Цүнх баригчдыг бүү дэмж | News.MN

Цүнх баригчдыг бүү дэмж

Цүнх баригчдыг бүү дэмж

Цүнх баригчдыг бүү дэмж

Аймаг, нийслэл, сум, дүүргийн Иргэдийн Хурлын Төлөөлөгч /ИХТ/-ийг тодруулах санал хураалт болоход ердөө гурав хоног үлдэж, сурталчилгаа дуусах шатандаа оров.

Нэр дэвшигчид сонгогчиддоо танигдахын тулд цас малтаж,  газар ухахаас бусдыг хийсээр 12 хоногийг ардаа хийгээд байна.

Энэ удаагийн орон нутгийн сонгуульд МАН ялагдал амсахгүйн тулд УИХ-ын дарга Г.Занданшатар нь онгоц хүлээлгэн орон нутагт ажиллаж яваа бол бол УИХ-ын гишүүд үндсэн ажлаа хийдүүлэн, сонгуулийн сурталчилгаа хийж явна.

Улсын хэмжээнд 8169 суудлын төлөө 17161 нэр дэвшигч өрсөлдөж буй. Тодруулбал, аймаг, нийслэлийн 816 мандатын төлөө 1901, сумын 7062 мандатын төлөө 14388, дүүргийн 291 мандатад 696 нэр дэвшигч тус бүр өрсөлдөж байгаа юм.

Хамгийн ширүүн өрсөлдөөн нийслэл болон УИХ-ын сонгуулиар Ардчилсан нам ялсан аймгуудад  өрнөж буй.  Тухайлбал, Сүхбаатар аймагт Ерөнхий сайд У.Хүрэлсүх албатуудынхаа хамтаар очсон бол МИАТ компанийн захирал Д.Баттөр хүртэл дайчлагдан, ажилласан мэдээлэл бий. Үндсэндээ Сүхбаатар аймгийн угшилтай улстөрч болгоноо илгээжээ. УИХ-ын гишүүн Сү.Батболд, П.Анужин, Ж.Чинбүрэн гээд хөвөрч буй.

Ирэх жилүүдэд Сүхбаатар аймагт төсвийн их мөнгө эргэж, бүтээн байгуулалт хийгдэхээр болсон нь эрх баригчдын шуналыг хөдөлгөж, УИХ-ын сонгуульд ялагдал амссан шигээ годройтохгүйн тулд хамаг хүчээ хаяж байна гэх.

Харин нийслэлийн 45 мандатын төлөө зургаан нам нэр дэвшигчээ сойж, мөн хоёр бие даагч өрсөлдөж буй бөгөөд эрх баригч нам мөн л Ардчилсан нам засаглаж буй Баянгол, Баянзүрх дүүрэгт илүүтэй анхаарал хандуулж ажиллаж байна. Ямар аргатайдаа л УИХ-ын гишүүн  Ж.Ганбаатар  тойргоосоо НИХТ-д нэр дэвшиж байгаа хүмүүсийнхээ боршуурыг тараан, үндсэн ажлаа хийдүүлж явах билээ.

Уг нь өнгөрсөн хугацаанд бодлого ялж, ажил хийдэг хүмүүсээ гаргаж ирсэн бол өнөөдөр Улаанбаатар хотын нүүр царай өөр,  энэ их түгжрэл, хөрсний бохирдлын ард гарчихсан суух боломж байв. Харамсалтай нь, нийслэлийн иргэд өнгөрсөн 30 жилийн хугацаанд долоон удаагийн сонголт хийхдээ нэг л удаа Ардчилсан намд итгэл үзүүлсэн бөгөөд 26 жилийн хугацаанд зөвхөн МАН засаглаж иржээ.

Харин 2012 оны сонгуульд Ардчилсан нам нийслэлд ялалт байгуулж, Э.Бат-Үүл хотын захирагчаар томилогдон ажилласан хугацаанд  Улаанбаатар хот нүүрээ угаасан хүүхэд шиг өнгө орж, цэмцийсэн.

