Хилчин бүсгүйд туслаарай | News.MN

Хилчин бүсгүйд туслаарай

Хуучирсан мэдээ: 2016.02.21-нд нийтлэгдсэн

Хилчин бүсгүйд туслаарай

Сэлэнгэ аймгийн Сүхбаатар сумын хилийн цэргийн 0101 дүгээр ангид холбоочноор 15 жил ажиллаж, улс эх орондоо зүтгэсэн И.Пүрэвсүрэн нь элэг нэгт монголчуудаасаа хандив хүслээ. Түүний хувьд 100 хувь элэг шилжүүлэн суулгах мэс засалд орох шаардлагатай болсон учраас ард түмнээсээ тусламжийн гараа хүсэхийг гуйж байгаа юм.  И.Пүрэвсүрэн гэх энэ эмэгтэйн бие 2014 оны 12 дугаар сараас эхлэн муудаж, Улаанбаатар хотод ирж элэгний хатуурал гэсэн өвчтэй болсноо мэдсэн байна. Тэрбээр өвчтэй болсон хэдий ч эмчилгээндээ явахын зэрэгцээ албан үүргээ өвдсөн ч гэсэн хариуцлагатайгаар хийж ирсэн юм. Гэвч өнгөрсөн оны сүүлээр биеийн байдал дордож, нийслэлийн нэгдүгээр эмнэлэгт ирж үзүүлсэн ч элэг шилжүүлэн суулгахаас өөр аргагүй гэдэг хариултыг авсан байна. 2014 онд анх бие нь өвдөхөд элэгний өвчлөлийн хоёрдугаар шатанд явж байсан ч одоо дөрөвдүгээр шат хүртлээ мууджээ. Одоогийн байдлаар хоол унд идэж уухад хүндрэлтэй болж, үе үе элгээр хатгаж өвддөг, шөнө унтаж чадахгүй зовуурьтай байна. Элгээ өгөх донор хайсаар түүний төрсөн хүү нь таарч, ээждээ элэгнийхээ 50 хувийг өгөхөөр болжээ. Гэхдээ цаг хугацаа түүнийг хүлээхгүй, яаралтай элэг шилжүүлэн суулгах мэс засал хийхгүй бол судас хагарч амь насанд нь аюул нүүрлэх учраас монголын ард түмнээс тусламж хүссэн юм.

Өвчин гэдэг хэлж ирэхгүй. Эрүүл саруул байхдаа ирээдүйн амьдралынхаа талаар олон сайхныг зөгнөн боддог байсан ч өвчинд нэрвэгдсэн хойноо эдгэнэ гэсэн итгэлийн гал нь бөхөөгүй явна. Элэг шилжүүлэн суулгах мэс заслын нийт өртөг 85 сая төгрөг, одоогоор цуглуулсан мөнгө алга. Монгол Улсад элэг шилжүүлэн суулгах мэс засал дөрвөн жилийн өмнөөс хийгдэж эхэлсэн, амжилтгүй болсон тохиолдол байхгүй, мэс засалд орсон иргэд эрүүл саруул энх тунх амьдарч байна. Тийм ч учраас эдгэрэх бүрэн найдлага түүнд бий.

Түүнд Сэлэнгэ аймгийн Сүхбаатар сумын хилийн цэргийн 0101 дүгээр ангийнхан нь болон, түүний нөхрийн ажлын газар болох хилийн цэргийн 0243 дугаар анги нь чадах ядахаараа тусалж дэмжихээ илэрхийлжээ. Мөн аймгийнх нь хүүхэд, гэр бүл хөгжлийн газрын хамт олон ч бас туслалцаа үзүүлжээ. Хамгийн гол нь сайхан сэтгэлтэй монголчуудаасаа тусламж хүсэж, санхүүгийн дэмжлэг туслалцаа үзүүлэхийг чин сэтгэлээсээ гуйж байна. И.Пүрэвсүрэнгийн хувьд өвчин нь эдгэрвэл ажилдаа хурдан орж, эх орныхоо энхийн манаанд зогсох чин хүсэл эрмэлзэлтэй байна.

Д.УУДАМ

Зураглаач Н.БАТМӨНХ

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-02-21 202.131.235.2

элэгний Жамсран гуайтай уулзаж үзсэн үү

ahmad 2016-02-21 202.21.106.130

dansaa bich puujee

Зочин 2016-02-21 124.158.112.2

Төрд байгаа хамгийн жул хулгайч нарын тухайлбал Сугарын японд байдаг нэг байрыг л хурааж аваад зарахад жинхэн улсын төлөө явж байгаа хэд хэдэн ийм хүний амийг аварна даа.

Зочин 2016-02-21 202.126.91.95

Иймэрхүү туслалцаа хүссэн юм уу шаардлага тавьсан мэдээ, baabar.mn d материал өгөхий тулд хаана хандан бичүүлдэг вэ?

Зочин 2016-02-21 124.158.112.2

God bless her

bayar 2016-02-21 202.9.40.195

tusalna,dansaa bicheerei, busad humuust bas urialya,

Ж. Б. 2016-02-21 182.160.2.114

Дансны дугаараа бичих хэрэгтэй байх.

Зочин 2016-02-21 150.129.142.154

Бэлгийн сулрал юунаас үүдэлтэй вэ? Түүнийг хэрхэн эм тангүйгээр анагаах вэ? (Эх сурвалж: Их Британийн BBC Health News вебсайт): www.HealthNews.mn j

Зочин 2016-02-21 103.57.93.177

хагарсан баячуудад бол юуч биш, энэ бүсгүйд туслах байх аа, данс аа бичих хэрэгтэй

unshigzh 2016-02-21 27.123.214.107

dansnii dugaaraa buchih heregtei baih.

NewsMN Гар утасны хувилбар Татах
NEWS.mn

Мэдээллийн эх сурвалж