Орон нутгийн сонгуулийн санал хураалт эхэллээ | News.MN

Орон нутгийн сонгуулийн санал хураалт эхэллээ

Орон нутгийн сонгуулийн санал хураалт эхэллээ

Орон нутгийн сонгуулийн санал хураалт эхэллээ

Аймаг, нийслэл, сум, дүүргийн Иргэдийн Төлөөлөгчдийн Хурлын сонгуулийн санал хураалт өнөө өглөө  07:00 цагт улс орон даяар эхэллээ. Санал хураалт 20.00 цаг хүртэл үргэлжилнэ.

Улсын хэмжээнд шат шатны сонгуулийн 2148 хэсгийн хороонд 21 мянга 400 төрийн албан хаагч ажиллаж байна. Засгийн газраас баталсан COVID-19 цар тахлын үед ээлжит сонгууль явуулах тухай журмын хүрээнд сонгуулийг зохион байгуулах бөгөөд ирцийн мэдээллийг СЕХ 12.00, 15.00, 19.00 цагт танилцуулах юм. Орон нутгийн ИТХ-ын мандатын тоо буюу суудлын тооны хувьд аймаг, нийслэлийн хэмжээнд 816, сум, дүүргийн ИТХ-ын мандатын тоо 7 мянга 353 байна. Улсын хэмжээнд 8169 суудлын төлөө 17 мянга 161 хүн өрсөлдөх юм. Тодруулбал, аймаг, нийслэлийн 816 мандатын төлөө 1901,  сумын ИТХ-ын 7062 мандатын төлөө найман намаас 14388, дүүргийн 291 суудалд 6 нам эвслээс 696 нэр дэвшигч өрсөлдөнө.

Санал хураалтын дараа хууль заасны дагуу бүх хэсгийн хороонд хяналтын тооллогыг саналын хуудасны 50 хүртэлх хувьд явуулахаар чиглэл хүргүүлсэн байна. Ингэхдээ тухайн хэсэгт байгаа нам, эвслийн ажиглагчдын сонголтоор ил тод тоолно.

Улсын хэмжээнд нийт 2 сая 140 мянга 95 сонгогч нэрсийн жагсаалтад бүртгэгджээ. Тэдгээрийн 126 мянга 194 нь түр хасав тэмдэглэгээтэй байна. Нийслэлд нийт нэг сая 45226 сонгогч байгаагаас 90 мянга 48 нь түр хасав тэмдэглэгээтэй байгаа юм.

Б.ЦЭЦЭГ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Монгол улсын иргэн 2020-10-15 202.9.46.6

Сонгуулийн санал өгөх анхны мэдэгдэхүүнгүй хүн олон байна шүү. Сонгуулийн ерөнхий хороо гэсэн сүржин нэртэй хүмүүс ажлаа хийгээчээ. Хэдэн хүнийг яаж дугулхаа ч мэдэхгүй хүн олон байна. Одоо ч гэсэн сонгулийн хуудас бөглөх заавраа зурагтаар гаргаачээ.

NewsMN Гар утасны хувилбар Татах
NEWS.mn

Мэдээллийн эх сурвалж