Сурагчдад олон улсын стандартад нийцсэн автобус үйлчилнэ | News.MN

Сурагчдад олон улсын стандартад нийцсэн автобус үйлчилнэ

Сурагчдад олон улсын стандартад нийцсэн автобус үйлчилнэ

Нийслэлийн иргэдийн аюулгүй байдлыг хамгаалах ажлын хүрээнд нийслэлийн Цагдаагийн газар, Тээврийн цагдаагийн газар, Эрүүл мэндийн газарт туулах чадвар сайтай, бүрэн тоноглогдсон автомашин хүлээлгэн өгч буй. Энэ хүрээнд өнөөдөр Сүхбаатарын талбайд цагдаа, эмнэлэгийн албан хаагчдад иж бүрэн тоноглогдсон автомашин, нийслэлийн Боловсролын газарт хүүхдийн автобусыг хүлээлгэж өгөх арга хэмжээ боллоо.

Арга хэмжээнд УИХ-ын гишүүн С.Амарсайхан, нийслэлийн Зам тээврийн асуудал хариуцсан төслүүдийн удирдагч Б.Отгонсүх, нийслэлийн Эрүүл мэндийн газрын дарга Л.Төмөрбаатар, нийслэлийн Боловсролын газрын дарга Ж.Гантулга, НЗДТГ-ын дарга Ц.Уртнасан болон бусад холбогдох албаныхан оролцлоо.

Нийслэлийн удирдлагууд өнгөрсөн онд “Сургуулийн автобус” төслийг хэрэгжүүлж эхэлсэн бөгөөд 2 дахь жилдээ үргэлжилж байна. Энэ оны хичээлийн жилд нийт 29 сургуулийн 35 чиглэлд “Хүүхдийн автобус үйлчилгээ” хэрэгжиж байгаа юм.  Нийслэлийн төсвийн хөрөнгөөр энэ онд 75 ширхэг сургуулийн автобусыг худалдан авч, үйлчилгээнд нэвтрүүлэхээр төлөвлөж буй. Ингэснээр Их тойрууд байршилтай 31 сургууль “Сургуулийн автобус” үйлчилгээнд бүрэн хамрагдана. Энэ хүрээнд эхний ээлжинд орж ирсэн 5 ширхэг сургуулийн автобусыг өнөөдөр нийслэлийн Боловсролын газарт хүлээлгэж өглөө. Энэхүү хүүхдийн автобусыг “Зорчигч тээвэр гурав” компани хариуцан ажиллах аж.

УИХ-ын гишүүн С.Амарсайхан хэлэхдээ “Аюул, гамшиг тохиолдоход хамгийн түрүүнд цагдаа, онцгой, эмнэлгээ дууддаг. Эдгээр байгууллагыг ажиллах нөхцөл боломжоор нь сайтар хангасны үр дүнд ард иргэдээ хамгаалах, аюул ослоос урьдчилан сэргийлэх чадна. Аюулгүй хот болох зорилтын хүрээнд хийгдэж байгаа томоохон ажлуудын маань нэг энэ. Цаашид ард иргэдийнхээ амь нас, эрүүл мэнд аюулгүй байдлыг сахин хамгаалж буй албан хаагчдынхаа ажиллах нөхцөлийг сайжруулахад онцгой анхаарч ажиллах болно. Өнгөрсөн онд хүүхдийн автобусыг үйлчилгээнд нэвтрүүлэхээр санаачилж, туршилтаар явуулж эхэлсэн маань маш үр дүн гарсан. Тиймээс ерөнхий боловсролын сургуулиудыг зориулалтын иж бүрэн тоноглогдсон автобусаар хангах зорилт тавьж ажилласны үр дүнд эхнээсээ автобуснууд маань орж ирсэн байна. Хүүхдийн аюулгүй байдлыг хангах, автозамын хөдөлгөөний ачаалал бууруулах ихээхэн ач холбогдолтой” хэмээлээ.

2020 онд нийслэлийн төсвийн хөрөнгө оруулалтаар Эрүүл мэндийн газарт 40 автомашин нийлүүлсэн бөгөөд түргэн тусламжын үйлчилгээ 3.3 хувиар өссөн тоон судалгаа гарчээ. Харин цагдаагийн байгууллагад нийт 110 автомашин олгосны 90 автомашин нь нийслэлийн Цагдаагийн байгууллагад олгогдсон бөгөөд гудамж талбай, олон нийтийн газар, ахуйн хүрээнд үйлдэгдэж байгаа гэмт хэрэг, зөрчлөөс  урьдчилан сэргийлэх чиглэлээр ашиглаж байна.

