АНУ-ын цэргийн F22 байлдааны дөрвөн онгоц өнөөдөр Өмнөд Солонгос улсын нийслэл Сөүл хотын зах хэсэг дэх агаарын цэргийн Осан баазад газардлаа. Эдгээр нь радарт үл үзэгддэг гэнэ. Хойд Солонгос улсын саяхан явуулсан зэвсгийн туршилттай холбоотойгоор  АНУ-ын эрх баригчид эдгээр онгоцыг Өмнөд Солонгос улсад байрлуулахаар болсон юм. 

Хойд Солонгос улсын хувьд өнгөрөгч нэгдүгээр сарын 6-нд дөрөв дэх удаагийн цөмийн туршилтаа явуулсан байдаг. Тухайн үед устөрөгчийн бөмбөг туршиж, тэр нь амжилттай болсон тухай залуу удирдагч Ким Жон Ун бахархалтайгаар мэдэгдсэн ч, барууны мэргэжилтнүүд туршилт бүтэлгүйтсэн гэдгийг баталж байсан юм. Тэгвэл энэ сарын 7-ны өдөр Пхеньян хиймэл дагуул бүхий зөөгч пуужинг хөөргөсөн. Сөүл болон АНУ-ын эрх баригчид  Пхеньянийг тив алгасагч байлдааны баллистик пуужингийн загвар туршсан хэмээн сэрдэх болсон билээ.

Ингэснээр хөрш зэргэлдээ орон төдийгүй бүс нутгийн хэмжээнд Хойд Солонгос аюул занал учруулж болзошгүй гэж албаныхан үзэж сөнөөгч онгоцыг байрлуулахаар болсон байна. Үүнээс гадна Өмнөд Солонгос болон АНУ-ын эрх баригчид пуужингийн довтолгооноос хамгаалах системийг солонгосын хойгт байрлуулах асуудлыг хэлэлцэж байгаа аж.

Эх сурвалж: www.mminfo.mn

Эдгээр нь радарт үл үзэгддэг гэнэ. Хойд Солонгос улсын саяхан явуулсан зэвсгийн туршилттай холбоотойгоор  АНУ-ын эрх баригчид эдгээр онгоцыг Өмнөд Солонгос улсад байрлуулахаар болсон юм. 

Хойд Солонгос улсын хувьд өнгөрөгч нэгдүгээр сарын 6-нд дөрөв дэх удаагийн цөмийн туршилтаа явуулсан байдаг. Тухайн үед устөрөгчийн бөмбөг туршиж, тэр нь амжилттай болсон тухай залуу удирдагч Ким Жон Ун бахархалтайгаар мэдэгдсэн ч, барууны мэргэжилтнүүд туршилт бүтэлгүйтсэн гэдгийг баталж байсан юм. Тэгвэл энэ сарын 7-ны өдөр Пхеньян хиймэл дагуул бүхий зөөгч пуужинг хөөргөсөн. Сөүл болон АНУ-ын эрх баригчид  Пхеньянийг тив алгасагч байлдааны баллистик пуужингийн загвар туршсан хэмээн сэрдэх болсон билээ.

Ингэснээр хөрш зэргэлдээ орон төдийгүй бүс нутгийн хэмжээнд Хойд Солонгос аюул занал учруулж болзошгүй гэж албаныхан үзэж сөнөөгч онгоцыг байрлуулахаар болсон байна. Үүнээс гадна Өмнөд Солонгос болон АНУ-ын эрх баригчид пуужингийн довтолгооноос хамгаалах системийг солонгосын хойгт байрлуулах асуудлыг хэлэлцэж байгаа аж.

Эх сурвалж: www.mminfo.mn