Бид 4-12 жилд Монгол Улсынхаа цаашдын хөгжлийн суурийг бэлдэнэ | News.MN

Бид 4-12 жилд Монгол Улсынхаа цаашдын хөгжлийн суурийг бэлдэнэ

Бид 4-12 жилд Монгол Улсынхаа цаашдын хөгжлийн суурийг бэлдэнэ

Монгол Улсын Ерөнхий сайд У.Хүрэлсүх 2020 оны 10 дугаар сарын 08-ны пүрэв гаригт Говь-Алтай аймгийн Дэлгэрэх, Алтай сумдад албан томилолтоор ажиллалаа.

Баянхонгор аймгийн Байдрагийн гүүрнээс Говь-Алтай аймгийн Дэлгэрэх сум хүртэлх 126,7 км автозамын барилга угсралтыг дуусгаж ашиглалтад хүлээлгэж өгөх ёслолын ажиллагаанд оролцож, Алтай суманд иргэдтэй уулзаж, Засгийн газрын ирэх 4 жилийн үйл ажиллагааны хөтөлбөр болон нийгэм эдийн засгийн чиглэлээр баримталж буй бодлогоо танилцуулав. Монгол Улсын Засгийн газраас 4-12 жилийн хугацаанд шийдвэрлэвэл зохих тулгамдсан 8 салбар асуудлыг дараах байдлаар гаргаснаа Говь- Алтай аймгийн иргэдэд сонсголоо.

1.     Эрчим хүчний хараат байдлаас гарах,

Эрчим хүчний импортыг бууруулах, дотооддоо эрчим хүчээ үйлдвэрлэж, хэрэглээгээ хангах, экспортод цаашдаа гаргахаар зорьж буй. Энэ хүрээнд 10 аймагт цахилгаан станц байгуулах улстөрийн шийдвэр гарсан. Дархан, Эрдэнэт, Говь-Алтай, Ховд аймагт бүтээн байгуулалтын ажил эхэлсэн. Мөн Тавантолгой, Оюутолгойн бүлэг ордуудыг түшиглэн цахилгаан станцыг тус тус байгуулах ажил хийгдэж байна.

2.     Нефтийн бүтээгдэхүүнээ дотооддоо үйлдвэрлэх,

Дорноговь аймгийн Алтанширээ суманд Газрын тосны боловсруулах үйлдвэр байгуулж байна. Дэд бүтцийн бүтээн байгуулалтууд хийгдэж, үйлдвэрийн үндсэн барилгын ажлыг ирэх оны хавар эхлүүлнэ. Санхүүжилт шийдвэрлэгдсэн. Жилд 1,5 сая/тн газрын тос олборлож бүтээгдэхүүн үйлдвэрлэнэ.

3.     Хүнсний үйлдвэрлэлийг нэмэгдүүлж, дотоодын хэрэглээгээ бүрэн хангах,

Улаанбуудай, гурилын хэрэгцээгээ дотооддоо бүрэн хангаж чадсан. Энэ онд гурил экспортлоно. Хөдөө аж ахуй, газар тариалангийн хөгжлийг дэмжиж, эрчимжсэн мал аж ахуй, газар тариаланг бий болгосноор хүнсний хэрэглээг 100 хувь дотодоосоо хангах боломжтой гэж Засгийн газар түзэж байна.

4.     “Цахим-Монгол” болно,

Мэдээлэл, харилцаа холбооны хөгжлийг дэмжинэ. Төрийн болон бусад үйлчилгээг цахимжуулна. E-mongolia үйлчилгээг нэвтрүүлж, төрийн 180 гаруй үйлчилгээг иргэд гар утаснаасаа авах боломжтой болсон.

5.     Боловсруулах үйлдвэрүүдийг  олноор байгуулна,

Импортлогч биш, экспортлогч орон болно. Төр хувийн хэвшлийн түншлэлийг дэмжинэ. Баялаг бүтээгч, үндэсний үйлдвэрлэгчдээ бүх талаар ажиллах боломжоор хангах бодлого явуулна. Ажилгүйдлийг бууруулахын төлөө байна.

6.     Хийн хоолой,

ОХУ-БНХАУ руу Монгол Улсын нутаг дэвсгэрийг дайруулан Хийн хоолой барихаар шийдвэрлэсэн. Энэ нь Монгол Улсын эдийн засагт эерэг өөрчлөлт авч ирнэ. Гурван улсын эдийн засгйин коридор байгуулах зорилгоо биелүүлнэ.

7.     Нийгэмд шударга ёсыг тогтооно,

Төрийн албанд болон нийгмийн бүхий  л салбарт сахилга, хариуцлага дэг журмыг тогтооно.

8.     Соён гэгээрүүлэх ажлыг эрчимжүүлнэ,

Соёлын яамыг татан буулгаснаас хойшхи 28 жилд дахин сэргээн байгууллаа. Ар иргэдээ соён гэгээрүүлэхэд, хүүхэд залуусыг сургахаас гадна хүмүүжүүлэхэд анхаарна гэв.

Монгол Улсын Ерөнхий сайд цааш хэлэхдээ, “Эдгээр асуудлыг шийдвэл иргэдийн эрүүл, аюулгүй, амьдрах боломж нөхцөл бүрдэнэ. Ирэх 4-12 жилийн хугацаанд Засгийн газраас бид энэ зорилтыг хэрэгжүүлж чадвал Монгол Улс цаашид эрчимтэй хөгжих суурь бүрдэнэ гэж үзэж байна. Айл бүрийн амьдрал тэнхлүүн сайхан, амар амгалан аз жаргалтай байгаасай. Үүний тулд улстөрийн талцалаа орхиж, эв нэгдэлтэй байхыг хичээнгүйлэн хүсэж байна” гэсэн юм.

