Ньюс хөтөч: “TTJVCO" компаниас халагдсан ажилчид мэдээлэл хийнэ

10:30 цагт

ҮСХ-ноос 2020 оны эхний 9 сарын нийгэм, эдийн засгийн тоон мэдээлэл хүргэх #Цахим_Хэвлэлийн_хурал болно. Та бүхэн 1212.mn болон facebook-ийн “Үндэсний Статистикийн хороо” хуудсаар дамжуулан статистик мэдээллээ хүлээн авна уу. Хэвлэл мэдээллийн байгууллагуудыг сайн чанарын видео бичлэгээр хангах тул 91100461, 70141212, 263152 дугаарт холбогдож дэлгэрэнгүй мэдээлэл авах боломжтой.

11.00 цагт

МҮЭ-ийн холбооноос дараах гурван чиглэлээр Хэвлэлийн бага хурал зарлаж байна.

-Хөдөлмөрийн тухай хуулийн шинэчилсэн найруулгын төслийг хэлэлцэхтэй холбогдуулан УИХ-ын гишүүдэд хандсан мэдээлэл хийнэ.

-“Капитал” банкны дансанд байсан иргэдийн Нийгмийн болон Эрүүл мэндийн сангийн хөрөнгийн эрсдлийг бууруулах, өр төлбөрийг барагдуулах чиглэлээр кампанит ажил өрнүүлж эхэлснээ зарлана.

-Нийслэлд баригдаж байгаа барилгын талбайд өдрөөр буюу цагийн ажил эрхэлж байгаа хүмүүсийн Хөдөлмөрийн нөхцөлд үзлэг хийх болсон талаар тус тус мэдээлэл хийнэ.

Холбоо барих: 99027019

Шүүхийн ерөнхий зөвлөл “Нээлттэй шүүх” хэвлэлийн бага хурлыг өөрийн байрандаа зарлаж байна. Хэвлэлийн бага хурлаар 2020 оны III улиралд шүүхээр шийдвэрлэгдсэн хэргийн шүүн таслах ажлын дүн мэдээ, “Шүүхийн үйлчилгээний нөхцөл байдал”, болон “Шүүх хуралдааны явцыг мэдээлэх цахим систем”-ийн талаар танилцуулах тул эрхэм сэтгүүлчид та бүхнийг урьж байна. Утас: 98980404, 86050515

12:00 цагт

“Зууны мэдээ” сонины “Үндэсний мэдээллийн төв”-д ЭТТ компанийг туслан гүйцэтгэгч, 100% Хятадын хөрөнгө оруулалттай “TTJVCO" компаниас хууль бусаар халагдсан 10 ажилтан хэвлэлийн бага хурал зарлалаа.