МҮБХ-ны дараагийн тэргүүн хэн бэ? | News.MN

МҮБХ-ны дараагийн тэргүүн хэн бэ?

МҮБХ-ны дараагийн тэргүүн хэн бэ?

МҮБХ-ны дараагийн тэргүүн хэн бэ?

Монголын үндэсний бөхийн холбоо/МҮБХ/ ирэх аравдугаар сарын 24-ний өдөр Цэцдийн зөвлөлийн хурлыг зарлаж, дараагийн Их Эе хурлын товыг хэлэлцэж тогтохоор болсон билээ. Өмнөх Цэцдийн зөвлөлийн хурлаар Их Эе хурлын товыг тогтсон ч тодорхойгүй шалтгааны улмаас хойшлуулсан. Үүнийг саяхан ил болсон улсын их баяр наадмын допингийн хариутай ч холбох хүмүүс байна. Угтаа Их Эе хурлаа зохион байгуулж чадвал МҮБХ-ны тэргүүнийг сонгож, үйл ажиллагаа, бодлогоо шинэчлэх гээд байдаг. Гэтэл ар араасаа асуудлууд, бөхчүүдийн эсэргүүцэлтэй тулгарсаар байна.Сүүлийн жилүүдэд бөхийн холбоо болон үндэсний бөхийн нэр хүнд унаж, ард олны дунд сайнаар бус саараар хэлүүлэх нь олон болжээ.

ҮҮССЭН НӨХЦӨЛ БАЙДАЛ

Монголын үндэсний бөхийн холбоонд 2002 оноос үүссэн маргаантай асуудлууд одоо болтол цэгцлэгдээгүй хэвээр байна. 2002 оноос хойш 2006, 2010, 2014, 2017, 2018 онуудад тус бүрдээ Их эе хурлыг зохион байгуулсан ч маргаан дагуулж, шүүхийн маргаан үүсгэсээр өдийг хүрэв. 2017 онд тодорхой хүрээнд ирц бүрдүүлж, Их эе хурлыг зохион байгуулан “Гацуурт” ХХК-ийн захирал Л.Чинбатыг МҮБХ-ны тэргүүнээр сонгосон. Харин 2018 оны гуравдугаар сард 21 аймгийн төлөөлөлтэй 200 төлөөлөгчийн бүрэлдэхүүнтэй наймдугаар “Их Эе” хуралдаж, тухайн үед МҮБХ-г бодитоор тэргүүлсээр ирсэн МУ-ын СГЗ Р.Нямдорж болон Д.Данзан нарыг чөлөөлж, шинэ удирдлагуудаа сонгосон. Гэтэл үүний дараа өмнө дурдсан 2017 оны “Их Эе”-ийн дагуу Л.Чинбатыг МҮБХ-ны тэргүүн гэсэн бүртгэлийг Улсын бүртгэлийн ерөнхий газар хийж, үүнтэй холбоотой шүүхийн маргаан үүссэн. Үүнээс шалтгаалж Бөхийн Өргөө хаагдахад хүрч, ээдрээ төвөгтэй маш олон үйл явдал өрнөсөн.

МҮБХ-ны санхүү, дансыг 2018 оноос битүүмжилж хаасан

“Гацуурт” ХХК-ийн захирал Л.Чинбат нь “Дахин МҮБХ-ны асуудалд оролцохгүй, та бүхэн нэгдсэн хурлаа хийж асуудлуудаа бүрэн шийдэх биз ээ” гээд 2017 онд сонгогдсон МҮБХ-ны тэргүүнээсээ татгалзаж, 2018 оны Их Эе хурлаас тэргүүнээр сонгогдсон Дархан аварга Б.Бат-Эрдэнэд өөрт байгаа тамга гэрчилгээг өгч байгаагаа хэвлэл мэдээллийн хэрэгслүүдээр нийтэд мэдээлсэн.Үүний дараа Дархан аварга Б.Бат-Эрдэнэ тэргүүний хүндтэй албаа дэд тэргүүн Ц.Магалжавт хүлээлгэн өгч байгаагаа мэдэгдсэн. Ийнхүү ирэх Их Эе хурал хүртэл Ц.Магалжав заан МҮБХ-ны тэргүүний үүрэг гүйцэтгэгч болов.

МҮБХ-НЫ ТЭРГҮҮНД ГОРИЛОГСОД

Ирэх Их Эе хурлаар МҮБХ-ны шинэ тэргүүн сонгогдох учиртай.

Монгол улсын заан, МҮБХ-ны дэд тэргүүн Ц.Магалжав – Сүхбаатар аймгийн Мөнххаан сумын харьяат түүний хувьд МҮБХ-ны холбооны дараагийн тэргүүн болох хамгийн өндөр магадлалтай гэж бөх сонирхогчид үзэж байна. Өөрөө ч допингийн золиос болж хожим нь улсын заан цолоо нөхөн хүртсэн Ц.Магалжав энэ асуудал дээр хатуу байр суурьтай байдаг.