Говь-Алтай аймгийн удирдлагуудын хувьд  ДЦС-ын дулаан дамжуулах 20 км салбар шугам байгуулах хөрөнгийн эх үүсвэр, барилгын цэргийн анги  барих хөрөнгө, цэвэрлэх байгууламжийг шинэчлэх, албан хаагчдад бүсийн нэмэгдэл олгох, орон нутгийн өмчит аж ахуй нэгж байгуулж, нүүрсний орд газрыг эргэлтэд оруулах, архивын барилга барих, цэвэр усны хангамжийн байгууламжийг яаралтай үйл ажиллагааг нь эхлүүлэх гэсэн аймгийн хэмжээнд шийдвэрлэх шаардлагатай дэмжлэг хүсч буй 7 асуудал буйг Монгол Улсын Ерөнхий сайдад товч танилцуулаад албан бичгээр хүсэлтээ уламжиллаа гэж Засгийн газрын Хэвлэл мэдээлэлтэй харилцах хэлтсээс мэдээллээ.

 

Энэ мэдээнд өгөх таны сэтгэгдэл?
3
ТэнэглэлТэнэглэл
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2020-10-09 202.9.46.222

Хүнд харагдах бодит юм гэхээсэээ илүү улс орны хөгжлийг авч явдаг ганцхан хүчирхэг хөшүүрэг бий.Түүнийг олж харж мэдсэн улсууд нь зугуухан бөгөөд тогтвортой хөгжлийг бий болгоод удаж байна. Чухам тэр улс орны хөгжлийн үндэс нь юу вэ? Энэ бол улс орны иргэдийнх нь үзэл, санаа, хандлага юм.Зөв үзэлтэй, зөв санаатай, зөв хандлагатай иргэдийг төлөвшүүлэх ажил урт удаан хугацаанд алгуур хийгддэг үр дүн нь ил тод харагддаггүй учир хүнд харагддаг бодит зүйлийг л их ярих юм даа

Avatar

Зочин 2020-10-09 202.9.40.160

Чааваас ийм л ЕС-тэй улс даа, хөгжил гэж яриад яахав. Эхлээд боловсор!!!

Avatar

БАГШ 2020-10-09 202.9.46.19

Төрийн албанд болон нийгмийн бүхий л салбарт сахилга, хариуцлага дэг журмыг тогтооно ГЭЭД БАЙГАА ЧИНЬ ТӨРИЙН ӨМЧИЙН СОЁЛ УРЛАГИЙН ИХ СУРГУУЛЬД ОГТ ХАМААГҮЙ БАЙНА . ЕРӨНХИЙ САЙД АА !!!!!!!!! СУИС-ИЙН УДИРДЛАГЫН ТАЛААР СОШИАЛ ДЭЭР ГАРСАН БАРИМТУУДЫГ ТА СОНССОН БАЙЛГҮЙ ДЭЭ… ТЭР САХИЛГА, ХАРИУЦЛАГА, ШУДАРГА ҮНЭН ЧИНЬ СУИС-Д ХЭЗЭЭ ХЭРЭГЖИХ ВЭ ? ЭСВЭЛ ОГТ ХЭРЭГЖИХГҮЙ ЮМУУ???

Avatar

мангар засаглал 2020-10-09 103.26.193.201

хүрэлсүхээ сэрж үз. хэлсэн үгээ бод.хэчнээн жил иргэдийнхээ толгойг угаах ажлаа зогсоовол зүгээрсэн.

Avatar

иргэн 2020-10-09 192.82.76.81

2012 онд Оюунгэрэл сайдтай Соёлын яам чинь тэгээд юу вэ, өөрсдийгөө алдаршуулах гээд дандаа худлаа ярих юм. 2014 онд уг яам татан буугдсан. Хууль нь гарчихсан хамгийн хэрэгтэй Хөгжлийн яамаа байгуулаагүйгээ юу гэж хэлэх вэ? Дураараа загнаж хэмжээгүй хаан шиг шийдвэр гаргах гэж , мөн хөгжил гэдгийг ойлгодоггүй хүмүүсээр төрөө удирдуулсан улс орон хөгжихгүй.

Avatar

Зочин 2020-10-09 182.160.1.13

Яг үнэн. Хөгжлийн суурийг нь зөв тавиад өгөх хэрэгтэй.

Avatar

Зочин 2020-10-09 202.9.40.113

сэрчихгүй бол сайхан л зүүд байна

Avatar

Зочин 2020-10-09 66.181.170.73

цахим улс болно гэдэг ч дэмий дээ. харин ч цахим иргэний үнэмлэх нэртэй гадны орны тагнуулын байгууллагад ашигтай зүйлийг хурдан өөрчилж хуучин хэвэнд нь оруул. хуучны улаан паспортоо буцааж сэргээх нь чухал дэлхийн сүпер улсууд улаан паспорттойгоо л байна. манайх гэж хэдэн хятадын гар хөл болсон юмнууд хятадын цахилгаар цахим үнэмлэх нэртэй юм сэдсэн ш дээ. бүх мэдээлэл хятадын хакруудын гарт ил болсон. үүнээс түргэн татгалзах хэрэгтэй. монгол улс нууцгүй болсон.

NewsMN Гар утасны хувилбар Татах
NEWS.mn

Мэдээллийн эх сурвалж