Лойдорууд ба Лоббизм | News.MN

Лойдорууд ба Лоббизм

Лойдорууд ба Лоббизм

УИХ-ын гишүүд тодорхой нэг чиглэл зорилгын хүрээнд нөлөөлөл үзүүлэх лобби бүлэг байгуулдаг. Өнгөрсөн 2016 оны УИХ-ын сонгуулиар байгуулагдсан парламентын гишүүд гэхэд 21 лобби бүлэг байгуулжээ. Тэгвэл 2020 оны УИХ-ын сонгуулиар шинээр бүрдсэн эрх баригч МАН-ын олонхи гишүүд мөн хэд хэдэн лобби бүлгийг УИХ-ын анхны ээлжит бус чуулганаар байгуулж амжсан. Тэдгээр лобби бүлэг нь ашиг сонирхлоо гүйцэлдүүлэхийн тулд янз бүрийн үйл ажиллагаа явуулж байдаг.

Лоббизм гэдэг нь товчхондоо төрийн бүхий л байгууллагад шахалт үзүүлэх, нөлөөлөх замаар хувь хүн болон янз бүрийн сонирхлын бүлгүүд ашиг сонирхолдоо нийцсэн шийдвэр гаргуулах үйл ажиллагааг нэрлэдэг.

Энэ нь англиар үүдний өрөө гэсэн утгатай бөгөөд XVII зууны 40-д оноос Их Британийн парламентын ордны барилгын хоёр хонгил, хүлээх өрөөг хэлдэг болсон бөгөөд үүгээр депутатууд саналаа өгөхөөр явдаг, мөн тэдний нэгдсэн хуралдаанд оролцох эрхгүй сонирхогч хүмүүстэй уулздаг газар нь байжээ. Лоббизм нь улс төрийн үзэгдэл болохынхоо хувьд сонирхлын бүлгүүдийн үүрэг, тэдний төр засгийн байгууллагуудад нөлөөлөх бололцоотой нягт холбоотой.

Улс төрийн нам хүчирхэг, үйл ажиллагаа нь үр ашигтай байхын хэрээр сонирхлын бүлгүүдийн улс төрийн бодлого боловсруулахад үзүүлэх нөлөө нь бага байдаг аж. Харин улс төрийн намууд сул дорой байхын хэрээр “лоббидох” нь далайцтай болдог байна.

Ер нь эрх мэдэл бодитой оршиж буй газарт л лобби явагдаж байдаг бөгөөд тэр нь улс төрийн, эсвэл эдийн засгийн ашиг сонирхлыг агуулдаг. Лобби бий болох үндэс нь нийгэмд олон янзын ашиг сонирхол оршиж мөн улс төрийн засаглалд хүрэх боломж нээлттэй байдагтай холбоотой. Зорилгоос нь хамааруулж сонирхлын бүлгийн лоббиг эдийн засгийн, нийгмийн, соёлын гэж үндсэндээ гурав ангилдаг байна.

Парламент дахь лобби нь тодорхой сонирхлын бүлгүүдэд хэрэгцээ шаардлагатай байгаа хуулиудыг батлуулахад чиглэгддэг. Манай оронд лоббидох үйл ажиллагааг зохицуулахад 1996, 2006 онд Монгол Улсын Их хурлаас баталсан Авилгын эсрэг хууль тодорхой үүрэг гүйцэтгэж, хууль ёсны бус лоббиг таслан зогсооход чиглэсэн.

Тэгвэл МАН-ын олонхоос бүрдсэн парламентын гишүүдын лобби бүлэг байгуулах нь хэр зохимжтой эсэх талаар УИХ-ын гишүүн асан, хуульч О.Баасанхүү “Лобби бүлэг гэдэг УИХ-д наймаас доош суудалтай нам УИХ-д бусад эрх баригч намын гишүүдээр бодлогоо дэмжүүлж батлуулахын тулд байгуулдаг. Өөрийн гэсэн бүлэгтэй, мөрийн хөтөлбөрөө ард түмнээр дэмжүүлсэн Засгийн газартай байж лобби бүлэг байгуулж байгаа нь хийх ажил олдохгүй юм байна гэсэн үг” гэж хэлжээ.

