“Хезболлах” бүлэглэлийн лидер Хасан Насралла мягмар гаригт видео илгээлт гаргасан байлаа. Израилийн цэргийнхэн дахиад Ливанд довтолбол түүний байгууллагын дайчид Израилийн армид цохилт үзүүлнэ гэж мэдэгджээ. “Израилийн арми Ливаны армид гар хүрвэл бид тэр гарыг нь тасдана” гэж Насралла хэлснийг AFP дамжуулжээ.

Ливан-Израилийн хилд мөргөлдөөн гарч, дөрвөн ливан алагдсаны дараа Хасаны мэдэгдэл гарчээ. Тэр буудалцааны улмаас Ливаны гурван цэрэг, нэг сэтгүүлч мөн Израилийн өндөр тушаалын офицер алагдсан юм.

Ливаны цэргийнхэн израильчуудыг хил нэвтэрсэн гэж гал нээсэн ба харин Израиль инженерийн цэргийн ажиллагааг НҮБ-ын энхийг сахиулагч нартай тохиролцсоны улмаас хийж байсан гээд Ливаны талаар НҮБ-д гомдол гаргаад байна.