"Малын татварыг сумын мал эмнэлэг, өвөлжилт, бэлчээрт зарцуулна" | News.MN

"Малын татварыг сумын мал эмнэлэг, өвөлжилт, бэлчээрт зарцуулна"

"Малын татварыг сумын мал эмнэлэг, өвөлжилт, бэлчээрт зарцуулна"

УИХ-ын гишүүн Д.Тогтохсүрэн Монголын Хоршоологчдын Үндэсний Нэгдсэн холбоо /МХҮНХ/-ны тэргүүнээр сонгогдсон билээ.  Тэрбээр өнөөдөр (2020.10.07)  тус холбооны удирдах зөвлөлийн гишүүдтэй уулзаж, хоршоологчдод тулгамдаж буй асуудлыг төрөөс бодлого болгон хэрэгжүүлэх чиглэлээр тэдний саналыг сонсч, салбарын яаманд хөгжихгүй байгаа шалтгаан болон хөгжүүлэх гарц гаргалгааг нь танилцууллаа.

Хэлэлцүүлэгт ХХААХҮ-ийн сайд З.Мэндсайхан, МХҮНХ-ны тэргүүн, УИХ-ын гишүүн Д.Тогтохсүрэн, ЖДҮ-ийн газрын дарга Я.Эрдэнэсайхан, МХААХҮХ-ны дэд ерөнхийлөгч Ц.Алтантуяа, МХААХҮХ-ны зөвлөх Д.Батмөнх нарын Удирдах зөвлөлийн гишүүд оролцлоо.

"ТӨРӨӨС ХОРШООЛЛЫГ ХӨГЖҮҮЛЭХ ЧИГЛЭЛД ТОГТСОН БОДЛОГО ДУТАГДАЖ БАЙНА"

МХААХҮХ-ны зөвлөх Д.Батмөнх хэлэхдээ “Хоршоолол байгуулаад ажиллаж байгаа ченж, хувь хүмүүсийн үйл ажиллагаанд төрөөс хяналт тавих хэрэгтэй байна. Хяналтгүйгээс хоршоолол сайн хөгжихгүй байна. Мөн төрөөс хоршооллыг хөгжүүлэх чиглэлд тогтсон бодлого дутагдаж байна. Засгийн газар өөрчлөгдөх бүрт өөр чиглэлийн бодлого барьдаг. 2008-2012 оны Засгийн газар хоршооллын чиглэлд гайгүй анхаарч, үйл ажиллагааг нь томруулах хүрээнд “Нэг сум-нэг хоршоо” бодлого хэрэгжүүлж эхэлсэн. Гэтэл дараагийн Засгийн газар нь “Нэг баг-нэг хоршоо” болгочихсон. Хөдөө аж ахуйн урамшууллын асуудлыг хоршооллоор дамжуулах нааштай бодлого гарч, гайгүй цэгцрэх нь гэтэл устгачихсан. Өөрөөр хэлбэл, хоршоологчдод тогтсон бодлого байхгүй байна.

Хоршоологчдын үндсэн үүрэг нь малчдын гараас түүхий эд бэлтгээд, зохих хэмжээний боловсруулалт хийгээд, зах зээлд нийлүүлэх юм. Гэтэл хоршоологчдод чөдөр тушаа болж байгаа асуудал нь НӨАТ байна. Хоёрдугаарт, иргэдийг хоршооллын салбарт оруулж ирэх эдийн засгийн хөшүүрэг байхгүй байна. Ядаж төрөөс олгож байгаа урамшууллыг хоршоологчдоор дамжуулмаар байна. Дараагийн нэг асуудал нь бэлчээрийн асуудал байна. УИХ-аас бэлчээрийг төлбөртэй болгох асуудлыг хөндөж байна. Үүнийг өөр аргаар шийдвэрлэх хэрэгтэй” гэсэн юм.

