Хувь хүний орлогын албан татварыг энэ сараас суутгаж, төсөвт төлнө | News.MN

Хувь хүний орлогын албан татварыг энэ сараас суутгаж, төсөвт төлнө

Хувь хүний орлогын албан татварыг энэ сараас суутгаж, төсөвт төлнө

Хувь хүний орлогын албан татварыг энэ сараас суутгаж, төсөвт төлнө

ТТҮГ-ын Татварын Улсын Байцаагч Ц.Ундармаа: Монгол Улсын Засгийн газраас цар тахлын үед эдийн засгийг хамгаалах, ажлын байрыг хадгалах чиглэлээр татварын хөнгөлөлт чөлөөлөлтийн хууль батлан хэрэгжүүлж байгаа. Энэ хуулийн хамрах хугацаа дууссан уу?

Албан татвараас хөнгөлөх, чөлөөлөх тухай 3 хууль батлагдсан.

1-рт. Хувь хүний орлогын албан татвараас чөлөөлөх тухай хууль дөрөвдүгээр сарын 01- өдрөөс аравдугаар сарын 1-ний өдрийг хүртэл хэрэгжсэн.  Иймд Хувь хүний орлогын албан татварыг аравдугаар сарын 1-ний өдрөөс ногдуулан суутгаж, төсөвт төлнө. /дууссан/

2-рт. Татварын торгууль, алдангиас чөлөөлөх тухай хууль хоёрдугаар сарын 01-ны өдрөөс есдүгээр сарын 01-ны өдрийг хүртэл хэрэгжсэн. /дууссан/

3-рт. Аж ахуйн нэгжийн орлогын албан татвараас хөнгөлөх, чөлөөлөх тухай хуульд нэмэлт өөрчлөлт орж, энэ оныг дуустал хэрэгжихээр хугацаа сунгагдсан. Энэхүү хуульд түрээсийн төлбөрөө бууруулсан хэмжээгээр аж ахуйн нэгжийн орлогын албан татварыг энэ оны хоёрдугаар сарын 01-ны өдрөөс 2021 оны нэгдүгээр сарын 1-ны өдрийг хүртэл хугацаанд хөнгөлөх, мөн өмнөх жилийн борлуулалтын орлого 1,5 тэрбум төгрөгөөс  доош байсан аж ахуйн нэгжийн орлогын албан татварыг 2020 оны дөрөвдүгээр сарын 01-ны өдрөөс 2021 оны нэгдүгээр сарын 01-ны өдрийг хүртэл хугацаанд  чөлөөлөхөөр заасан.

Энэ сараас цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлогод хувь хүний орлогын албан татвар суутгах уу? Хэрхэн тооцоолох вэ?

Хувь хүний орлогын албан татвараас чөлөөлөх тухай хуульд хугацааг сунгасан тухай нэмэлт өөрчлөлт ороогүй, шинээр хууль батлагдаагүй тул хувь хүний орлогын албан татварыг  аравдугаар дугаар сарын 01-ны өдрөөс эхлэн хуульд заасны дагуу 10%- иар ногдуулан суутгана.

ХХОАТ-ын тухай хуулийн 7-р зүйлд заасан цалин, хөдөлмөрийн хөлс, шагнал, урамшуулал болон тэдгээртэй адилтгах хөдөлмөр эрхлэлтийн орлогоос НДШ, ЭМД-ын шимтгэлийг хасаж татвар ногдуулах орлогыг тодорхойлон 10%-иар ХХОАТ ногдуулна.  Гэхдээ аравдугаар сарын 1-ны өдрөөс эхлэн Нийгмийн даатгалын шимтгэлээс чөлөөлөх, ажилгүйдлийн даатгалын сангаас дэмжлэг үзүүлэх тухай хуульд орсон нэмэлт өөрчлөлтийн дагуу нийгмийн даатгалийн шимтгэлийг 5%-иар ногдуулахаар нэмэлт өөрчлөлт орсон.

Жишээ:  

Бодогдсон цалин 1 000 000 төгрөг, ХХОАТ-ын хуулийн 23.1-т заасан хөнгөлөлт 18 000 төгрөг  үед тооцов.

  • НДШ, ЭМД 7% = 70 000 төгрөг

Татвар ногдуулах орлого 930 000 төгрөг /1 000 000-70 000/

  • ХХОАТ = 93 000 төгрөг /930 000*10%/

Суутган төлөх ХХОАТ-ын дүн 75 000 төгрөг /93 000-18 000/

ТАТВАРЫН ЕРӨНХИЙ ГАЗАР

Энэ мэдээнд өгөх таны сэтгэгдэл?
2
ТэнэглэлТэнэглэл
1
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-10-17 43.242.243.117

Иргэд өөрийгөө хамгаалуулах, аюулгүй эрүүл орчинд амьдрах, үр хүүхдээ сурч боловсрох нөхцөлөөр хангуулах г.м. зорилгоор ТӨР гэдэг юманд татвар (хөлс) төлж, өөрийнхөө төлөө ажиллуулж байгаа юм. Гэтэл бидний хөлсөлсөн ТӨР маань гэрээгээр хүлээсэн үүргээ биелүүлэхгүй, татварын мөнгийг маань идэж уудаг (ЖДҮ), үр хүүхдийн маань боловсрол эрүүл мэндийг хангалттай хангаж чадахгүй байгаа нөхцөлд бид түүнд хөлс (татвар) төлөхөөс татгалзах эрхтэй байх ёстой биз дээ??!! Бидний өмнө хүлээсэн үүргээ биелүүлэ

Avatar

Иргэн 2020-10-17 43.242.243.117

Бидний өмнө хүлээсэн үүргээ биелүүлэхгүй байгаа атлаа мөнгө (татвар)-ийг маань хүчээр албадан хурааж аваад өөрсдийн тансаглалд болон элдэв зүй бус юманд зарцуулж байгаа ТӨР гээч юмыг бид яах ёстой вэ???

Avatar

Зочин 2020-10-17 64.119.23.244

ТАТВАР БУЙ ДОР ТӨР ОРШИНО ГЭДЭГ БИЗ ДЭЭ.ТАТВАРАА ТӨЛӨХ Л БОЛЖ ДЭЭ.

Avatar

Зочин 2020-10-17 66.181.179.61

Ман царай сонгуул дуусангуут сонгосон нөхдүүд

Avatar

Зочин 2020-10-17 202.126.90.59

Сонгуульд дууссан одоо чангална даа.хөөрхий

Avatar

1 2020-10-17 66.181.180.159

Танай ЕС чинь ирэх жилийн 6 сар хуртэл сунгана гэсэн дээ. УИХ-ын чуулган дээр

Avatar

Зочин 2020-10-17 202.55.188.43

songuuliin show gej medehuu?

NewsMN Гар утасны хувилбар Татах
NEWS.mn

Мэдээллийн эх сурвалж