Авто замуудыг өргөтгөж, гэр хорооллыг барилгажуулж, орц гарцуудыг нээн, иргэдэд цахимаар газар олгож, нийтийн тээврийг цахим төлбөрт шилжүүлж, түрээсийн орон сууц хөтөлбөрийг хэрэгжүүлсэн билээ. Харамсалтай нь, 2016 оны сонгуульд Ардчилсан нам ялагдсанаар эхлүүлсэн ажлууд нь унтарч, Сонгинохайрхан дүүргийг БНСУ-ын Ганнам дүүргийн жишгээр хөгжүүлэх төлөвлөгөө үгүй болж, хотын захиргаа Ханын материалд бус Нүхт рүү шилжсэн.

Эрх баригч нам өнгөрсөн жилээс эхлэн Улаанбаатар хотын хэмжээнд түүхий нүүрс хэрэглэхийг хориглож, “Тавантолгой түлш” компанийн сайжруулсан түлшээр 220 мянган гэр хорооллын түлшний нийлүүлэлтийг хангаж байгаа ч иргэд угаартсан дуудлага тасрахгүй байна.

Хамгийн сүүлд буюу аравдугаар сарын 7-нд нийслэлд хоёр хүүхэд, нэг том хүн угаартаж амиа алдсан нь НИХТ-д нэр дэвшсэн хүмүүсийн хувьд анхаарах хамгийн чухал асуудал юм.

Угаартсан шалтгааныг албаныхан “Яндангаа буулгаж, өрхөө битүүлснээс угаарт цохиулж, амиа алдсан” хэмээн тайлбарлаж буй нь үнэн үү гэдэг эргэлзээг дагуулсаар буй.

Жилийн хугацаанд 20 шахам иргэн түлшинд хордож, амиа алдсан нь агаарын бохирдолтой тэмцэх ажил хэчнээн хүний аминд хүрэх вэ гэдэг айдас ч төрүүлэх болсон. Иймээс шинээр бүрдэх НИХТ-ийг сонгохдоо иргэд мөнгөнд бус хэн бодлого ярьж, шийдэл гарц санал болгож байна вэ гэдгийг бодолцож сонголтоо хийхгүй бол асуудал шийдэгдэхгүй гэдгийг анхаараарай.

Нийслэлчүүдийг авто замд амьдрахад хүргэж буй түгжрэлийг сааруулах дорвитой шийдлийг мөн хэрэгжүүлэхгүй бол өнгөрсөн өдрүүдэд Улаанбаатар хотод хэд, хэдэн удаагийн 0 зогсолт болсон. Тээврийн цагдаагийн газраас өнгөрсөн дөрвөн жилийн хугацаанд зоригтой шийдэл хэрэгтэй байгааг сануулж ирсэн ч эрх баригчид гал унтраах төдий арга хэмжээ авч, аргацааж ирсэн нь өнөөдрийн байдалд хүргэсэн.

Иймээс нийслэлчүүд хэнийг дүүргээ төлөөлсөн НИХТ-өөр сонговол ачаа үүрч, ажиллаж чадах вэ гэдгийг сайн бодож, сонголт хийхгүй бол дарга дагаж намирагсдыг дэмжвэл дахиад дөрвөн жил түгжрэл, бөглөрөл дундаа амьдрах болно.

Том сургамж нь өнөөдрийн нийслэлийн Сонгинохайрхан дүүрэг. Хөгжлөөрөө нийслэлийн төвийн зургаан дүүргээсээ хамгийн хоцрогдсон нь болсон. Улс төрийн намууд ч энэ дүүрэгт өрсөлдөх нэр дэвшигчдийг  илгээхдээ ач холбогдол өгдөггүй, үндсэндээ сонголтгүй сонголтыг тулгасаар ирсэн нь өнөөдөр хүний хөгжлийн индексээсээ эхлээд голлох бүх үзүүлэлтээр сүүл мушгиад сууж буйг анхаараарай.

Г.ХОРОЛ

 

Энэ мэдээнд өгөх таны сэтгэгдэл?
6
ЗөвЗөв
3
ТэнэглэлТэнэглэл
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-12 66.181.179.241

AH-n site news-hen

Avatar

Зочин 2020-10-12 139.5.219.172

Сонгинохайрханы нэр дэвшигчид бол бүгд Сумьяабазарын эр эм суганы үснүүд байна лээ. Зарим нь хувийн банкинд нь ажилладаг байснаа танилцуулга дээрээ нуугаад бичээгүй ч байх шиг

Avatar

Зочин 2020-10-12 59.153.115.58

ailiin haalga togshihgui geed baisan heveeree yu bolison uu. manaid neg hugshin orj irj zagnaj baigaad yavav.

