Цэргийн албанд тэнцэхгүй байх 18 төрлийн өвчин эмгэг нэмэгджээ | News.MN

Цэргийн албанд тэнцэхгүй байх 18 төрлийн өвчин эмгэг нэмэгджээ

Цэргийн албанд тэнцэхгүй байх 18 төрлийн өвчин эмгэг нэмэгджээ

Цэргийн албанд тэнцэхгүй байх 18 төрлийн өвчин эмгэг нэмэгджээ

Засгийн газар 2017 онд 144 дүгээр тогтоолоор “Иргэний цэргийн албанд эрүүл мэндээр тэнцүүлэх болон цэргийн албан хаагчийн эрүүл мэндийг тодорхойлох журам” баталсан. Өнөөдрийн байдлаар тус журмын дагуу эрүүл мэндийн шалтгаанаар тэнцэхгүй байх 18 төрлийн өвчин эмгэг нэмэгджээ. Тодруулбал, уушгины шохойжилт, олон өнгөт үлд, чихний хэнгэрэг цүлхийсэн, хиймэл болор тавиулсан зэрэг оноштой иргэд цэргийн алба хаах боломжгүй болсон байна.

Өнгөрсөн Лхагва гариг (2020.10.06)-т болсон Цэргийн насны залуучуудын “Эрүүл мэндийн үзлэг” сэдэвт уулзалт зөвлөгөөн дээр нийслэлийн Эрүүл мэндийн газрын дарга Л.Төмөрбаатар хэлэхдээ “Залуучуудын дунд эрүүл мэндийн боловсрол дутмаг, өвчтэй эсэхээ цэрэг татлагын эрүүл мэндийн үзлэгт орж байж мэдэх тохиолдол гардаг. Иймд дүүргийн эрүүл мэндийн нэгдсэн төвүүд үнэгүй үзлэг оношилгоог тогтмол зохион байгуулах шаардлагатай” хэмээн онцлов.

Дэлхийн олон улсад тархаад буй цар тахалтай холбогдуулан нэгдүгээр ээлжийн цэрэг татлага явагдаагүй. 2020 оны хоёрдугаар ээлжийн цэрэг татлага аравдугаар сарын 22-25-ны өдрүүдэд болох юм.

Өнгөрсөн оны хоёрдугаар ээлжийн цэрэг татлагын эрүүл мэндийн үзлэгт нийт 12874 иргэн хамрагдаж, цэргийн насны залуучуудын 5209 буюу 40 хувь нь эрүүл мэндийн хувьд тэнцээгүй байна. Оношийн бүлгээр авч үзэхэд мэс заслын өвчнөөр 1090, дотрын өвчнөөр 735, чих хамар хоолойн өвчнөөр 672, гэмтлийн улмаас 570, арьс харшлын өвчтэй 350 иргэн цэргийн алба хаах боломжгүй болжээ.

Б.ЖАРГАЛ

Энэ мэдээнд өгөх таны сэтгэгдэл?
3
ХарамсалтайХарамсалтай
1
ХахаХаха
1
ХөөрхөнХөөрхөн
1
ГайхмаарГайхмаар
1
ТэнэглэлТэнэглэл
0
ЗөвЗөв
0
БурууБуруу
Баярлалаа!

Холбоотой мэдээ

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЦЭРГИЙН АЛБА 2020-10-08 202.179.27.25

СЭТГЭЦИЙН ӨӨРЧЛӨЛТТЭЙГЭЭС БУСАД 16-28 НАСНЫ БҮХ ЗАЛУУСЫГ ТОЛГОЙ ДАРААЛАН 1 ЖИЛИЙН АЛБА ХААДАГ ХААЛГАДАГ Л ХУУЛЬТАЙ БОЛМООР БАЙНА. АЛБА ХААГААГҮЙ БУЛТСАН БОЛ НЭГ БОЛ СЭТГЭЦИЙН АСУУДАЛТАЙ ЭСВЭЛ ЭХ ОРНООСОО УРВАСАН.

Avatar

иргэн 2020-10-08 66.181.177.195

Ийм юм бичээд сууж байгаа чи л сэтгэцийн өвчтэй нөхөр байндаа

NewsMN Гар утасны хувилбар Татах
NEWS.mn

Мэдээллийн эх сурвалж