Дархан аварга Г.Өсөхбаяр – Даян аварга Н.Жамъянгийн зээ хүү дархан аварга Г.Өсөхбаяр МҮБХ-г тэргүүлэх боломжтой хүмүүсийн нэг. Удмаараа Монголын бөхийн түүхэнд хувь нэмрээ оруулж буй дархан аварга Г.Өсөхбаяр өдгөө Цэцдийн зөвлөлийг удирдаж буй.

Дархан аварга Х.Баянмөнх – Монгол төрийн наадмаа арав түрүүлсэн Х.Баянмөнх аварга энэ удаагийн тэргүүнд өөрөө хүсвэл хүчтэй өрсөлдөнө. Дархан аварга Х.Баянмөнхийн хувьд МҮБХ-ны үйл ажиллагаа үргэлж шүүмжилж, гомдолтой явдгаа нуудаггүй. Төрийн наадмаа гурван үзүүрлэсэн хүү улсын гарьд Б.Гантогтохынх нь арслан цолыг өдийг хүртэл өгөөгүйд тэр бухимдалтай байдаг.

Аймгийн заан Р.Сэддорж – Аль 2010 онд л МҮБХ-ны тэргүүн болох боломжтой гэгдэж байсан Өмнөговь аймгийн Цогт-Овоо сумын харъяат түүний хувьд өдгөө “Тавантолгой” ХК-ийн гүйцэтгэх захирлаар ажиллаж байна.

Дээрх хүмүүсээс гадна дархан аварга А.Сүхбат, улсын харцага Т.Өсөх-Ирээдүй нарын нэрс ч дараагийн шинэ тэргүүний өрсөлдөөнд яригдаж байна.

ШИЙДВЭРЛЭХ АСУУДЛУУД

Дээрх хүмүүсээс хэн нь ч МҮБХ-ны тэргүүн болсон бай хэд хэдэн заавал шийдвэрлэх асуудлууд бий. Хамгийн эхний нэн тэргүүний асуудал бол допинг. 2002 онд МҮБХ-г тойрсон асуудлууд гарч ирснээс хойшхи зохион байгуулагдсан 19 улсын их баяр наадмын арванхоёрт нь допингтой бөхчүүд зодогложээ. Ялангуяа сүүлийн хоёр улсын их баяр наадмын түрүү үзүүрийн бөхөөс допинг илэрлээ. Үүнээс л харахад допинг гэдэг зүйл үндэсний бөхийн ямар шатанд нэвтэрсэн нь тодорхой байна.

Мөн найраа, барьцны асуудал. Энэ хоёр асуудал үндэсний бөхийг сонирхолгүй, өрсөлдөөнгүй болгож байна гэхэд буруудахгүй. Үндэсний бөхөд сүүлийн жилүүдэд уран мэх ухаан харагдах нь цөөрчээ. Дээр дооргүй л жингээ нэмж, олигтой барилдаан гаргалгүй тойрч зугтсаар байгаад 15 минутыг дуусгаж, барьц сонгодог болж. Барьц сонгодог асуудлыг бөхчүүд, бөхийн хүрээнийхэн, үзэгчид шүүмжилсээр ирсэн. Харин найрааны тал дээр хатуу шийтгэл, хариуцлагын тогтолцоо байдаггүй мөн баримт, нотолгоо дутмаг байдаг учир шийдвэрлэхэд хэцүү аж.

Дараагийн нэг гол асуудал нь МҮБХ-ны үндэсний их баяр наадмын бөхийн барилдаанд гүйцэтгэж буй үүрэг. Улсын цол хүртсэн, цолоо ахиулсан бөхчүүдийг цолыг ерөнхийлөгчийн зарлигаар өгч, барилдааны дүрмийг нь засгийн газар баталж, допинг хэрэглэсэн бөхчүүдийн нэрсийг ч Хууль зүй, дотоод хэргийн яам зарладаг бол харин МҮБХ нь зүгээр засуул, цэцдийн байгууллага болж хувирчээ.