Нөгөөтэйгүүр баахан лобби гэх бүлэглэлүүдийн үйл хэрэг эцэстээ төрийг үймүүлж самарсан гэмт бүлэглэл болох вий гэсэн болгоомжлол  ч нийгэмд байдаг.

Эрх баригч намын гишүүдийн байгуулаад байгаа лобби бүлгүүдийг дэлгэрэнгүй танилцуулъя.

1. АРДЫН ЭРҮҮЛ МЭНДИЙГ ДЭМЖИХ ЛОББИ БҮЛЭГ

БҮЛГИЙН АХЛАГЧ: Ж.Чинбүрэн

БҮЛГИЙН ГИШҮҮД: М.Оюунчимэг, Б.Саранчимэг, С.Амарсайхан, П.Анужин, Ё.Баатарбилэг, Э.Бат-Амгалан, Б.Бейсен, С.Ганбаатар, Х.Ганхуяг, Ж.Мөнхбат, Ц.Мөнх-Оргил, С.Одонтуяа, Ц.Туваан, Н.Учрал, Ц.Цэрэнпунцаг, Л.Энх-Амгалан, Т.Энхтүвшин нар.

ЗОРИЛГО: Тус лобби бүлэг 2020-2024 оны УИХ-ын бүрэн эрхийн хугацаанд эрүүл мэндийн салбарын санхүүжилтын тогтолцоог боловсронгуй, үр өгөөжтэй болгож, эмнэлгийг бие даасан байлгах, эмч, эмнэлгийн мэргэжилтний эрх зүйн орчныг бүрдүүлэх, “Элэг бүтэн Монгол” хөтөлбөрийн үр ашиг, өгөөж далайцыг өсгөн нэмж, элэгний Д вирусын улмаас өвдөн шаналж буй 100.000 гаруй иргэнээ эмчлэгдэх боломжоор хангах, хорт хавдрын эрт илрүүлгийг олон улсын жишигт хүргэх, нийгмийн эрүүл мэндийн салбарын “шүдний өвчин” болтлоо ужгирсан архидалт, мансуурлын эсрэг бодлого боловсруулж ажиллах, үйлчлүүлэгч, эмчлүүлэгчийн эрүүл мэндийн эрхийг хамгаалах хууль, эрх зүйн орчныг бүрдүүлж, өмчлөлийн бүх хэлбэрийн эрүүл мэндийн байгууллага, эрүүл мэндийн салбарт ажиллагсдын болон иргэдийн санал хүсэлтийг төрийн бодлогод бодитой тусгах, хууль, тогтоомжийн хэрэгжилтэд хяналт тавих зэрэг үндсэн чиглэлээр ажиллана.

2. ХӨДӨӨ АЖ АХУЙН ХӨГЖЛИЙГ ДЭМЖИХ, БҮТЭЭГДЭХҮҮНИЙ ЭКСПОРТЫГ НЭМЭГДҮҮЛЭХ ЛОББИ БҮЛЭГ

БҮЛГИЙН АХЛАГЧ:Ж.Мөнхбат

БҮЛГИЙН ГИШҮҮД: Ш.Адьшаа, С.Амарсайхан, А.Адъяасүрэн, Ц.Анандбазар, П.Анужин, Т.Аубакир, Т.Аюурсайхан, Ё.Баатарбилэг, Ж.Батжаргал, Б.Бат-Эрдэнэ, Ж.Бат-Эрдэнэ, Д.Бат-Эрдэнэ, Б.Баярсайхан, Б.Бейсен, Ц.Туваан, Х.Болорчулуун, С.Бямбацогт, Г.Ганболд, Н.Ганибал, Л.Мөнхбаатар, Г.Мөнхцэцэг, Н.Наранбаатар, Ч.Ундрам, О.Цогтгэрэл, Б.Чойжилсүрэн, Л.Энх-Амгалан, Т.Энхтүвшин, Б.Пүрэвдорж нар.

