Хүүхдийн түргэн тусламжийн үйлчилгээг 24 цаг болгов | News.MN - Мэдээллийн эх сурвалж

Хүүхдийн түргэн тусламжийн үйлчилгээг 24 цаг болгов

Хуучирсан мэдээ: 2016.02.23-нд нийтлэгдсэн

Хүүхдийн түргэн тусламжийн үйлчилгээг 24 цаг болгов

Он гарсаар улсын хэмжээнд томуу, томуу төст өвчний гаралт буурахгүй байна. Нийслэлийн эмнэлгүүдийн орны ачаалал хэвийн хэмжээнд байсан бол өнгөрсөн долоо хоногоос ачаалал нэмэгдэж 60 хувиар хэтрээд байгаа аж. Шинээр хэвтсэн өвчтөний 515 буюу  57.5 хувь нь томуу, томуу төст өвчтэй байгаагийн 98.3 хувийг бага насны хүүхдүүд, хүнд өвчтэй хүмүүсийн 64 буюу 60.4 хувийг амьсгалын замын өвчтэй хүмүүс эзэлж байна.

Хүүхдийн эмнэлэгт хэвтэлтийн тоо  60 хувиар илүү байгаа ч  Эрүүл мэндийн сайдын 2014 оны 285 дугаар тушаалын дагуу Нийслэлийн Эрүүл мэндийн газраас том хүний орыг хүүхдийн оронд шилжүүлэн орны ачааллыг зохицуулж байгаа аж.

Томуу, томуу төст өвчний гаралт нэмэгдэж буйтай холбогдуулж Эрүүл мэнд, спортын яамны Төрийн нарийн бичгийн дарга С.Ламбаа холбогдох мэргэжлийн байгууллагынхантай уулзаж үүрэг чиглэл өглөө. Тухайлбал, нийслэлийн өрхийн эрүүл мэндийн төвүүдийг 20 цаг хүртэл уртасгасан цагаар ажиллуулах, Хүүхдийн түргэн тусламжийн үйлчилгээг 24 цаг болгожээ. Мөн Хан-Уул, Баянзүрх дүүргийн эмнэлгүүдэд илүү их ачаалалтай байгааг харгалзан тухайн эмнэлгүүдийн том хүний бүх орыг хүүхдийн ор шилжүүлэн ажиллуулахаар шийдвэрлээд байгаа аж.

Н.Болд

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

зочин 2016-02-23 112.72.12.7

Хотод энэ өвөл өмнөх жилүүдээс хамаагүй их утаатай байлаа Утааных нь үнэр ч аймаар өмхий болсныг хүмүүс гайхаад учрыг нь олохгүй байна Халаалт нийтдээ тааруу л өвөлжлөө Байрууд нэг тийм бүлбэгэр л өвөлжлөө дөө Яана даа Энэ ханиад нь урьдынхаасаа илүү халууруулдаг биеийг маш сулруулж доройтуулдаг гээд Нэрмээс их байна оо