Нар ээсэн намрын налгар өдрүүд улирч, хүйтний улирал хаяанд иржээ. Намрын дунд сар шувтарч буй эдгээр өдрүүдэд Улаанбаатар хот орчмын байгалийн өнгө гэрэл зургийн хальсанд хэрхэн буусныг зохиолч Мишигийн Ширчинсүрэн (1933-1999)-гийн "Намрын сайхан нар" шүлгийн хамт толилуулъя.

Намрын сайхан нар – холдож байгаа нар

Илч нь бага боловч, өнгө нь тунгалаг цагаан

Намрын сайхан өдөр – саарч байгаа өдөр

Биед жихүүн гэлээ ч, сэтгэлд нэг л уян.

Намрын сайхан өдөр улирал солигдохын эрхээр

Насан идэр би чинь цагийн аясаар найгана

Намрын сайхан өдөр холдон холдохын эрхээр

Наалинхай төрсөн би чинь сэтгэл ихээр үймэрнэ …

ГЭРЭЛ ЗУРГИЙГ: Л.ЭНХ-ОРГИЛ