Цахим ертөнцийн од, өрх толгойлсон бүсгүй Нара өнгөрсөн долоо хоногийн хамгийн тод од нь байлаа. Юун ипотекийн зээл, ирцгүй чуулган. УИХ-ын гишүүн болох хүсэлтээ цахим ертөнцөөр уламжилсан түүнийг дэмжигчид хийгээд басамжлагчид бусад асуудлыг умартатлаа хоёр тал болон хуваагдлаа. Зарим телевиз болон сонинууд түүнд эфирийн цаг, үнэтэй нүүр хуудсаа харамгүй зориулсан харагдана. Цахим ертөнцөд ч “Нэр дэвшигч Нараг дэмжигчид” гэсэн бүлэглэл үүсээд амжжээ. …”Англи, японоор ярьдаг аюулын царайлаг улстөрчтэй болчихвол сайхан юм биш үү” хэмээн цахим ертөнцийнхөн түүний араас уухай хашгирч байгаа бол зарим нь шүүмжлэлийн шүлсийг хайр найргүй үсчүүлж эхэлж.
Ямартай ч Баянгол дүүрэгт бие даан нэр дэвшинэ гэдгээ хариуцлагатайгаар мэдэгдсэн тэрбээр “Яагаад сайхан хүүхэн зориглоод нийгмийг өөрчилж болдоггүй юм. Яагаад сайхан хүүхнээс ухаан гарч болдоггүй юм. Яагаад сайхан хүүхнээс зүрх сэтгэл гарч болдоггүй юм” хэмээн өөрийгөө тодотгоод авлаа.
Гэхдээ нөгөө талд Баянгол дүүргийн акул, ахан дүү нь тус дүүргийн төрийн албанд үүрлэсэн, АН-ын ганц овгор С.Эрдэнэтэй өрсөлдөх зориг зүрхийг өрх толгойлсон бүсгүйд хэн өгөв өө! Тэрхүү зүрх зоригийг Хар, цагаан жагсаалт, Хулгайчгүй Монгол хэмээх уриагаар тугаа өргөж буй залуучуудын байгууллагын тэргүүн А.Мөнхбат бэлэглэсэн байхыг үгүйсгэх аргагүй. Тэрбээр MN 25 телевизийн “Дуусдаггүй яриа” нэвтрүүлэгт Нараг урьсан тэрбээр түүнд бие дааж нэр дэвших санал тавьснаас өнөөдрийн энэ дуулиан шуугиан эхтэй гэнэ. Угаас өрх толгойлсон эмэгтэйг АН-ын С.Эрдэнийг халз тулаанд дуудна гэдэг зөвхөн А.Мөнхбатаас л гарах санаа биз.
Нара гэх дуучин бүсгүй улстөрд хүч үзнэ гэсэн сургаар олон залуучууд урам орж, намд барьцаалагдсан, суудал худалдаж авдаг улстөрчдийн эрин дуусах цагийн эхлэл боллоо гэж хэлж болохоор байна. Олон нийт ч одоогийн улстөрчдөд итгэл алдарсан, шинэ хүч, шинэ зүйл хүсч буйгаа илэрхийлээд байгаа юм. Энэ нь бүр цахим ертөнцөд “шинэ давалгаа” бий болгожээ.
Товчхондоо Нара улс төрд үүр цайлгаж, нар мандуулах нь ээ.
С.Эрдэнийн хажууд Нара чн ямар ч нүгэлгүй бурханы бүрэлбаа байхгүй юудаа хөөе ‼️‼️‼️
Шууд дэмж pic.twitter.com/hCgpD1NSdh
— Шилэн Цогоо (@TsogtgerelB) February 21, 2016
Дуучин Нара манай Баянгол дүүрэгт бие дааж сонгуульд нэр дэвшихээ мэдэгдлээ. Дэмжицгээе! pic.twitter.com/te8sWFc519
— Mr. Citizen (@NinjbatL) February 21, 2016
Нара чинь Японд төгссөн Япон Англиар ус цас мундаг л бүсгүй бн шдэ!1ч хэлгүй Балавргүй дүүрэн нөхөд УИХд бн шдэ!1 шалдан зураг авхуулаал бз!
— Зулaa (@zulaaer) February 17, 2016
Анх нараг дэвшинэ гэхэд бүгд пүү пай гээд муулцгаасан одоо бүгд дэмжинэ гэх. Бид ч тэгээд трэндээ дагах юм даа
— Билгүүн (@Gumpaa) February 21, 2016
Та нар Нара-г дэвшихэд яагаад дургүй байгаан, хуулиар олгогдсон эрхээ эдлэх хэнийг ч элдвээр хэлэх ёсгүй шдээ. Сонгох эсэх нь л бидний хэрэг
— Гонгоржав ГАНБАТ (@g_ganbat) February 17, 2016
Нара дэвшиж байна гээд зориг ороод олон шинэ залуучууд нэрээ дэвшүүлээсэй.
— Аригуун (@ariguunb) February 22, 2016
Нара олон залуучуудад зориг өгч байгаа нь илт бна хамраа ухаад чацга царайлаад сонгуульд оролцохгүй дэвшихгүй үлдвэл чи бол хэнч биш шүү!!!
— ЧӨЛӨӨЛЬЕ! А.Мөнхбат (@munkhbat_a) February 21, 2016
Нара фэйсбүүктээ нэг пост бичсэний төлөө дийлэнхидээ эрэгтэй хүмүүс элдэвээр доромжлохыг уншлаа. Тэр нөхдүүд яг эр хүн мөн үү ццц.
— Pearle Deppsu (@Deppsu) February 21, 2016
Дуучин Нара улс төрч биш юмаа гэхэд сайн нийгмийн зүтгэлтэн болох өгөгдөл байна шүү. Би лав хувьдаа хүндэтгэж бн. Амжилт
— ChuluunbilegО (@OChuluunbileg) February 21, 2016
Баянсэлэнгэ аниа гишүүн болж байхад Нара яагаад гишүүн болж болохгүй юм ер нь. ядаж 2,3 хэлтэй юм үзсэн гоо сайхан эмэгтэйшд
— Көз ® (@aynur_111) February 18, 2016
Сонгосон 76 ажлаа хийхгүй бол би дуучин Нара-тай гөтлөлцөөд сонгуульд нэр дэвшлээ шүү. Хэлсэн шүү гэсссссс
— Түвшинтөгс_UB (@tuvshintugst) February 18, 2016
Нарагаас болж гайгүй хэдэн хүүхэнд блоклууллаа. Гэсэн ч шантрахгүй ээ, миний зөв байсныг удахгүй та нар ойлгоно.#Нара
— Д.Батбаяр (@avirbayar) February 22, 2016
М.СУРА