Avatar

Ulaahgyi Ulaan 2020-10-12 174.229.13.173

MAN demjeerei Hehe

Avatar

Зочин 2020-10-12 66.181.161.20

Су.Батболд гэж малын эмч г о м о нөхөр хотын дарга болоод Бат-Үүлийн хийсэн ажлыг бүгдийг нь зогсоогоод хотыг эргээд хог болгосон доо эхнэрийнхээ дүү Ариунбаяр гэж золбин бацааныг Хөрөнгө оруулалтын дарга болгоод бүх тендерийг будлиулсан муусайн хог шаарнууд

Avatar

Zachin 2020-10-12 64.119.21.164

Heterhii neg taliig barj uls turjisun bn. Tuviig sahij bichvel zugeersen. Humuus chin teneg bish shuu horloo min.

Avatar

Зочин 2020-10-12 202.9.40.105

Битгий тэнэгт

Avatar

иргэн 2020-10-12 64.119.17.19

Би МАН-ын гишүүн, гэхдээ үнэндээ Бат-Үүл л гайгүй хотын дарга байсан даа. Эд нар ядаж метрогийн нь үргэлжлүүлэх байсан юм. Хамаг бэлтгэл ажлыг нь ЖАЙКА-тай хамтран хийлгаснийг нь мэдэх юм байна.

Avatar

Зочин 2020-10-12 139.5.219.172

Харамсалтай нь тэр гайгүй дарга чинь хотын 60 тэрбумыг хүүтэйгээ нийлж цуслаад алга болжээ хө

Avatar

Зочин 2020-10-12 202.55.188.93

Аль нь цүнх баригч, аль суга, аль нь нуудгай, аль нь загалмайлсан эцэг, аль нь 60 тэрбумчин, аль нь ждүчин, аль нь газрын наймаачин, аль нь б**с долоогчийг ялгахаа байсан.

Avatar

Зочин 2020-10-12 202.55.188.40

Tertei tergui MAN luivardaad yalna. Tom songuuliig ni luivardsiim chin jijig songuuli yu baihav dee

Avatar

Мөөгий 2020-10-12 103.10.22.23

Үнэ нэмэгдээгүй бараа гэж алга. Гэтэл ажилгүйдэл ядуурал ямар их байнааа. Хүрэлсүхийн ЗГ-аас юу ч хүлээгэээд нэмэргүй болж

Avatar

Зочин 2020-10-12 202.9.46.8

Монголын топ 100 гийн нэг эрхэм сэлэмтэй, буутай толгойгүй нөхөрийн засаг их удахгүй байх өө.

Avatar

Зочин 2020-10-12 150.129.140.115

mongiliin uls tord hamgiin tom tsunnh,ELBEBEGDORJ &ENHBAYARIIN udam ugsaag demjihuu???? bid huuraggee ,hulhiduuljee

Avatar

Зочин 2020-10-12 64.119.21.184

mongol u;lsin baatar grisha-iin huu kolia, tanja bie daaj suhbaatart duregt ulaanbatar nisleld ner debshijina.

Avatar

Зочин 2020-10-12 64.119.21.184

baatar janjin tsednbal sergei mongol ulsin oron nutagin songulid nisleld bajangol duureges bie day ner debshijina.

Avatar

Зочин 2020-10-12 64.119.21.184

ukraine ulsaas mongol ulsin 2 udaagin baatar borshilob andrei nislelin songulid ulaanbaatrt bajangol duureges ner debshijina.

Avatar

Зочин 2020-10-12 64.119.21.184

baatar janjin tom dandar hu batbayar batbaatar baatarhuu biy daay bajangol duuregt irgedin songuulid nissleld ner debshijina.

Avatar

Зочин 2020-10-12 202.179.25.210

Сүхбаатарчууд л ганц зөв сонголт хийсэн . Үүнийгээ баталгаажуулаарай .

Avatar

Зочин 2020-10-12 103.57.92.224

Стандартын газарт хууль бусаар томилогдсон Б.Билгүүнийг зайлуулаачээ Хүрэлсүхээ???????

Avatar

Зочин 2020-10-12 202.126.90.155

МАНгасууд ч ёстой мангас шиг байна даа хаа сайгүй

NewsMN Гар утасны хувилбар Татах
NEWS.mn

Мэдээллийн эх сурвалж