Энэ мэдээнд өгөх таны сэтгэгдэл?
4
ХахаХаха
2
ЗөвЗөв
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

27 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Ard 2020-10-05 84.197.41.223

Zagdaa ter chadnaa

Avatar

Зочин 2020-10-05 202.126.89.18

Erinhiilugch zarlig gargahaa boli,haany titem shig malgain temdeg,zalaagaa ch boli.dawarchihsan buur turuulsen buhud gants deeliin ungu,tsai l bai shagnald ugvul taarna

Avatar

ЗОЧИН 2020-10-05 202.179.30.242

явж явж Сэддорж гайгүй удирдаж мэднээ хоронд хутгалдаагүй шинэ сэргэг хүн

Avatar

Бурхан 2020-10-05 59.153.84.139

Баянмөнхөө ийм юмны хойноос явж байж төрхөмдөө буцав даа. Үхэх дөхсөн хүнд мөнгө биш маань мэгзэм хэрэгтэй. МҮБХ-г бөх биш бөх судлаач хүн толгойлбол хөгжинөө. Сайн барилддаг бол тэргүүн болчихно гэж бодож байгаа бол тэнэгтэж байна гэдгээ ойлгох хэрэгтэй. Тэнэг хүн тэнэгээ мэдэхгүй байх хамгийн аюултай

Avatar

зочин 2020-10-05 66.181.166.196

Хэн ч тэргүүлсэн ялгаагүй дээ, ийм дүүрчихсэн холбоонд дампуурахаас өөр ямар ч гарц байхгүй, үндэсний бөх гээч юм бөхчүүдийнхээ хэт их шуналаас үүдээд дуусаж байх шиг байна даа

Avatar

Зочин 2020-10-05 202.126.89.194

Элбэгдорж

Avatar

Зочин 2020-10-05 202.179.27.25

ОДООХОНДОО МАГАЛЖАВААС ӨӨР ГАРЦГҮЙ ЭЭ… ХЭСЭГТЭЭ БАЙСАН НЬ ДЭЭР.

Avatar

Зочин 2020-10-05 64.119.20.32

А.Сүхбат л биш шүү.Допингийн загалмайлсан эцэг гэгдээд байгаа хүн болбол дампуурал болоно биз дээ.

Avatar

zochin 2020-10-05 192.82.74.1

doping suhbat, har bayanaa hoyor l bish shuu, busad ni bol hen ch baisan yahav, hen negen STA bsan ch bolno

Avatar

ZOCHIN 2020-10-05 124.158.120.154

ene mongol bichigiig haraagaad baigaa hyatadiin gar huliig olj zailuulaachee tur zasagaa

Avatar

Зочин 2020-10-05 192.82.65.224

Өсөхбаяр Магалжав

Avatar

Зочин 2020-10-05 202.126.89.15

Бөхийн зүтгэлтэн бөхийг хөгжүүлнэ.Гэвч бөхчүүд мангарласаар бөхийн зүтгэлтэн төрүүлээгүй.NBA UEFA клубуудад тамрчин асуудал шийдэхгүй.монгол украйн мэт галзуучуудын улсад байна.Олимпийн хороог олон хэлтэй мэргэжлийн дипломат шахуу болсон хүн удирддаг.

Avatar

ДАРХАД ЗАЙРАН 2020-10-05 202.137.135.105

ОЛОН МУУ ҮЙЛТЭЙ Ч ЭЛБЭГДОРЖ БӨХИЙН ӨРГӨӨНИЙ БАРИЛГА МӨНГӨГГҮЙ ТАЛДАА ЗОГССОН БАЙХАД НЬ ХАРААЛГАН БАЙЖ 800САЯ ТӨГРӨГ ШУУД ГАРГААД ДУУСГАЖ ГАВЬЯА БАЙГУУЛСАН ШҮҮ? ЧИНБАТАД БҮРЭН ӨГЧИХСӨН БОЛ БУДАЖ ЗАСААД ШҮРШҮҮРТЭЙ МАШ ГОЁ БОЛГОХ ТӨСӨЛТЭЙ БАЙСАН Ч ЗОГСООСОН ХХЬ ЧИНЬ ДЭЭ ЧИБАТ ДАНЗАН НЯМДОРЖ 2ШИГ БҮХ ХАМААТАН САДАНДАА АЖИЛ ӨГӨӨД ТҮРЭЭСИЙН МӨНГИЙГ ҮРЖ ДУУССАН ГЭСЭН ХУУРАМЧ БАРИМТ БҮРДҮҮЛЭЭД СУУХГҮЙ БАЯН ХҮН ШҮҮ ДЭЭ

Avatar

банз 2020-10-05 66.181.161.110

допинг анх тараасан сүхбатыг сонго хошин жүжиг

Avatar

Допингчин бөх 2020-10-05 49.0.218.178

Энэ новшийн бөхийн холбоог тарааж, байхгүй болгоочээ!!! Ер нь монгол бөх маань утгаа алдаад бнаа. Бөөн хэрүүл, он удаан жил хурлаа ч зохион байгуулж, удирдлагаа ч сонгож чадахгүй, баахан допингчин бөхчүүдтэй!!! Ийм юм гэж байдаг юмуу??? Болицгоо энэ бөхийн ноцолдоон, зодооныг!!! Ард түмэн маань та нараас үнэхээр залхаж бнаа!!! Ичээчээ новшнуудааааа!!!!