Д.ТОГТОХСҮРЭН: МАЛЫН ТАТВАРЫН ДЭЭД, ДООД ХЭМЖЭЭГ УИХ ТОГТООНО

МХҮНХ-НЫ ТЭРГҮҮН, УИХ-ЫН ГИШҮҮН Д.ТОГТОХСҮРЭН бэлчээрийн асуудлын хүрээнд “Хөдөө аж ахуйн хоршооллыг хөгжүүлэхэд НӨАТ-аас чөлөөлөх асуудлыг Та бүхэн бодлогын түвшинд авч үзээч гэж буй юм байна. Үүнийг цаашид хэлэлцье. Одоо малын ноос, арьс шир урамшуулалтай байна. Ноос бол үйлдвэрээр дамжаад явж байна. Мөн бэлчээрийн асуудал ярьж байна. УИХ-д 2021 оны улсын төсвийг өргөн барьсан. Төсөвтэй хамт орон нутгаас сонгогдсон гишүүд төвлөрлийг сааруулах хүрээнд Малын тоо толгойн татварын тухай хуулийг санаачлаад өргөн барьсан. Үүнийг сумын татвар гэж нэрлэж байна.

Татварын дээд, доод хэмжээг УИХ тогтооно. Сум тэмээнээсээ илүүг авах уу, хониноосоо бага авах уу гэдгийг өөрсдөө тогтооно. Буцаагаад сум дээрх татварыг мал эмнэлэг, мал өвөлжилт, бэлчээр, малчдыг чадавхжуулах сургалт сурталчилгааны ажилд зарцуулахаар тусгаж байна. Өмнө нь малын хөлийн татвар улсын орлого болоод явдаг байсан. Одоо бол сум өөрсдөө зарцуулах нь байна" гэлээ.

Энэ мэдээнд өгөх таны сэтгэгдэл?
2
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-07 150.129.142.133

нөгөө идэмхий хувхай дарга нар нь жийп авчихна.

Avatar

zochin 2020-10-07 202.9.40.45

huurhii duu ter mungu ni heden buhchuudiin bair unaa bolno biz

Avatar

Зочин 2020-10-07 185.220.102.241

——— Шилдэг бэлгийн болзоо сайтад тавтай морилно уу —- https://tinyurl.com/y9mh59ld

Avatar

ИХ БӨӨ 2020-10-07 103.43.76.224

ОРОН НУТАГТ МАН ЯЛАГДАХ ЮМАА ӨӨРӨӨ ӨӨРТӨӨ ХИЙЛЭЭ ХОХЬ Л ГЭХЭЭС АН СЭВЭЭД ЯВЧИХААА МЭДЭЛГҮЙ ЯАХАВ 99НАСТАЙ БАЙЖ ИЙМ ТЭНЭГ 10ХОНОГИЙН ДАРАА ГАРГАЖ ИРЖ БОЛООГҮЙ ЮМ БАЙХ ДАА ХӨӨРХИЙ ОДОО УЛС ОРОН ХӨГИХГҮЙ ДЭЭРЭЭС ИРСЭН ШИЙДВЭР ДООРОО БУДАА

Avatar

Зочин 2020-10-07 43.242.243.3

Сумын ах дүүгээрээ сонгогдсон бүлэг хүмүүсийн хоолийг бэлдлээ дээ манайх шиг оронд энэ төрийн тогтолцоо нь болохгүй зөвхөн эрх мэдэлд хүрч төсвийн мөнгө хувааж идэх сонирхол давамгайлсан чиглэлд яваад байна олон иргэдийн төлөөлөгч тэжээх шаардлага манайд алга ярихдаа ард түмний төлөөлөл ачир дээрээ төсвийн мөнгийг тендер нэртэй хувааж ах дүү хамаатан садан хамтрагч нараараа иддэг тогтолцоо би болоод байна

NewsMN Гар утасны хувилбар Татах
NEWS.mn

Мэдээллийн эх сурвалж