялгаварлах ямар хэрэг байна

Avatar

/*-*/ 2020-10-20 49.0.212.165

Ха ха ха, наадах чинь шоу байсан юм. Сүнгуулийн үеийн үзүүлэх сургуулилалт

Avatar

ХН 2020-10-20 202.179.26.197

ҮҮНИЙГ ШИЛНИЙ ЦААНААС ЧИХЭР ДОЛООЛГОХ ГЭНЭ…..

Avatar

Зочин 2020-10-20 66.181.180.176

УЛС МӨНГӨГҮЙ БАЙЖ 6% БОЛГОЧИХСОН. ОЧООД ЗЭЭЛЭЭ АВЪЯ ГЭХЭЭР БАНК НЬ МӨНГӨ БАЙХГҮЙ. ЮУ ГЭЖ ОЙЛГОХ ВЭ. ГАЖ ГАЖИГ ҮЗЭГДЭЛ МӨН БИЗ. ЭДИЙН ЗАСГИЙН АЛУУРЧИД ТӨРД ИХ БАЙНА. ХҮЧЭЭР БАНКУУДЫГ ЗЭЭЛ ӨГВӨЛ ХЭДЭН БАНК ДАМПУУРАХ БОЛ

Avatar

zochin 2020-10-20 122.201.23.84

Эхлээгүй байхад Мөнхбаатар сайдын ярьснаар 38 иргэнд 2,5 тэрбум төгрөгний 6 хувийн зээл өгсөн гээ биз дээ. Сайд хүн ийм алдаатай зүйл яримааргүй юмаа

Avatar

ОНОМ 2020-10-20 119.40.98.106

Иймэрхүү юм оргүй биш ортой биш байдаг юмдаа. Цаагуураа нэг юм болсон гэсэн дохио. Гэхдээ манайхан тэгсгээд орхичихдог. Бүр нэг том асуудал үүссэний дараа, нэг УИХ гишүүн ярьж байж л анхаардаг улс байгаам. Төрийн байгууллагууд газраа зарж эхэлсэн нь бүр сүүлийн 15 жилийн үзэгдэл. Өнөөдөр 100 га газар зарчихсаны дараа нэг УИХ гишүүн ярихаар ёстой зөв асуудал хөндлөө гэдэг. Асуудал энэ ард түмэн чадваргүй дээ байгаа юмаа.

Avatar

asd 2020-10-20 202.55.191.130

Тэр 38 с** тэгээд хаанаас тэр зээлийг олоод авчихдаг юм?

Avatar

Зочин 2020-10-20 202.9.40.136

ТӨРИЙН САЙД МӨНХБААТАР “ТҮРГЭН АМЛАЖЭЭ” БУШУУ ТУУЛАЙ БОРВИНДОО ….. ГЭЖ

NewsMN Гар утасны хувилбар Татах
NEWS.mn

Мэдээллийн эх сурвалж