Avatar

Зочин 2020-10-05 66.181.161.117

өсөх-ирээдүй харцага, өсөхбаяр дархан аваргад амжилт хүсье.Тэргүүн болох ёстой бөхчүүд.

Avatar

МҮБХ ТЭРГҮҮН. 2020-10-05 202.179.27.25

ЗУРГААН ЗАЛУУ ЗААНУУД ӨДИЙД МОНГОЛ БӨХИЙН ХОЙМОРТ ХАНХАЙЖ СУУХ УЧИРТАЙМ САН…. ДАААН Ч … БҮГД УЛААН НҮДЛЭЭД МӨНГӨ ХӨӨЦГӨӨЛӨӨ… УЛСТӨРЧДИЙН ХАВАВЧИНД Л ГӨЛӨГ БОЛЦГООЛОО. УУР Ч ХҮРЭХ ШИГ ЗЭВҮҮ Ч ХҮРЭХ ШИГ…. ЦААНА НЬ МАГАЛЖАВ Л ҮЛДЭЖ БАЙНА. ТЭР ЗАЛУУ ЧАДНАА. БИ ИТГЭЖ БАЙНА.

Avatar

Зочин 2020-10-05 139.5.217.12

Mongol buh bol mongolchuudiin undesnii hev shinjiig hadgalj baidag buh niitiin hundlel huleesen zanshil yum.tiimees heden hunii ashig sonirhold hutluuleed orhij bolohgui. Bunion holboog tatan buulgaj probs n turion baiguullaga baiguul. Tegehdee tsomhon butetstei bunion durem juram., Tail olgoltiig shiiddeg. Bunion urguug zuvhun undesnii bish buh turion bunion temtseen uraldaan yavagddag bolgoj olimpiin horizons ug

Avatar

4444 2020-10-05 43.228.129.131

Магалжав заанд их амжилт хүсье

Avatar

..... 2020-10-05 157.245.210.143

za

Avatar

Amar 2020-10-05 182.160.35.60

Энэ Цахиагийн Элбэгновш 7-н уулын цаагуур далд орооч ээ.Б.Ренчин,Ц.Дамдинсүрэн,Ш.Лувсанвандан аваргуудын уйгаржин гэж нэрлэж байсан босоо араб бичгийг "худам монгол" болгож байснаа "монгол бичиг" болгодог ямар том толгойтой цагаандаа гарсан хулгайч, луйварчин бэ?Чи.Худлаа гэвэл дурын араб бичгийг интернетээс гаргаж босгож уйгаржин уншдаг хүнээр уншуулаад үз. Өнөөдөр ч араб шашинтай уйгарууд баруун урд зүгт байж л байна.

Avatar

Зочин 2020-10-05 139.5.217.12

Reneger hens gaihuulaad baidag yumbe

Avatar

... 2020-10-05 202.9.40.176

mgl

Avatar

... 2020-10-05 202.9.40.176

n

Avatar

... 2020-10-05 202.9.40.176

m

Avatar

Зочин 2020-10-05 182.160.35.60

Энэ Цахиагийн Элбэгновш 7-н уулын цаагуур далд орооч ээ.Б.Ренчин,Ц.Дамдинсүрэн,Ш.Лувсанвандан аваргуудын уйгаржин гэж нэрлэж байсан босоо араб бичгийг "худам монгол" болгож байснаа "монгол бичиг" болгодог ямар том толгойтой цагаандаа гарсан хулгайч, луйварчин бэ?Чи.Худлаа гэвэл дурын араб бичгийг интернетээс гаргаж босгож уйгаржин уншдаг хүнээр уншуулаад үз.Одоо ч араб шашинтай уйгарууд баруун урд зүгт байж л байна.

Avatar

Amar 2020-10-05 182.160.35.60

Энэ Цахиагийн Элбэгновш 7-н уулын цаагуур далд орооч ээ.Б.Ренчин,Ц.Дамдинсүрэн,Ш.Лувсанвандан аваргуудын уйгаржин гэж нэрлэж байсан босоо араб бичгийг "худам монгол" болгож байснаа "монгол бичиг" болгодог ямар том толгойтой цагаандаа гарсан хулгайч, луйварчин бэ?Чи.Худлаа гэвэл дурын араб бичгийг интернетээс гаргаж босгож уйгаржин уншдаг хүнээр уншуулаад үз.Одоо ч араб шашинтай уйгарууд баруун урд зүгт байж л байна.

NewsMN Гар утасны хувилбар Татах
NEWS.mn

Мэдээллийн эх сурвалж