ЗОРИЛГО: Монгол Улсын хөгжлийн гол салбарын нэг мал аж ахуйн салбарыг хөгжүүлэх, малын гаралтай түүхий эдийн үнийг нэмэгдүүлэх, үндэсний баялаг бүтээгчдийг бодлогоор дэмжихэд лобби бүлгийн гишүүд манлайлан ажиллана. Мөн бэлчээрийн нөөцийн менежментийг сайжруулах холбогдох хууль эрх зүйн орчныг шинэчлэх, газар тариалангийн салбарт дэмжлэг үзүүлэх асуудлын хүрээнд хууль санаачилж, идэвхтэй ажиллах.

3.ХҮЧИРХИЙЛЭЛТЭЙ ТЭМЦЭХ ЛОББИ БҮЛЭГ

БҮЛГИЙН АХЛАГЧ: Б.Баярсайхан

БҮЛГИЙН ГИШҮҮД: Ц.Мөнх-Оргил, Д.Сарангэрэл, Ж.Сүхбаатар, Ц.Туваан

ЗОРИЛГО: Хууль тогтоомжийг боловсронгуй болгох, хуулийг хэрэгжүүлэгч талбаруудад тулгамдаж буй асуудлыг судлан бодлогын дэмжлэг үзүүлэх гэх мэт өргөн хүрээнд ажиллах юм байна. Хүүхдийн хүчирхийлэл, гэр бүлийн хүчирхийлэл, ажлын байран дахь бэлгийн дарамт зэрэг хүчирхийллүүд нийгмийн бүх түвшинд олон хэлбэрээр үйлдэгдэж байгаа нь холбогдох хууль тогтоомжийн хэрэгжилт сул, сурталчилгаа тааруу, ард иргэдийн ёс зүйн боловсрол доройтсоныг харуулж байна. тиймээс хууль боловсруулж, батлах түвшинд энэ чиглэлд анхаарал хандуулж, батлагдаж буй хууль, тогтоомжуудыг боловсруулах шатанд анхаарал хандуулан ажиллах.

4.БАРУУН БҮСИЙН БАЙГАЛЬ ОРЧНЫГ ХАМГААЛАХ, АГААР, ХӨРСНИЙ БОХИРДЛЫГ БУУРУУЛАХ  ЛОББИ БҮЛЭГ

БҮЛГИЙН АХЛАГЧ: Ш.Адьшаа

БҮЛГИЙН ГИШҮҮД: Т.Аубакар, Х.Баделхан, Б.Баярсайхан, Б.Бейсен, С.Бямбацогт, Б.Пүрэвдорж, Ш.Раднаасэд, Ч.Хүрэлбаатар, О.Цогтгэрэл, Ц.Цэрэнпунцаг, Б.Чойжилсүрэн, Б.Энх-Амгалан, Б.Саранчимэг нар.

ЗОРИЛГО: Бүс нутгийн агаар, хөрсний бохирдлыг бууруулах, цөлжилтөөс сэргийлэх, орон нутгийн иргэдийн амьдрах орчны аюулгүй байдлыг хангахад чиглэсэн тодорхой ажлууд хийж эхний ээлжид аймгийн төв тус бүрд агаарын бохирдлыг өнөөгийн байгаа түвшнээс тодорхой хувиар бууруулахыг гол зорилгоо болгосон. Үүний хүрээнд Ховд аймаг дахь Хөшөөтийн нүүрсний уурхайг түшиглэн сайжруулсан утаагүй түлшний үйлдвэр байгуулах санаачилга гарган, Монгол Улсын урт, дунд хугацааны хөгжлийн бодлогын баримт бичгүүдэд тусгуулахаар ажиллана.

