АНУ-ын Ерөнхийлөгч Дональд Трамп коронавирусийн халдварыг тээгч биш болсныг түүний эмч Шон Конлей мэдэгджээ. Өдгөө 74 настай Дональд Трамп өнгөрсөн Бямба гаригт тусгаарлалтаас гарч, сонгуулийн сурталчилгааны ажилдаа эргэн орсон юм. Дональд Трамп сүүлийн 24 цагийн турш халуурахгүй болсны дараа тусгаарлалтаас гаргасан аж. Гэхдээ эмч нар түүний биеийн байдлыг үргэлжлүүлэн хянах гэнэ.

Тэрбээр аравдугаар сарын 2-нд эхнэр Меланиягийн хамт коронавирусийн халдвараар оношлогдож, гурав хоногийн дараа эмнэлгээс гарч Цагаан ордонд тусгаарлагдсан юм.

АНУ-д коронавирусийн халдвараар 7.9 сая хүн өвчилж, 219 мянга гаруй хүн нас бараад байна.

Эх сурвалж: Tass