Нийслэлийн Зам тээврийн асуудал хариуцсан төслүүдийн удирдагч Б.Отгонсүх “Энэ жилийн хувьд 130 гаруй боловсролын сургуульд 310 мянга гаруй хүүхэд сурч байгаа тоон мэдээлэл байна. Хүүхдийн автобусны хүртээмжийг нэмэгдүүлэх, аюулгүй байдлыг хангах хүрээнд энэ жил 75 автобус орж ирэхээс эхний ээлжийн 5 автобусыг хүлээлгэж өгөөд байна. Энэ төслийн хүрээнд гурван жилийн хугацаанд нийт 200 ширхэг хүүхдийн автобус үе шаттайгаар орж ирнэ. Олон улсад батлагдсан хүүхдийн автобусны стандартад нийцсэн. Стандарт хангасан гэдэг нь хүүхдэд зориулсан сандалтай, зориулалтын бүснээс эхлээд бүх тоноглол нь хүүхдийн аюулгүй байдлын шаардлагыг өндөр зэрэглэлээр хангасан гэсэн үг” гэв.

Цагдагийн байгууллага, Эрүүл мэндийн газрын автомашины парк шинэчлэлтийг хийж ажилласнаар энэ оны эхний 9 дүгээр сарын байдлаар нийслэлийн хэмжээнд нийт бүртгэгдсэн гэмт хэрэг 29.7 хувиар, гудамж, талбайд бүртгэгдсэн гэмт хэрэг 26.2 хувиар, олон нийтийн газар үйлдэгдсэн гэмт хэрэг 42.1 хувиар тус тус буурч, хэргийн илрүүлэлт 10.4 хувиар, зөрчлийн илрүүлэлт 29.6 хувиар өссөн үр дүн гарчээ. Харин түргэн тусламжийн үйлчилгээг 3.3 хувиар нэмэгдүүлж 88.9 хувь болж өссөн үзүүлэлттэй байна.

Нийслэлийн ЗДТГ-ын Хэвлэл мэдээлэлтэй харилцах хэлтэс

Энэ мэдээнд өгөх таны сэтгэгдэл?
5
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-13 150.129.140.40

130000$-р нийлүүлсэн шалтгаанаа тайлбарлана уу. Монголчууд минээ юм үзээгүй ядуу сэтгэлгээн дээр чинь энэ хэд бизнес хийж ханахгүй байна шүү дээ. Автобустай болж байгаа нь сайн. Гэхдээ яагаад хэд дахин илүү үнээр бидний татварын мөнгөөр авсаныг асууж, хариуцлага тооцож сурах хэрэгтэй байнаа. Автобус хараад шаагалдаад байх е.

Avatar

Зочин 2020-10-13 43.228.130.24

Сая хичээлийн шинэ жил эхлэхийн өмнө гаргасан хамран сургах тойрог яасан бэ ? Хамран сургах тойрогтоо хамрагдвал хотын төвөөр сургуулийн автобус явуулах шаардлагагүй, алслагдсан гэр хорооллын цөөн хүүхдийг гаднаас автобус авахгүй бага оврын автобусаар зөөж болно шүү дээ. Бидний цалингаасаа суутгуулсан татварын мөнгийг ингээд үр ашиггүй зарцуулаад дундаас нь цавчиж идээд байхаар энэ улс яаж хөгжих вэ дээ.

Avatar

Зочин 2020-10-13 66.181.170.73

алибаба дээр нэг ширхэгийн үнэ 43 000 $ гэж байхад манай дарга нэр нэг бүрийг нь 130 000 $ авчихдаг буянгууд юмаа. бас урамтай иддэг буян юм аа хахаха

Avatar

Болд 2020-10-13 66.181.161.77

Хошин гарууд!

Avatar

zochin 2020-10-13 202.131.237.137

цэцэрлэгт хүрээлэнгийн чиглэлд сургуулийн автобус явуулаач ээ. хотын төв рүү ганц явдаг автобус нь #63. тэр нь 30-40 минут болж байж нэг ирнэ. хичээл эхлэх тарах үеэр 60-70 хувь нь сурагчид байдаг, баянмонгол хороололд ирээд л хоосон шахуу болдог. #63 чиглэлийн автобусаа хуучин маршрутаар нь явуулж болдоггүй юм уу. шинэ гүүр даваад цэнгэлдэхээр 2 тойрог хийж 2 цаг түгжирч байхаар энхтайваны гүүрээ даваад гүүрэн догуураа ороод шууд чигээрээ явахад их амар байсан

Avatar

Зочин 2020-10-13 59.153.115.58

mashin tereg, tehnik heregsleer hangah n tur zahirgaaniihnii undsen ajil, uureg n shuudee. ajilaa talbai deer hiideg bolson yumuu

Avatar

Nnn 2020-10-13 150.129.141.143

Bolioocheee ta nar avtus chn huuhed buriig avdagguin bleshde. hedheen l syrgyyliha huuhdig avna gd. hudla ner tudi huuhed yalgavrlasan ajil

Avatar

Tr 2020-10-13 64.119.17.180

Alibaba дээр $44 мянга орчим, манай дарга нар $130 мянгаар хуссан сурагтай.

Avatar

Сонгууль 2020-10-13 66.181.177.78

Сонгууль ойр ойрхон болоод байвал зүгээр ч юм уу. Гэхдээ сонгууль нтр болохоор дарга нар баяжаад бдг юм билээ.

NewsMN Гар утасны хувилбар Татах
NEWS.mn

Мэдээллийн эх сурвалж