5.КЭМБРИЖИЙН ХӨТӨЛБӨРИЙГ ХЭРЭГЖҮҮЛЭХИЙГ ДЭМЖИХ ЛОББИ БҮЛЭГ

БҮЛГИЙН АХЛАГЧ: Н.Учрал

БҮЛГИЙН ГИШҮҮД:  Х.Ганхуяг, Г.Амартүвшин, Г.Дамдинням, С.Батболд, Х.Булгантуяа, Д.Батлут нар.

ЗОРИЛГО: Монгол хүүхдүүд дэлхийд үнэлэгдэх, өрсөлдөх боловсролыг нийслэлд ч орон нутагт ч тэгш эзэмших боломжийг боловсролын тогтолцоонд бий болгох. Кэмбриж, лаборатори гэж ялгадаг байдлыг арилгаж бүгд тэгш боловсрол эзэмших боломжийг бий болгох зорилготой.

 

Энэ мэдээнд өгөх таны сэтгэгдэл?
15
ТэнэглэлТэнэглэл
2
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-10-05 122.201.21.120

Зөв санаа, маш хэрэгтэй зүйлүүд л байна шүү дээ. Дэмжиж ажиллах боломж олгох хэрэгтэй. Сөрөг хүчин гэх тээгүүд, урдуур нь дэгээ тавихаа боливол зохино. Улс оронд хэрэгтэй зүйл хийхийг оролдох бүр жадалж эсэргүүцэж байдаг сонин хүмүүс байх юм.

Avatar

zochin 2020-10-05 202.179.27.76

Us subgiin 30 bairnii gal togoonii krantnaas ergeed b**s unerteed bna, !!!! ene udaj bna, ter mergejliin chumuus n chaana baina ????, bid ovchin avmaargui bna!!!

Avatar

Зочин 2020-10-05 202.21.108.247

МАНгарууд ыг яаанаа, эр эм, хөгшин залуугүй сумтай ккккк

Avatar

Amar 2020-10-05 182.160.35.60

Энэ балай Цахиагийн Элбэгновш 7-н уулын цаагуур далд орооч ээ.Б.Ренчин,Ц.Дамдинсүрэн,Ш.Лувсанвандан аваргуудын уйгаржин гэж нэрлэж байсан босоо араб бичгийг "худам монгол" болгож байснаа "монгол бичиг" болгодог ямар том толгойтой цагаандаа гарсан хулгайч, луйварчин бэ?Чи.Худлаа гэвэл дурын араб бичгийг интернетээс гаргаж босгож уйгаржин уншдаг хүнээр уншуулаад үз.Одоо ч араб шашинтай уйгарууд баруун урд зүгт байж л байна.

Avatar

Зочин 2020-10-05 202.179.15.3

ЭБИ ГЭЭР ӨВЧИЛЧИХСӨН ЧИ Л ДАЛД ОРООСОЙ ХАХА ХАЛДВАР НЬ ДЭНДҮҮ МУЛГУУ…СЭТГЭЦИЙН ХЯМАРАЛД ЛАВ ГҮН ШИГДЭЖ ДЭЭ ХАХА ЧИ Ч УДАХГҮЙ БАЙХ АА ХАХА

Avatar

Зочин 2020-10-05 182.160.35.60

Энэ Цахиагийн Элбэгновш 7-н уулын цаагуур далд орооч ээ.Б.Ренчин,Ц.Дамдинсүрэн,Ш.Лувсанвандан аваргуудын уйгаржин гэж нэрлэж байсан босоо араб бичгийг "худам монгол" болгож байснаа "монгол бичиг" болгодог ямар том толгойтой цагаандаа гарсан хулгайч, луйварчин бэ?Чи.Худлаа гэвэл дурын араб бичгийг интернетээс гаргаж босгож уйгаржин уншдаг хүнээр уншуулаад үз.Одоо ч араб шашинтай уйгарууд баруун урд зүгт байж л байна.

