Ираны ерөнхийлөгчийн тамгын газраас Махмуд Ахмадинеджадын амь насанд халдах оролдлого Хамадан хотод гарсан гэдгийг үгүйсгэлээ. Өмнө нь наймдугаар сарын 4-нд хэн нэгэн ерөнхийлөгчийн цувааны зүг гар хийцийн бөмбөг шидэж, хэдэн хүн шархадсан тухай мэдээлэл гарсан байлаа. Тэр хүнийг баривчилсан байна.

Дараа нь, ерөнхийлөгч лекц уншсаныг телевизээр шууд дамжуулсан ба тэнд тэр халдлагын тухай дурдсангүй. Сүүлд нь тэр хүн ерөнхийлөгчийн амь насанд халдах гээгүй зүгээр л хөөрлөө илэрхийлэн пуужин буудсан нь цуваанд туссан болжээ.

Өмнө нь 2005 онд Систан-Белуджистан мужид түүний цуваа буудлагад өртөн нэг хамгаалагч амь насаа лдаж байлаа. Харин  энэ үеэр цуваанд Ахмадинежад байгаагүй, тэр өөр хотод байсан гэж мэдэгдсэн байлаа.