Avatar

Зочин 2020-10-05 202.179.15.3

ЭБИ ГЭЭР ӨВЧИЛЧИХСӨН ЧИ Л ДАЛД ОРООСОЙ ХАХА ХАЛДВАР НЬ ДЭНДҮҮ МУЛГУУ…СЭТГЭЦИЙН ХЯМАРАЛД ЛАВ ГҮН ШИГДЭЖ ДЭЭ ХАХА ЧИ Ч УДАХГҮЙ БАЙХ АА ХАХА

Avatar

Зочин 2020-10-05 103.26.193.165

Байнгын хороо ажлын хэсгүүдээ ажилуулж чадахгүй байж лобби бүлэг гэж солиорохоо больцгоо.

Avatar

маанаг засаг сургууль 2020-10-05 66.181.161.110

дэмиирээд элиирэл цаашлаад галзуурал болдог та нар доржхандаас суралц учрал та ждү яаж тууснаа яриач энэ чинь лобби

Avatar

Зочин 2020-10-05 182.160.0.120

Нээх гоё гоё үг хэлээд сүржигнэх хэрэггүй дээ. Сонгуулиа шударга явуулж сурах хэрэгтэй. Маргаан гарвал хууль шүүх нь шударга шүүдэг байх ёстой. Ондоо олон долоон юмс ярих нь илүүц. Шударга ёсны суурь зарчим сонгууль шударга байх хэрэгтэй. МАН 2020 оны сонгуулийг хуугаар нь луйвардчихаад гоё гоё ярих нь ямар ч утга учиргүй. Ингэж сонгууль булхайцаж луйвардвал сонгууль хийх хэрэг байна уу?

Avatar

Зочин 2020-10-05 66.181.161.31

Залуучууд ид ,, гахай чирээд л ганзганд,, шаажж явах насандээрэй Их Хуралд элэнцгээ хийж сууж байдаг байнаа ..
Их Хурал бол залуу хүний суудаг газар биш шдэ! … Савсаг залуусын бусниулсны горыг дараа үе нь амснаа …

Avatar

Зочин 2020-10-05 64.119.23.208

Ойлгохгүй юм уих гишүүд гэж реклам л хийх юм тодорхой дэс дараатай ажил хийгээд үр дүн нь харагдаад ирвэл лобби бүлэгтэй бүлэггүй хүмүүс таниад эхлэнэ эээ асуудлаа хариуцсан төрийн байгууллагуудаа шахаад ажиллач дээ хууль журам нь байна гүйцнтгэдэг байгуудлага нь байна

Avatar

Amar 2020-10-05 182.160.35.60

Энэ Цахиагийн Элбэгновш 7-н уулын цаагуур далд орооч ээ.Б.Ренчин,Ц.Дамдинсүрэн,Ш.Лувсанвандан аваргуудын уйгаржин гэж нэрлэж байсан босоо араб бичгийг "худам монгол" болгож байснаа "монгол бичиг" болгодог ямар том толгойтой цагаандаа гарсан хулгайч, луйварчин бэ?Чи.Худлаа гэвэл дурын араб бичгийг интернетээс гаргаж босгож уйгаржин уншдаг хүнээр уншуулаад үз.Одоо ч араб шашинтай уйгарууд баруун урд зүгт байж л байна.

Avatar

Зочин 2020-10-05 202.179.15.3

ЭБИ ГЭЭР ӨВЧИЛЧИХСӨН ЧИ Л ДАЛД ОРООСОЙ ХАХА ХАЛДВАР НЬ ДЭНДҮҮ МУЛГУУ…СЭТГЭЦИЙН ХЯМАРАЛД ЛАВ ГҮН ШИГДЭЖ ДЭЭ ХАХА ЧИ Ч УДАХГҮЙ БАЙХ АА ХАХА

NewsMN Гар утасны хувилбар Татах
NEWS.mn

Мэдээллийн эх сурвалж